Ushbu rukndagi yangiliklarni taqdim etishda davom etamiz. Kuning eng muhim transfer yangiliklari bilan tanishing.
«Napoli» «Real Madrid»ni xafa qildi
«Qirollik klubi»ning e’tibor markazida turgan Fabian Ruizning transferi amlaga oshmaydigan ko‘rinadi. Sababi, «Napoli» klubi o‘z futbolchisini sotishdan bosh tortdi va unga 2024 yilga qadar yangi shartnoma taklif qildi.
Hozircha futbolchi «Napoli» klubi taklif qilgan shartnomaga qo‘l qo‘yganicha yo‘q. Shunday bo‘lsada, Italiya klubi uni o‘z tarkibida olib qolish maqsadida maoshini ko‘tarib berishga tayyor ekanligni e’lon qildi.
De Ligt «PSJ»ga o‘tmaydigan ko‘rinadi
Parij klubi gollandiyalik himoyachi bilan shartnoma tuzmaydigan ko‘rinadi. Gap shundaki, De Ligt va uning agenti shartnomada tavon puli ko‘rsatilmasligini talab qilmoqda. Parij klubi esa, futbolchining tavon puli 150 milliondan kam bo‘lmasligini shart qilib qo‘ydi. Hozirda Mino Rayola va uning komandasi aynan shu borada muzokaralar o‘tkazmoqda.
Bunday chigal vaziyatdan Italiyaning «Yuventus» klubi yutib ketishi mumkin. Sababi, shaxsan Anellining o‘zi Rayola bilan aloqaga chiqqan va gollandiyalik futbolchini «Yuve»da kutishayotganini bildirgan. Bundan tashqari, «keksa seniora» De Ligtning hamma shartlariga rozi ekanligini bildirib o‘tdi.
«Arsenal» o‘z nishonini o‘zgartirdi
Transfer oynasi ochilishi arafasida Londonning «Arsenal» klubi belgiyalik Yannik Ferera Karasko va bilan shartnoma imzolashga urunib ko‘rgan, biroq foyda chiqara olmagan edi. Endilikda «to‘pchilar» bor e’tiborlarini «Monako» yarim himoyachisi Balde Keytaga qaratadi.
Yakunlangan mavsumni «Inter» safida ijarada o‘tkazgan senegallik 24 yoshlik futbolchi 24 ta uchrashuvda maydonga tushdi va 5 bor raqiblari darvozasini ishg‘ol qildi. Bundan tashqari uning hisobida 4 ta assist mavjud.
Nzonzi Fransiyaga qaytishi mumkin
Rimning «Roma» klubi yarim himoyachisi Stiven Nzonzi yozgi transfer oynasi yopilguniga qadar jamoani tark etadi – deb xabar bermoqda «Le Gazzeta della sport» nashri. 30 yoshlik fransiyalik futbolchi «Lion» klubi bilan kelishuvga erishdi. Fransiya klubi Nzonzi uchun «Roma»ga 20 million yevro taklif qiladi. Katta ehtimol bilan bu transfer shu kunlarda amalga oshadi. Gap shundaki, Nzonzi «Roma» klubi mashg‘ulotlariga kelmay qo‘ydi.
Maguayer «Manchester Yunayted» uchun qimmatlik qiladi
«Lester» jamoasi Maguayerning transfer narxini e’lon qildi. Unga ko‘ra «tulkilar» futbolchi uchun 90 million funt va bonuslar tariqasida yana 10 million qo‘lga kiritishmoqchi.
Ushbu rasmiy bayonotdan so‘ng, «Manchester Yunayted» rasman futbolchi uchun kurashdan chiqqanini e’lon qildi. “«Qizil iblislar» himoyachi uchun 100 limon beradigan darajada ahmoq klub emas”,- deya izoh qoldirgan jamoaning rasmiy sayti.
Endilikda futbolchini qo‘lga kiritish uchun «Manchester Siti» urunib ko‘radi. Xarri Maguayer uchun kurashda ulardan boshqa hech kim qolmagan bo‘lsada, «Man SIti» transfer summasini sezilarli pasaytirishdan umid qilmoqda. Arab sheyxlarida pul bilan muommo bo‘lmasada, o‘rtamiyona futbolchi uchun 100 million bu juda ko‘p!
«Manchester Siti» Silvaning o‘rinbosarini topti
"Marca" nashrining xabar berishicha, Gvardiola o‘z klubida so‘nggi mavusmini o‘tkazishi kutilayotgan David Silvaning o‘rniga boshqa futbolchini xarid qiladi.
Ispaniyalik mutaxassis Silvaning o‘rnini «Real Madrid» klubi yarim himoyachisi Isko orqali to‘ldirmqochi. Iskoning transferi katta ehtimol bilan qishki transfer oynasi ochilishi bilan amalga oshadi. «Real Madrid» o‘z yarim himoyachisi uchun 80 million yevrodan kamiga rozi bo‘lmasligini e’lon qildi. «Shaxarliklar» mutasaddilari Isko bilan bir necha bor uchrashib gaplashib olishga ham ulgurdi. Bu transfer deyarli xal bo‘ldi degani!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
