Bundan bir necha kun avval transfer bozoridagi narxlari keskin ko‘tarilgan futbolchilar to‘g‘risidagi maqolani e’tiboringizga taqdim etgan edik. Bugun o‘sha maqolaning aksini, ya’ni transfer qiymati tushib ketgan futbolchilar haqida so‘z yuritamiz.
Serhio Buskets
O‘z vaqtida shaxsan Gvardiola tomonidan bebaho o‘yinchi deb maqtalgan futbolchining qiymati tobora tushib bormoqda. Yakunlangan mavsumdan so‘ng Buskets yana 25 millionga arzonladi. Ko‘pchilik uning yoshi o‘tib borayotganini bahona qilsa, qolganlar «Barsa»ning xalqaro maydonda hech narsa yuta olmayotganini vaj qilib ko‘rsatmoqda. Umuman olganda, sizlarni Buskets va «Barsa»ning transfer summasi qiziqtirmasligi aniq. Sababi, katta ehtimol bilan Serhio o‘z faoliyatini aynan Katoloniya super klubida yakunlaydi!
Samuel Umtiti
«Lion» klubi safidagi ajoyib o‘yinlaridan so‘ng Samuel Umtiti «Barselona» safiga o‘tgan va ilk mavsumda o‘zini ko‘rsata olgan edi. Keyinchalik Fransiya terma jamoasi tarkibida JCH g‘olibligini qo‘lga kiritgan qahramonimizning ishlari ortga qarab keta boshladi. Samuel yakunlangan mavsumda atigi 15 bor asosiy tarkibda maydonga tushdi va deyarli hech narsa ko‘rsata olmadi. Uning o‘yinidagi pasayishni ba’zilar jarohatlar bilan bog‘liq deb o‘ylashsa, yana ayrimlar motivasiyaning qolmagani bilan bog‘lashmoqda. Qisqacha qilib aytganda, fransuz transfer bozorida naqd 25 milllion yevroga arzonlab ketdi va o‘ziga bo‘lgan qizishni deyarli yo‘qotib qo‘ydi!
Paulo Dibala
Argentinalik futbolchi Ronaldu «Yuvenstus»ga o‘tguniga qadar dunyoning eng kuchli hujumchilaridan biri edi. Afsuski, KR7ning ta’sir doirasidan chiqa olmay qolgan Paulo hozir o‘zining asosiy tarkibdagi o‘rnini ham, klubdagi mavqeyini ham boy berib qo‘ydi. Bunday yo‘qotishlardan so‘ng transfer qiymatining ham tushib ketishi tabiiy hol. Hozirda Dibala 85 million atrofida baholanmoqda. Bu o‘tgan mavsum so‘nggidagi ko‘rsatgichdan 30 million kam degani!
Marselo
2007-yildan buyon «qirollik klubi» sharafini himoya qilayotgan futbolchi o‘z vaqtida dunyoning eng kuchli qanot himoyachisi edi. Afsuski, mavsum boshidagi murabbiylarning birin-ketin o‘zgartilishi futbolchining formasiga ta’sir o‘tkazdi va uning «bozordagi narxi» keskin quladi. Hozirda 25 millionga baholanayotgan futbolchi bir mavsum avval 70 milliondan ziyodroq transfer qiymatiga ega edi. Marseloning narxi tez orada yana pasayishi mumkin. Sababi, «Real Madrid» uning pozisiyasiga Mendini harid qildi va katta ehtimol bilan yangi mavsumda fransuz asosiy tarkib o‘yinchisi sifatida Marseloni o‘yin amaliyotisiz qoldiradi.
Fellipe Koutinyo
«Liverpul» jamoasidagi fantastik o‘yinlaridan so‘ng «Barselona» tarixidagi eng qimmat o‘yinchiga aylangan Koutinyo uchun yankunlangan mavsum juda yomon xotiralar bilan uning yodida qoladigan ko‘rinadi. «Kopa Amerika» musobaqasida o‘zini ijobiy tomondan namoyish etayotgan Fellipe deyarli 150 limon evaziga «Barsa»ga o‘tgan bo‘lsada, ishonchni oqlay olmadi. Katoloniya klubi uning transfer qiymati tushib ketmasidan tezroq pullash ilinjida. Afsuski, braziliyalik futbolchi bir mavsumning o‘zida 45 millonga arzonlab ketdi. Agarda «Barsa» tezroq harakat qilmasa, zarar yana ham kattalashib ketishi mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
