Chorak final uchun kechgan play-off bahslari bir-biridan qiziq uchrashuvlarga boy bo‘ldi. Biz bu bosqichda kambekning ham, sensasiyaning ham guvohi bo‘ldik. Bugun ushbu bosqichda o‘z pozisiyasida eng yaxshi va eng yomon o‘yin namoyish etgan futbolchilar bilan tanishamiz
Darvozabon. Ugo Lyoris
Ushbu bosqichda “Ayaks“ kipperi Onana bir qarashda o‘zini ijobiy tomondan ko‘rsata oldi, ammo Lyoris bu bosqichda eng zo‘ri bo‘ldi, desak, adashmagan bo‘lamiz. Loris Bundesligada peshqadamlik qilayotgan klubga qarshi ikki uchrashuvda 13 bor seyfni amalga oshirdi va o‘z darvozasi dahlsizligini saqlab qoldi.
Himoyachi. Virjil van Deyk
Ilk uchrashuvni o‘tkazib yuborgan qahramonimiz ikkinchi uchrashuvda jamoasini deyarli “elkasidako‘tarib“ keyingi bosqichga olib chiqdi. “Bavariya“ga qarshi mehmonda kechgan uchrashuvda Levandovskiyni personal ravishda qo‘riqlashni uddalagan himoyachi o‘yin taqdirini hal qilgan golni ham kiritishga muvaffaq bo‘ldi. Uning himoyadagi ishonchli o‘yini esa o‘sha kuni nemislarning hujumlarini keskin tus olishiga yo‘l qo‘ymadi. Virjil o‘sha kuni 1 ta gol urdi va to‘p uchun kechgan kurashda 100%li natija ko‘rsatgan holda biror marotaba yengilmadi.
Yarim himoyachi Frenki de Yong
Chempionlar ligasi 1/8 bosqichida bir nechta yarim himoyachilar o‘z o‘yinlari bilan jamoasining g‘alabasiga o‘z hissalarini qo‘shishdi. Pyanich, Jan, Fred, Maktominay singari futbolchilar shular jumlasidan. Shunga qaramay, Frenki de Yong ushbu bosqichda mutloq ajralib turdi. Uning “qirollik klubi“ga qarshi kechgan ikki o‘yini mobaynida bir necha bor to‘p uchun kurashda g‘olib bo‘lgani va ko‘plab hujumlarni himoyadan boshlab bergani so‘zimizga isbot bola oladi. Frenki, ayniqsa Madriddagi uchrashuvda to‘p uchun kurashda yengilmadi. U boshlab bergan 3 ta jum gol bilan yakunladi. Eng qiziq tomoni shundaki o‘sha kuni De Yong himoyachilarga juda yaqin joylashgancha pleymeykerlik vazifasini bajardi. Zamonaviy futbolga yangi amplua olib kirayotgan yosh iqtidor so‘zsiz ECHLning so‘nggi bosqich play-offida eng yaxshi yarim himoyachi deya topildi
Hujumchi Ronaldo
Ushbu bosqichda fubol olamining ikki tirik afsonalari qolganlardan yaqqol ajralib turishdi. Messi“Lion“ darvozasiga 2 ta gol va 2 ta gol plyus pasni amalga oshirgan bo‘lsa, turnirda Ronaldo nimalar qilganini hamma ko‘rdi. Umuman olganda ikki futbolchi ham o‘z davrlari hali-beri tugamaganligini ko‘rsatib qo‘yishdi. “Atletiko Madrid“dek himoyalanishning ustasi sanaladigan klub darvozasini uch bor ishg‘ol qilgan Ronaldo bu bosqichda o‘z o‘yini evaziga klubini kuchli sakkiz klub safiga qo‘shilishiga sabab bo‘ldi. Bu esa o‘z navbatida, ushbu bosqichda Ronaldoni eng yaxshi hujumchi deya e’tirof etish uchun yetarlicha asos bo‘la oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
