Bugun Andijon shaxridagi "Olimpiya zahiralari kolleji" majlislar zalida O‘zbekiston muxlislar klubining bir nechta a’zolari, "Andijon" futbol klubi mutasaddilari, Viloyat kasb-hunar ta’lim boshqarmasi vakillari, Viloyat mahalla kengashi a’zolari, yosh futbolchilar, "Andijon" futbol klubining faxriy futbolchilari va klub fan-klubi a’zolari o‘rtasida yig‘ilish bo‘lib o‘tdi.
Unda Viloyat kasb-hunar ta’lim boshqarmasi boshlig‘i o‘rinbosari Tohir Badalov, Viloyat mahalla kengashi raisi o‘rinbosari Dilshodbek Tojiboyev, "Andijon" futbol klubi bosh direktori Orif Mamatkazin, sport direktori Islombek Rustamov, matbuot kotibi Odilbek Tolipov, faxriy futbolchilar - Baxtiyor Hamidullayev va Raxim Qodirov, klubning bir qator fan klubi a’zolari va yosh sportchilar ishtirok etishdi.
Yig‘ilishdan asosiy maqsad, sportning futbol turini mamlakatimizda keng targ‘ib qilish, stadionga muxlislarning tashrifini oshirish va ularga keng sharoitlar yaratib berish, shuningdek yosh futbolchilar faxriy futbolchilardan o‘zlari uchun kerakli bo‘lgan maslahatlar va o‘zlarini qiziqtirgan savollarga javob olishdi.Xojimuxammedov chiqib, hozirgi kunda mamlakatimizda fan-klublar o‘rtasida sog‘lom raqobat yuzaga chiqqani, yetakchi fan-klublar orasida andijonliklarning muhim o‘rin tutgani, muxlislik saviyasini oshirish uchun izlanishlar olib borilayotganligi, yaqin yillar mobaynida yevropalik muxlislar singari faol bo‘lishlari haqida aytib o‘tdi. Qolaversa, O‘zbekiston muxlislar klubi tomonidan klub fan-klubiga biror maslahat yoki yordam kerak bo‘lsa, vakolati darajasida yordam berishlarini gapirib o‘tdi.
Shundan so‘ng, "Andijon" jamoasi fan-klubi yetakchilaridan biri Furqat Iminov jamoa Superligaga qaytganligi fan-klub a’zolarini xursand qilganini, o‘z navbatida muxlislar jamoani qo‘llab-quvvatlash uchun borini berishlarini alohida ta’kidlab o‘tdi. Shuningdek, "Andijon" jamoasi vise-prezidenti Ma’rufjon Abdisalomov joriy mavsumdan fan-klubga alohida e’tibor berayotganini aytib o‘tdi. So‘zining yakunida, bu yil muxlislar klubida yangiliklar juda ko‘pligi haqida gapirdi.
Shuningdek, "Andijon" klubi sport direktori Islombek Rustamov so‘zga chiqib, "Sog‘lom Avlod" stadionida qilinayotgan ishlar yuzasidan hisobot berdi. Jumladan, muxlislar uchun stadionning to‘rtta nuqtasida fast-fud do‘konlari, salqin ichimliklar sotadigan do‘konlar, jamoaning rasmiy kiyimlarini sotadigan savdo nuqtalari qurilayotganini, hamkorlar bilan birgalikda stadionga vay-fay internet tarmog‘i o‘rnatilayotganligi, bularning barchasi muxlislar uchun qulaylik sifatida qilinayotgani haqida ta’kidlab o‘tdi.
So‘ngra, yig‘ilishda ishtirok etgan yosh futbolchilar "Andijon" futboli sobiq to‘purari, faoliyati davomida "Andijon", "Paxtakor" va "Neftchi" kabi jamoalarida to‘p surgan, O‘zbekiston milliy terma jamoasi sobiq hujumchisi Baxtiyor Hamidullayevga o‘zlarini qiziqtirgan savollarga javob olishdi.
- Baxtiyor aka, faoliyatingiz mobaynida eng zo‘r tandimni kim bilan hosil qilganman deb o‘ylaysiz?
- So‘zsiz - Tohir Mo‘minov! Shunday darajada bir-birimizni tushunardikki, qaysi nuqtada turganimni "o‘qirdi". Qaramasdan aniq to‘pni amalga oshirib bera olardi.
- Futbolchilarni irimchi halq deyishadi. Siz ham irimchi bo‘lganmisiz?
- Futbolchilarni o‘zi uchun sevimli butsasi bo‘ladi. Qaysidir o‘yinni boshqa butsada boshladim va birinchi bo‘limda 3-4 ta yaqqol golga tortadigan vaziyatlardan foydalana olmadim. Shunda jamoadoshim Ma’ruf Po‘latov tanaffus paytida "butsangni almashtirib ol, albatta gol urasan"-dedi. Unga quloq solib ikkinchi bo‘limni o‘zim sevgan butsada boshladim va gol urgandim (kuladi).
- Futbolga qiziqishingiz qachondan boshlangan?
- 6 yoshimdan. Yoshligimda futbol va karate turlarini parallel ravishda olib borganman. Dadam rahmatli futbol muxlisi bo‘lgani uchun futbolni tanlaganman.
Shundan so‘ng, "Andijon" jamoasining sobiq himoyachisi Rahim Qodirov savollarga javob berishga o‘tdi.
- Rahim aka, sportchi bo‘lishingizga oilangizdagilar qarshilik qilishmaganmi?
- Oilamizda sportchi bo‘lmagan. Shu sabab bo‘lsa kerak, onam qarshi bo‘lgan. Har bir sportchini onasi qarshi bo‘lsa kerak, farzandim jarohat olmasin deb (kuladi). Lekin, dadam yoki akamlar tarafidan qarshiliklar bo‘lmagan.
- Himoyadagi eng yaxshi sherigingiz?
- Tengiz Kobiashvili! Himoya markazida bir-birimizni rosa yaxshi tushunardik.
- Faoliyatingiz davomida qaysi hujumchiga qarshi o‘ynash qiyin bo‘lgan?
- Bahtiyor Hamidullayev. O‘z vaqtida bir jamoada ham, boshqa-boshqa jamoalarda ham birga o‘ynaganmiz.
- Qaysi murabbiyni faoliyatingiz davomida alohida o‘rin tutgan deb ko‘rsata olasiz?
- Ko‘p murabbiylar bilan ishlaganman. Lekin, Orif Mamatkazin alohida o‘rin tutgan murabbiylardan biri deb hisoblayman.
Yig‘ilish yakunida Viloyat mahalla kengashi, Viloyat kasb-hunar ta’lim boshqarmasi va "Andijon" jamoasi rahbariyati har hafta shunday tadbirlar uyushtirishga kelishib olishdi.
"Andijon" jamoasi matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
