«Barselona» va Urugvay terma jamoasi hujumchisi Luis Suarez bilan qiziqarli suhbatni e’tiboringizga taqdim etamiz. Bu suhbat davomida futbolchi haqida bilmagan bir nechta yangiliklarni kashf etishingiz turgan gap.
Terma jamoangdagi debyut uchrashuving haqida so‘zlab ber?!
- Men «Groningen» klubidagi ilk mavsumim chog‘ida 20 yoshgacha bo‘lgan futbolchilar o‘rtasidagi qit’a birinchiligiga olib ketishmagan edi. Keyinchalik gollar urishni boshlaganimdan so‘ng o‘rtoqlik uchrashuvida ishtirok etish uchun terma jamoaga taklif qilishdi. O‘rtoqlik uchrashuvi oldidan menga faqat 10 raqamli futbolka qolganini aytishdi. Shunda futboldagi otam Abreu bu raqam omadsizlik keltirishini aytdi va uni olmasligimni maslahat berdi. Menda boshqa imkon qolmagan edi. Eng qizig‘I shundaki, birinchi uchrashuvimning o‘zidayoq qizil kartochka oldim (kuladi). So‘ngra meni yana yoshlar terma jamoasiga chaqira boshlashdi.
Ko‘p o‘tmay Urugvay uchun JCH 2010 saralash uchrashuvlari boshlandi. Eng qizig‘i murabbiy meni asosiy tarkibda maydonga tushura boshladi. Bilasanmi, har bir mundialda bitta ajoyib jamoa bo‘ladi. 2002-yilda Janubiy Korea, 1998-yilda Xorvatiya singari hech kim kutmagan pallada kurashga qo‘shila oladigan jamoalardek Urugvay ham 2010-yildagi JCHda porlashga muvaffaq bo‘ldi. O‘sha musobaqada biz chorak finalda ham g‘alaba qozonib kuchli to‘rtlikka kirdik va yangi tarixni yaratdik. O‘sha mundialda Forlan daxshatli o‘yin ko‘rsatdi. U bizning yulduzimizga aylangan edi.
Gollandiyaga qarshi yarim final uchrashuvi haqida so‘zlab bersang. O‘sha bahsda Urugvay hujumkor futbol namoyish etgan edi…
Darhaqiqat, biz Gollandiyaga qarshi bahsda ulardan qolishmadik. Afsuski, o‘sha uchrashuv oldidan bizda katta yo‘qotishlar mavjud edi. Diyego Lugano sardorimiz bo‘lsa, Fusillia turnirning eng yaxshi qanot yarim himoyachisi sifatida qayd etilgan edi. Bundan tashqari men ham jamoamga yordam bera olmadim. Agarda shu 3 ta futbolchi tarkibda bo‘lganida, vaziyat boshqacharoq bo‘lishi mumkin edi. O‘sha uchrashuvda Gollandiyaga omad kelgan edi.
Sen Ganaga qarshi bahsda to‘pni qo‘ling bilan urib yuborgan eding. So‘ngra maydonni tark etaturib raqib penaltini amalga oshira olmaganini ko‘rding va xursandchiligingni yashirib o‘tirmading. Shu haqida
-To‘g‘risini aytsam, qizil kartochkadan so‘ng, birdan ruhan cho‘kib qoldim. Maydonni tark etar ekanman, hammasiga o‘zim aybdorligimni sezsamda, tavvakal qilganimga achinmadim. Shu payt raqib penaltini amalga oshira olmadi va hammasi o‘z iziga tushib ketdi. Men hayotimdagi eng katta tavakkal qilgan vaziyatimdan foyda bilan chiqdim. Men gol urgan paytimda ham bunchalar quvonmas edim. Xatto zahirada o‘tirgan futbolchilardan biri Xuan Kastillio amalga oshmagan penaltidan so‘ng hushidan ketib qoldi. (kuladi) Men kiyinish xonasida o‘yinni tomosha qildim va Abreuning golidan so‘ng bir daqiqa o‘zimga kela olmay qoldim. E’tibor berib qarasam, bizning yigitlar maydonda yugurib yurishibdi. Keyin men ham ularga qo‘shilib oldim.
Qo‘l bilan o‘ynagan vaziyatim uchun meni ko‘p tanqid qilishdi. Kechirasizlaru, Gana terma jamoasi penaltini aniq amalga oshira olmagani uchun meni ayblash noo‘rin. Bunda mening sira aybim yo‘q!
Oradan ko‘p o‘tmay «Kopa Amerika» musobaqasida g‘olib chiqding va turnirning eng yaxshi futbolchisiga aylanding…
Ha, biz uchun bu g‘alaba millatimizning bayramiga sabab bo‘ldi. O‘sha musobaqada chorak final o‘yinida mezbonlar Argentina ustidan g‘alaba qozonganimiz biz uchun turtki bo‘lgani shundoqqina yodimda. Keyinchalik bizni to‘xtatib qolishning iloji bo‘lmagan va biz finalda ham yirik hisobda g‘alaba qozongan edik. Boz ustiga meni musobaqaning eng yaxshi o‘yinchisi deb e’tirof etishgan edi.
2014-yilda bo‘lib o‘tgan JCH saralashida sen eng yaxshi to‘purarga aylanding va Urugvayningyulduzi sifatida jamoani musobaqaga boshlab bording. O‘sha yili seni APLning eng yaxshi o‘yinchisi deb ham topishgan edi.
Ha o‘sha sarlash bosqichida men Messidan bita gol ko‘proq kiritib birinchi o‘rinni ilib ketgan edim (kuladi)
Musobaqa strartidan avval senda jarohat bor edi va shu sababdan birinchi turda Kosta-Rika terma jamoasiga qarshi uchrashuvni o‘tkazib yuborgan eding. Ilk turdagi mag‘lubiyatdan so‘ng Urugvay Italiya va Angiliya ustidan g‘alaba qozonishga majbur bo‘lib qolgan edi. Eng qizig‘I sen Angilyaga qarshi uchrashuvda maydonga tushib ikkita gol kiritgan eding!
- Aslida, bu uchrashuvga qadar ruhan katta bosimni bosib o‘tganman. Yodimda bor, APLni allaqachon «Man Siti» yutib bo‘lgan edi. Biz «Nyukasl» bilan mehmonda o‘ynadik va men himoyachi bilan to‘qnashib ketdim. Keyin 1 hafta kasalxonada yotdim va Urugvay terma jamoasi bazasiga yetib keldim. Hammasi joyidadek ko‘ringani bilan ilk mashg‘ulotlardayoq tizzamda og‘riq sezdim. So‘ngra meni jarrohlik stoliga yotkizshlarini aytishdi. To‘g‘risi, juda ikkilandim. Sababi JCH boshlanishiga atigi 1 oy qolgan edi. Bundan tashqari, tiklanishim uchun vaqt yetmasligi xafvi ham mavjud. Shunda doktorimiz Valter Fereyra meni ruhlantirdi va hammasi yaxshi bo‘lishiga ishontirdi. So‘ng oilam ko‘magi bilan yana safga qaytdim. Men JCHdan qolib ketishimga ishonchim komil edi. Sababi, eng yaxshi vaziyatda ham 3 –turda maydonga tushishim mumkinligini aytishgan edi. Murabbiyimiz Oskar Tabarez tavakkal qildi va meni o‘zi bilan olib ketdi.
Italiya terma jamosiga qarshi uchrashuv va himoyachini tishlab olganing haqida to‘xtalib o‘tsang?
Intervyuning davomini saytimiz orqali o‘qishingiz mumkin
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
