«L'E Quipe» nashri «PSJ» va Fransiya terma jamaosi hujumchisi bilan qiziqarli intervyu qilishga muvaffaq bo‘ldi. Biz bu intervyuni siz azizlarimiz uchun tarjima qildik.
Killian, sen yer yuzidagi minglab bolakaylarning orzusidagi futbolchisan. Ularga qarata nimalar degan bo‘lar eding? Qanday maslahatlar bera olasan?
- Birinchidan, bu bilan faxrlanaman. Sababi, men ham bir vaqtlari ularning o‘rnida edim. Men juda ko‘p orzu qilar edim va mana o‘z orzuyimga yetishib o‘tiribman. Ular uchun namuna bo‘lganimdan juda xursandman. Sababi, men ham ular kabi tinimsiz futbol o‘ynashni yoqtirar, futbol uchun vaqtimning hammasini bag‘ishlar edim. Do‘stlarim, akalarim bilan futbol o‘ynash uchun istalgan imkoniyatdan foydalanib, doimo professional futbolchi bo‘lishni niyyat qilardim. Mana bu amalga oshdi, lekin bu bilan to‘xtab qolmoqchi emasman. Doimo bor e’tiborimni futbolga qaratgan holda, o‘sishda davom etishim zarur. Kuchlilar orasida tengsiz bo‘lish oson emas. Agarda sen chalg‘ib qolsang, tamom deyaver. Sendan bir zumda ilgarilab ketishlari aniq! Sababi, yer yuzida iqtidorli futbolchilar talaygina topiladi
Sen yoshligingda tinimsiz futbol tomosha qilganing haqida avvalgi intervularingda ham aytgan eding. Sen uchun hamma zamonlarning eng yaxshi futbolchisi kim?
- Bu juda qiyin savol. Futbol tinimsiz o‘zgarib bormoqda. Bundan 20 yil avval bu savolga Pele deb javob bergan bo‘lar edim. 10 yil avval esa Maradona. Hozirgi kunga kelib Messi va Ronalduni qayt etish zarur. To‘g‘risi, ulardan birini tanlash juda mushkul. Sababi, agarda sen kimnidir tanlasang, qolgan afsonalarni o‘chirib tashlashinga to‘g‘ri keladi. Bu insofdan emas. Menga shu savol bilan ko‘p murojaat qilishadi. Men esa har safar bilmayman deb qutilman. Yuqorida aytilganidek, ulardan birini tanlash orqali qolganlarini unutmoqchi emasman.
Kel unda savolni boshqacharoq qo‘yman. 80- yillarga qadar eng kuchli futbolchi kim edi? Undan keyingi yillar davomidachi?
- (Kuladi) 80-yillarga qadar Peleni tanlayman. Sababi u 3 bor JCHda g‘olib chiqishni uddalagan. Bunday natija bilan Peledan boshqa hech kim maqtana olmaydi. Boz ustiga, u o‘z kariyerasi davomida juda ko‘p gol urgan va oradan 50 yil o‘tgan bo‘lsada uni xurmat qilishadi. 80-yillardan so‘ng (o‘ylanib) Ronaldu, Messi, Zidan, Ronaldino! Bularning barchasi o‘zlari bilan futbolga yangilik olib kira olishni uddalaganlar. Bu ismlarni futbol olami hech qachon yodidan chiqarib yubormaydi. Shunday ekan, men aynan shu futbolchilarni tengsiz deb hisoblayman.
Aytchi ,Mbappe futbol tarixida qolishi uchun «Oltin to‘p» muhimroqmi? yoki «ECHL»da g‘olib chiqishmi?
- Eng asosiysi YECHLda g‘olib chiqish. Sababi, sen «Oltin to‘p» olsangda tarixda qolmasliging mumkin , biroq bu futbol, Tennis emas. Agarda gap Tennis haqida borganida o‘ylab o‘tirmasdan «Oltin to‘p»ni tanlagan bo‘lar edim. Futbol olamida YECHLni yutmasdan turib «Oltin to‘p»ni orzu qilish kulguli holat. Men birinchi navbatda YECHLda g‘olib chiqmoqchiman. Undan so‘ng «Oltin to‘p»ni taqdim etishsa, qarshiligim yo‘q. Mening birinchi navbatdagi maqsadim YECHLda g‘olib chiqish. Qolgani haqida o‘ylayotganimcha yo‘q!
Sen kamtar va bosiq insonsan. Aytchi hamma zamonlarning eng kuchli futbolchisi bo‘lishni istaysanmi?
- To‘g‘risi, hamma zamonlarning eng kuchli futbolchisi bo‘lishni sira istamayman. Men har mavsumda bor e’tiborim va hayotimni aynan shu maqsad yo‘lida qurbon qilmoqchi emasman. Shunchaki, faoliyatim so‘ngida o‘tgan yillarimga achinmasam kifoya! Yillar o‘tib o‘z faoliyatimga tashqaridan baho berganimda o‘zimdan uyalmasam, biroz faxr tuyg‘usini tuysam bo‘lgani. Qolganlari muhim emas. Hozir qo‘limdan kelganicha harakat qilmoqchiman. Ishonaman-ki, qachondir orzuyimdagi barcha sovrinlarni qo‘lga kiritaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
