6 aprel kuni Cuperligasi 3-turi doirasidagi e’tiborli o‘yinlardan biri Samarqandda «Dinamo» hamda «Metallurg» o‘rtasida kechadi. Ushbu o‘yinda har ikki jamoani ham g‘alabadan boshqa natija qoniqtirmasligi aniq. Shunday ekan, shanba kuni ko‘hna shaharda shiddatli o‘yin bo‘lishi aniq.
Superliga-2019. 3-tur
6 aprel (shanba)
«Dinamo» (Samarqand) – «Metallurg» (Bekobod)
Samarqand, “Dinamo” stadioni.
Uchrashuv boshlanish vaqti: 16:30.
SAMARQANDDAGI O‘YINNI «SPORT» TV NAMOYISH ETADIMI?
“Dinamo” – “Metallurg” uchrashuvi ham “Sport” telekanali tomonidan namoyish etilishi rejalashtirilgan. 6 aprel kuni MTRK ko‘chma televizion stansiyasi Samarqandda bo‘ladi. Shu kuni “Navbahor” – “Bunyodkor” uchrashuvi 17:00da boshlanishi bois ushbu bahs “jonli efir”da namoyish etiladi, “Dinamo” - “Metallurg” o‘yini esa yozib olingan holda o‘yin tugashi bilan soat 19:00dan boshlab “Sport” telekanalida namoyish etilishi rejalashtirilgan. Uchrashuvni sharhlovchi Abdulla Nurmonov sharhlab boradi.
ESKI TANISHLAR...
“Dinamo” - “Metallurg” o‘yinida jamoalar tarkibida aksariyat futbolchilar o‘zlarining sobiq klublariga qarshi to‘p surishadi. Xususan, “Dinamo” safidagi Dilmurod Karimov bir necha yillar davomida “Metallurg” sharafini himoya qilib, tanilgan bo‘lsa, “Metallurg” safidagi Muhammad Isayev “Dinamo” safidagi o‘yinlari bilan muxlislar e’tiboriga tushgandi.
JAMOALAR MAVSUMNI QANDAY BOSHLASHDI?
«Dinamo» jamoasi Superliganing 1-turida Samarqandda “Nasaf”ni qabul qilib 1:1 hisobini qayd etgan bo‘lsa, 2-turda Termizda “Surxon”ga mag‘lub bo‘ldi - 1:0.
“Metallurg” klubi esa dastlabki turda Termizda 1:1 hisobida durang qayd etgan bo‘lsa, 2-turda Bekobodda “Buxoro”ni 2:0 hisobida mag‘lub etishga erishdi.
O‘ZARO O‘YINLAR TARIXI: USTUNLIK «DINAMO»DA
“Dinamo” va “Metallurg” jamoalari shu kunga qadar kuchlilar safida o‘zaro36 bor kuch sinashishgan. Ushbu o‘yinlarning 17 tasida “dinamochilar”ning qo‘li baland kelgan bo‘lsa, 11 ta o‘yinda bekobodliklar zafar quchishgan. 8 ta o‘yinda durang natija qayd etilgan. Kiritilgan va o‘tkazib yuborilgan to‘plar farqi – 53:41, samarqandliklar foydasiga.
Eng sermahsul uchrashuv ikki bor qayd etilgan bo‘lib, darvozalarga sakkiztadan gol kiritilgan. Tomonlar bir martadan 5:3 hisobida g‘alaba qozonishgan. Bu o‘yinlarda “Dinamo” 59 ochkoni, “Metallurg” esa 41 ochkoni qo‘lga kiritgan.
“Dinamo”ning o‘zaro o‘yinlarda bekobodliklar ustidan qozongan eng yirik g‘alabasi – 5:0. “Metallurg”ning “Dinamo” ustidan qozongan yirik g‘alabasi – 3:0.
Jamoalarning o‘zaro o‘yinlariga nazar tashlab shuni bilish mumkinki, «Dinamo» so‘nggi 17 yil davomida «Metallurg»ni Samarqandda faqat 1 marta mag‘lub eta olmagan. Bekobodliklar so‘nggi marta 2017 yilda ko‘hna shahardan g‘alaba bilan qaytishgan.
Samarqandda o‘tgan so‘nggi olti uchrashuv:
05.08.2017 «Dinamo» - «Metallurg» 0:3
02.05.2015 «Dinamo» - «Metallurg» 1:0
23.03.2014 «Dinamo» - «Metallurg» 2:0
29.10.2013 «Dinamo» - «Metallurg» 1:0
27.08.2012 «Dinamo» - «Metallurg» 3:2
01.10.2011 «Dinamo» - «Metallurg» 3:1
“DINAMO” 683-O‘YIN ARAFASIDA...
“Dinamo” 1992 yildan buyon O‘zbekiston chempionatlari yuqori ligasida 682 ta uchrashuv o‘tkazib, shulardan 235 tasida g‘alaba qozongan. 120 ta uchrashuvda durang qayd etgan. 327 o‘yinda esa mag‘lubiyat alamini totib ko‘rgan. Samarqandliklar raqiblari darvozasiga 829 ta to‘p kiritganlari holda, o‘z darvozalaridan 989 ta to‘p olib chiqishga majbur bo‘lishgan. Jamoaning oliy ligadagi eng yirik hisobdagi g‘alabasi 2000 yil Angrenning “Semurg‘” jamoasiga qarshi uchrashuvda kuzatilgan – 8:0. O‘z navbatida “Dinamo”ning milliy chempionatimizdagi eng yirik hisobdagi mag‘lubiyati ham 0:8 ni tashkil etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
