O‘zbek futbolidagi eng kuchli qanot himoyachilaridan biri sanaladigan Akrom Komilovga savollarimiz yig‘ilib qolgan edi. «Paxtakor» futbolchisini suhbatga tortdik.
Assalomu alaykum. «Paxtakor» jamoasi «Al-Saad»ga qarshi jangovor durang natija qayd etdi. Vaholanki o‘sha uchrashuvda g‘alaba qozonish uchun bir nechta imkoniyatlar bo‘lgan bo‘lsada, uchrashuv durang bilan yakunlandi. Bu durang jamoaning ruhiy xolatiga ta’sir o‘tkazmadimi?
- Assalomu alaykum. Gapingiz to‘g‘ri. Bizda o‘sha uchrashuvda g‘alaba qozonish uchun imkoniyatlar bo‘ldi, ammo futbolda har doim siz xohlagandek bo‘lavermaydi. O‘sha uchrashuvdagi durang jamoaga salbiy ta’sir o‘tkazmadi. Sababi, guruhda birinchi o‘rinni saqlab qolishni uddaladik. Bundan tashqari, jamoamizda ichki muhit ham ajoyib. Guruhdan chiqishimiz o‘z qo‘limizda va biz buni uddalaymiz degan umiddaman.
Biz «Bunyodkor»dagi o‘yinlari bilan hammaning e’tiborini o‘ziga tortgan tezkor, hujumni yoqtiradigan Akrom Komilovni maydonda qachon ko‘ramiz? Jarohatingizdan qachon to‘liq forig‘ bo‘lasiz?
- Xudoga shukur, jarohatimdan to‘liq forig‘ bo‘ldim. Endi sekin-astalik bilan jismoniy xolatimni tiklab olsam, asosiy tarkibga kirib olishimga shubham yo‘q.
Siz, Mijalol Qosimov qo‘l ostida bir necha yil to‘p surdingiz. Endilikda Shota Arveladze jamaosida to‘p tepyapsiz. Bu ikki murabbiyning uslublari o‘xshashmi? Yoki tubdan farq qiladimi?
- Umuman olganda, batamom ikki xil uslubdagi murabbiylar. Shunga qaramasdan, ayrim o‘xshashliklar ham majvud. Masalan, ikkala murabbiy ham to‘pni pastda ushlab turishimizni talab qilishadi. Yana bir narsani aytish kerak, Arveladze jismoniy tayyorgarlikka katta urg‘u beradi. Aynan shu faktor evaziga «Paxtakor» tobora jismonan kuchayib bormoqda.
«Paxtakor»ni OCHLda mehmonda ikkita uchrashuv kutib turibdi. Bu uchrashuvlar uchun alohida taktikadan foydalanasizlarmi? Oldindan o‘ylangan rejalar mavjudmi?
- To‘g‘ri, bizni OCHLda safarda ikkita uchrashuv kutib turibdi. O‘ylashimcha, biz o‘z o‘yin uslubimizni namoyish etamiz. To‘p bilan ko‘proq muomalada bo‘lib, hujumga tezkorlik bilan o‘tish orqali safardagi uchrashuvlarda ham g‘alaba bilan ortga qaytmoqchimiz. Safardagi uchrashuvlar qiyin kechishi mumkin, ammo ularga ham oson bo‘lmasligi aniq. O‘yin borishiga qarab taktikani o‘zgartirishimiz mumkin.
Endi keling, biroz ortga qaytamiz. Tengdoshlaringiz o‘rtasida Xitoyda bo‘lib o‘tgan «Osiyo kubogi» musobaqasida chempion bo‘lamiz, deb o‘ylagan edingizmi? Chempionlikning siri nimada deb o‘ylaysiz?
- Ko‘pchilikni bilmadimu, men chempion bo‘lishimizga shubha qilmaganman. O‘sha turnirga juda kuchli takib bilan borganmiz. Biz uchun omadli yakunlangan turnirdan menda juda ko‘plab iliq xotiralar qolgan. Hozirgacha «You Tube»da o‘sha uchrashuvlarni tez-tez tomosha qilib turaman. To‘g‘risi, chempion bo‘lgan kunimiz hech kim uxlay olmagan. Huddi shirin tushdek yoqimli his chulg‘ab olgan edi…
Agar Yevropa klublaridan maoshi past taklif tushsa, «Paxtakor» esa sizni olib qolish uchun moliyaviy qulay taklif bilan chiqsa, qay birini tanlagan bo‘lar edingiz?
- Menimcha, o‘zimni sinab ko‘rish uchun ham ketgan bo‘lar edim.
Yevropa chempionlar ligasini kuzatib boryapsizmi? Qaysi klubda chempionlik uchun imkoniyat ko‘proq deb o‘ylaysiz?
- Albatta, kuzatib boryapman. Men o‘zi bolalikdan «Milan» va «Barselona»ning muxlisiman. O‘ylashimcha, bu mavsum «Barselona»da chempion bo‘lish imkoniyati ko‘proq ko‘rinmoqda.
Har bir jamoaning o‘z yetakchisi bo‘lishi shart. Hozirda «Paxtakor»ning yetakchisi kim deb o‘ylaysiz?
- Bu mavsum jamoada kuchli futbolchilar jamlangan. Hammaning klubdagi o‘rni bir xil, ammo yetakchi deb Jaloliddin Masharipov va Cheranni ko‘rsatgan bo‘lar edim.
Qaysi futbolchining o‘yinlarini ko‘rib zavqlanasiz?
- Xordi Albaning maydondagi harakatlarini ko‘rsam, maza qilaman. Oyna-yi jahon orqali bo‘lsada, uning o‘yinlaridan nimadir o‘rganishga harakat qilaman. U men uchun ideal futbolchi.
Suhbatimiz so‘ngida saytimiz o‘quvchilari uchun tilaklaringiz bo‘lsa, marhamat
- Tez orada muxlislarimiz ko‘rishga o‘rganib qolgan kuchli Akrom Komilov bo‘lib maydongaqaytaman. «Paxtakor»ni va terma jamoamizni qo‘llab-quvvatlab turishda davom etishsin, bizlarga muxlislarni xursand qilib yurish doimo nasib qilsin.
Yahyoxo'ja Ulug'xo'jayev suhbatlashdi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
