Bir futbolchini yoshligidan tarbiyalab, unga futbol sir-asrorlarini o‘rgatib, professional darajaga olib chiqish oson ish emas. Bu katta mehnat va sabr-toqat talab qiladigan yumush. Futbolda murabbiy sifatida ishlaydigan, ayniqsa, bolalar murabbiyi sifatida faoliyat yuritadigan insonlardan katta fidoiylik talab qilinadi.
Butun dunyoda futbolchilar katta maosh olishi, shartnomasiga ko‘ra millionlab pullar ishlab topishi hech kimga sir emas. Ammo o‘sha futbolchini oyoqqa turg‘izgan, uni yuqori darajaga chiqishiga katta hissa qo‘shgan, sabr-toqat bilan futbolchini tarbiyalagan, unga ishonch bildirgan murabbiylar haqida bunday deb bo‘lmaydi. Ular ko‘pincha e’tibordan chetda qolishadi. O‘zlari ishlaydigan futbol maktabi tomonidan beriladigan maosh bilan cheklanib, yana yangi futbolchilarni tarbiyalashga kuch va vaqtlarini sarflashadi.
Aslida esa, ma’lum darajaga chiqqan, o‘ziga yarasha muxlislar orttirib, ko‘zga ko‘ringan, moliyaviy holatini yaxshilab olgan futbolchilar bunda birinchi murabbiylarining hissasi katta ekanligini unutmasliklari, o‘sha murabbiy oldida doimo qarzdor ekanliklarini eslab yurishlari zarur. Har doim ham professional futbolchi tarbiyalab bergan murabbiylar moliyaviy jihatdan yetarlicha rag‘batlantirilmaydi. Bu esa bolalar futbolida ishlaydigan murabbiylardagi ishtiyoqni so‘ndirib qo‘yishi, ularning o‘z kasbiga mehr bilan yondoshishlari to‘sqinlik qilishi mumkin.
O‘FA Birinchi vise-prezidenti Umid Ahmadjonov tomonidan mazkur holatni o‘nglash maqsadida, professional shartnoma imzolagan futbolchilarning transfer summasidan ma’lum foizni ularni tarbiyalagan birinchi murabbiylariga ajratish tizimini ishlab chiqish bo‘yicha topshiriq berilgandi. Shunga ko‘ra Professional futbol ligasining reglamentiga mazkur masala bo‘yicha tegishli band kiritildi. Endilikda futbol klubi bilan shartnoma imzolayotgan futbolchini tarbiyalagan akademiyaga ma’lum miqdordagi mablag‘ ajratish tizimi yo‘lga qo‘yildi.
O‘FA va PFL mutaxasisslari tomonidan mazkur masalaning yuridik jihati yana o‘rganib chiqilib, PFL reglamentining tegishli bandlariga qo‘shimchalar kiritiladi. Yuqori saviyali futbolchilarni yetishtirib bergan murabbiylar garchi o‘sha akademiyada faoliyat olib bormayotgan bo‘lsa ham, klub tomonidan akademiyaga to‘langan mablag‘ning ma’lum foizi ularga to‘lab beriladi. Bu tizim futbolchini yetishtirishda katta mehnat qilgan murabbiylarning o‘z mehnatlari uchun munosib ravishda mukofot olishlarini ta’minlaydi. Futbolchining transferidan ularga ma’lum darajada mablag‘ ajratiladigan bo‘lsa, bolalar futbolida faoliyat olib borayotgan murabbiylar uchun bu qo‘shimcha motivasiya bo‘lib xizmat qilishi aniq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
