23 fevral kuni O‘zbekiston Superkubogi-2019 uchrashuvi bo‘lib o‘tdi.
Poytaxtimizdagi muhtasham “Paxtakor” stadionida kechgan bahsda mamlakatimizning amaldagi chempioni “Lokomotiv” 2018 yilgi mamlakat kubogi g‘olibi AGMKga qarshi bahs olib borib, 2:1 hisobida g‘alaba qozondi. Anchagina qiziqarli va tomoshabop tarzda kechgan o‘yin yakuniga ko‘ra, “Lokomotiv” o‘z tarixida ikkinchi marta mamlakat Superkubogi sohibiga aylandi.
Qayd etish joizki, Superkubok uchrashuvini yuqori darajada tashkil etish uchun Professional futbol ligasi bir qator loyihalarni amalga oshirdi. Jumladan, ilk bora mamlakat Superkubogi uchun o‘yin bosh homiyga ega bo‘ldi. Turkiyaning KOC Elektrik AS kompaniyasi O‘zbekiston Superkubogi-2019 uchrashuvi bosh homiysiga aylandi.
O‘yindan bir kun avval tashkil etilgan matbuot anjumani ham odatdagidan o‘zgacha tarzda kechdi. “Samarqand darvoza” savdo-ko‘ngilochar markazida tashkil etilgan o‘yinoldi tadbirida nafaqat OAV vakillari, balki ishqibozlar ham ishtirok etishdi. Anjuman yakunida tashkil etilgan dastxat berish tadbiri ham muxlislarga manzur bo‘ldi.
Stadionga kelishni istagan barcha muxlislarga o‘yin chiptasi bepul tarzda taqdim etilganini alohida qayd etish joiz. Shuningdek, o‘yin kuni elimiz suygan san’atkorlar ishtirokida konsert dasturi ham uyushtirildi. Qolaversa, uchrashuvdan so‘ng bo‘lib o‘tgan taqdirlash marosimi ham o‘zgacha tarzda o‘tdi. Unda Toshkent shahar hokimi Jahongir Ortiqxo‘jayev, O‘FA 1-vise prezidenti Umid Ahmadjonov, O‘zbekiston va Turkiya ishbilarmonlar uyushmasi rahbari Erjan Bulut hamda Superkubok o‘yini bosh homiysi – KOC Elektrik AS kompaniyasi rahbari Ali Sarikoch qatnashdilar va O‘zbekiston Superkubogi-2019 g‘oliblariga sovrinni topshirdilar.
Keng futbol jamoatchiligi diqqat markazida o‘tgan mazkur uchrashuvni bevosita stadiondan kuzatib borish uchun 18171 nafar ishqiboz “Paxtakor” stadioniga tashrif buyurdi. Bu esa O‘zbekiston Superkuboklari tarixidagi eng yaxshi natijaga aylandi. Ilgari eng ko‘p tomoshabin guvohligida kechgan Superkubok o‘yini 2015 yilgi bahs sanalar edi. O‘shanda “Paxtakor” – “Lokomotiv” o‘yinini ko‘rish uchun stadionga 7216 nafar tomoshabin kelgan edi. Bu safargi o‘yinni bevosita stadiondan kuzatgan ishqibozlar soni esa 18171 nafarni tashkil etdi.
Mamlakat Superkubogi o‘yinlaridagi tashriflar soni:
O‘zbekiston Superkubogi-1999
«Paxtakor» – «Navbahor» 2:4 (6000 tomoshabin).
O‘zbekiston Superkubogi-2014
«Lokomotiv» – «Bunyodkor» 1:2 (4751 tomoshabin).
O‘zbekiston Superkubogi-2015
«Paxtakor» – «Lokomotiv» 0:4 (7216 tomoshabin).
O‘zbekiston Superkubogi-2016.
«Nasaf» – «Paxtakor» 1:0 (4748 tomoshabin).
O‘zbekiston Superkubogi-2019
"Lokomotiv" – AGMK 2:1 (18171 tomoshabin).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
