O‘zbekiston futbol assosiasiyasi tomonidan Yevropa mamlakatlari futbol federasiyalari bilan yaqin aloqalar o‘rnatib, o‘zbek futboli rivoji yo‘lida ularning boy tajribasidan unumli foydalanish yo‘lida bir qator chora-tadbirlarni amalga oshirib kelishmoqda.
Jumladan, O‘FA 1-vise-prezidenti Umid Ahmadjonovning maslahatchisi San’at Sharipov va O‘FA Terma jamoalar departamenti direktori Sharofiddin Hojiniyozov bugun Gresiya futbol federasiyasi vakillari - Gresiya futbol federasiyasi Texnik direktori Xaralampos Zelenisas, Gresiya milliy terma jamoasi menejeri Despoina Papastatopulous hamda GFF Terma jamoalar bilan ishlash boshqarmasi vakili Antonis Zanetopulos bilan uchrashishdi.
Gresiya futboli dunyoda o‘z o‘rniga ega bo‘lib, bu mamlakat futbol metodologiyalari va murabbiylar tayyorlash bo‘yicha Yevropada yetakchi mamlakatlar qatorida turadi.
2004 yilda Gresiya Yevropa chempionatida g‘olib chiqqanidan keyin butun dunyoda Gresiya terma jamoasining o‘yin uslubi va natija uchun nihoyatda tartibli harakat qilish jihatlari sinchiklab o‘rganilib, andozalar ko‘chirishga harakat qilindi.
Gresiyada murabbiylik lisenziyasiga ega bo‘lish uchun juda katta talab qo‘yiladi. Shundan kelib chiqqan holda, bu yerda murabbiylar faoliyatni boshlashdan avval o‘z ustida ko‘p ishlashi va murakkab imtihonlarga tayyor bo‘lishi kerak bo‘ladi.
O‘zbekiston futbol assosiasiyasi mutasaddilari Gresiya futboli vakillari bilan uchrashuv chog‘ida murabbiylar tayyorlash tizimi haqida fikr almashishdi. Gresiyadagi futbol akademiyalarida yo‘lga qo‘yilgan ish uslubi o‘rganildi hamda o‘zbekistonlik bolalar murabbiylarini Gresiyaga yuborib, o‘sha yerda malaka oshirish kurslarida tahsil olishlarini ta’minlash bo‘yicha ham bir to‘xtamga kelindi. Shuningdek, kelgusida bolalar futboli bo‘yicha gresiyalik mutaxassislarni, Pro sertifikati hamda "A" lisenziyasiga ega, Yevropada kuchli hisoblangan murabbiylarni yurtimizga taklif etib, ular ishtirokida mamlakatimizdagi bolalar va o‘smirlar akademiyalarida turli seminarlar va o‘quv kurslari o‘tkazish bo‘yicha hamkorlik masalalari ko‘rib chiqildi. Bundan tashqari, O‘zbekistonning turli yoshdagi terma jamoalari bilan Gresiya terma jamoalari o‘rtasida o‘rtoqlik o‘yinlari o‘tkazish bo‘yicha ham kelishuvga erishildi.
O‘zbekistonning ko‘plab klublari va terma jamoalari qish mavsumida Turkiya mamlakatida yig‘inlar tashkil etishadi. Gresiya esa joylashuvi va iqlimi jihatdan Turkiyaga yaqin bo‘lgani sababli, kelgusida Turkiyada yig‘in o‘tkazadigan jamoalar Gresiyaga ham yo‘l olib, bu yerda nazorat o‘yinlarini o‘tkazish masalalari muhokama qilindi.
Yaponiya
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
