2019/2020 o‘quv yilidan boshlab Belarus davlat jismoniy tarbiya universiteti (Belarus Respublikasi) bilan hamkorligidagi qo‘shma jismoniy tarbiya, sport va turizm fakultetini;
2020/2021 o‘quv yilidan boshlab P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federasiyasi) bilan hamkorlikda qo‘shma jismoniy tarbiya, sport va salomatlik fakultetini tashkil etish to‘g‘risidagi taklifi ma’qullanishi mumkin.
Quyidagilar qo‘shma fakultetlarning asosiy vazifalari etib belgilanadi:
jismoniy tarbiya, sport va turizmni rivojlantirish uchun turli darajadagi pedagogik kadrlar, trenerlar, hakamlar jismoniy tarbiya va sport boshqaruvi bo‘yicha mutaxassislarni tayyorlash, qayta tayyorlash va malakasini oshirish;
jismoniy tarbiya, sport va turizm sohasida bakalavriat ta’lim yo‘nalishlari va magistratura mutaxassisliklarini tashkil etish hamda ta’lim berish;
jismoniy tarbiya, sport va turizm sohasida ilmiy tadqiqotlar olib borish;
jismoniy tarbiya, sport va turizm sohasida bakalavriat ta’lim yo‘nalishlari va magistratura mutaxassisliklarini tashkil etish hamda ta’lim berish;
yuqori malakali mutaxassislar hamda ilmiy-pedagogik kadrlar tayyorlash tizimini ilm-fan va ishlab chiqarishning uzviyligi hamda uzluksizligi tamoyillari, shuningdek, jahon ta’lim va ilmiy hamjamiyatiga integrasiyalashish asosida rivojlantirish;
jismoniy tarbiya, sport va turizm sohalarida xorijiy mamlakatlarning yetakchi ta’lim muassasalari, ilmiy tadqiqot markazlari bilan uzoq muddatli aloqalarni o‘rnatish, rivojlantirish va mustahkamlash.
Belgilab qo‘yilishicha:
qo‘shma fakultetlar kadrlarga bo‘lgan ehtiyojni inobatga olgan holda ta’lim yo‘nalishlari hamda mutaxassisliklari bo‘yicha bakalavr va magistrlar, ilmiy-pedagogik tayyorlashni amalga oshiradigan, yuridik shaxs maqomiga ega bo‘lmagan universitet tarkibiy bo‘linmasi hisoblanadi;
qo‘shma fakultetlarda talabalarni o‘qitish to‘lov-kontrakt asosida rus tilida, kunduzgi ta’lim shaklida O‘zbekiston Respublikasi oliy ta’limning davlat ta’lim standartlari talablari inobatga olingan holda tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti bilan qo‘shma ta’lim dasturlari asosida amalga oshiriladi;
qo‘shma fakultetlarga abituriyentlarni talabalikka qabul qilish va qo‘shma fakultetlar bitiruvchilarining attestasiyasi tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universitetida belgilangan tartib, talablar va muddatlarga muvofiq, O‘zbekiston Respublikasi Jismoniy tarbiya va sport vazirligi hamda Oliy va o‘rta maxsus ta’lim vazirligi bilan kelishilgan holda amalga oshiriladi;
qo‘shma fakultetlarda bakalavr ta’lim yo‘nalishlari va magistratura mutaxassisliklariga qabul kvotasi mavjud talab va ehtiyojdan kelib chiqib, universitet va tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti tomonidan O‘zbekiston Respublikasi Jismoniy tarbiya va sport vazirligi bilan kelishgan holda belgilanadi;
qo‘shma fakultetlarda o‘qish uchun to‘lov-kontrakt mablag‘lari miqdori milliy valyutada tegishli bakalavriat ta’lim yo‘nalishlari va magistratura mutaxassisliklarining bazaviy to‘lov-kontrakt summasidan kam bo‘lmagan miqdorda universitet va tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti tomonidan O‘zbekiston Respublikasi Jismoniy tarbiya va sport vazirligi bilan kelishgan holda belgilanadi;
qo‘shma fakultetlarning bakalavr ta’lim yo‘nalishlari va magistratura mutaxassisliklariga har yili ajratiladigan qabul kvotasining 30 foizi miqdorida O‘zbekiston Respublikasi Jismoniy tarbiya va sport vazirligining tavsiyasiga ko‘ra qabul qilinadigan maqsadli qabul kvotalari ajratiladi hamda ularning ta’lim olishlari uchun mablag‘lar Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasining mablag‘lari hisobidan qoplanadi;
Qo‘shma fakultetlar mahalliy o‘qituvchilarini tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universitetiga malaka oshirish, qayta tayyorlash va stajirovkaga yuborish xarajatlarini moliyalashtirish Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasi mablag‘lari hisobidan amalga oshirilishi mumkin;
qo‘shma fakultetlarda ta’lim oluvchi talabalar o‘quv jarayonida O‘zbekiston Respublikasi Jismoniy tarbiya va sport vazirligi va O‘zbekiston Milliy olimpiya qo‘mitasi tasarrufidagi sport inshootlari va bazalari hamda laboratoriyalaridan bepul foydalanadi;
qo‘shma fakultetlar bitiruvchilariga O‘zbekiston Respublikasi hamda tegishlicha Belarus Respublikasida yoki Rossiya Federasiyasi oliy ta’lim to‘g‘risidagi hujjat sifatida e’tirof etiladigan, o‘zaro kelishuv asosida ikki tomonlama tan olinadigan universitet va tegishlicha Belarus davlat jismoniy tarbiya universiteti hamda P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti diplomlari beriladi;
qo‘shma fakultetlar faoliyatini moliyalashtirish universitetga talabalarni to‘lov-kontrakt asosida o‘qitishdan tushadigan mablag‘lar, O‘zbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasi, yuridik va jismoniy shaxslarning homiylik xayriyalari, tegishli shartnomalar asosida manfaatdor tashkilotlar tomonidan taqdim etiladigan grantlar, shuningdek, qonun hujjatlarida taqiqlanmagan boshqa manbalar hisobiga amalga oshiriladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
