Ispaniyaning taniqli «Marca» nashri «Real Madrid» jamoasi bilan o‘ziga hos shartnomaga ega. Unga ko‘ra, bu nashr klub futbolchilaridan istalgan mavzuda intervyu olishi mumkin. Bugun ushbu nashr Antuan Grizmanning transferi borasida «Real Madrid» futbolchilarining fikri bilan qiziqdi. Biz esa, kichik intervyularni sizlar uchun tarjima qildik.
Serhio Ramos
Antuan ajoyib yigit. U o‘z ustida tinimsiz ishladi va shu darajaga ko‘tarildi. Uning transferi borasida faqat iliq so‘zlarni aytishim mumkin. Umuman olganda uning kelishi «El - klassiko»ga bo‘lgan qiziqishni yanada oshirishi turgan gap. Har qanday xolatda ham raqibing kuchli bo‘lishi lozim. Shunda sen ham o‘z ustingda ishlashdan to‘xtab qolmaysan. Bu biz Grizman kelgach qiyin ahvolda qolamiz degani emas. Shunchaki e’tiborimizni bir joyga jamlaymiz degani. Uning «el - klassiko»larda qanday o‘yin namoyish etishi bizga ya’ni himoyachilarga bog‘liq. Agarda biz uni to‘liq yopib tashlasak, u bizga qarshi hech narsa qila olmaydi.
Luka Modrich
Men Grizmanni yangi jamoaga o‘tgani bilan tabriklayman. U bunga loyiq edi. «Atletiko Madrid» kuchli futbolchilar uchun doimo tramplin vazifasini ado etib kelgan. Antuan bu klubda oxirigacha o‘ynashni istagan bo‘lsada, klub bunday formatda ishlashga mo‘ljallanmagan. «Atletiko Madrid» kashfiyotlarni futbol olamiga olib kirishga ixtisoslashgan klub. Bugun Grizman ketsa, ertaga ular undanda yoshroq va g‘alabaga o‘ch boshqa bir futbolchini ommaga tanishtiradi. Antuan JCHda ajoyib o‘yin ko‘rsatgani shundoqqina yodimda. U o‘sha yiliyoq «Barselona»ga o‘tishi lozim edi. Mayli, hamma narsaning o‘z vaqti bor deganlaridek, endi uning vaqti endi keldi. «Real Madrid» bu transferga qanday fikr bildiradi? Hech qanday! Bu shunchaki transfer xolos. Bunday qudratli klublar bir futbolchining tranasferidan xavotirga tushishi juda kulguli xol. Bizda shakillangan jamoa mavjud va biz keyingi mavsumda faqat g‘oliblik uchun maydonga tushamiz.
Varan
U ajoyib yigit! Doimo quvnoq va hammaga pozitiv kayfiyat ulashadi. Men «Barselona»ni ushbu xarid bilan tabriklamoqchiman. Ular transferda adashishmadi.
Bilasizmi, futbolchilarning kayfiyatini ko‘taruvchi, kiyinish xonasida muammolarni hal qila oladigan futbolchilar bo‘ladi. Grizman ana shunday kam sonli futbolchilarning sirasiga kiradi. Endilikda u o‘zi istagan klub safiga borib qo‘shildi. Men uning kelajakdagi ishlariga zafarlar tilayman. Bu transferning bizga zarracha ta’siri bo‘lmasa kerak. Nega deysizmi? Sababi, biz yangi mavsum uchun mahsus uslubda tayyorlanyapmiz. Agarda bosh murabbiyimiz belgilagan vazifalarni to‘liq bajarasak, keyingi mavsumda hech kim bizni to‘xtatib qola olmaydi. «Barselona»ga qarshi bahsda biz to‘p bilan ko‘proq muomalada bo‘lsak, Grizman va Messini to‘liq zararsizlantirishimiz mumkin.
Toni Kroos
O‘ylashimcha Grizman «Barselona» klubi o‘yin uslibiga juda mos keladi. U mayda pas o‘ynashni xush ko‘ruvchi futbolchi. «Barselona» uni harid qilib o‘z uslubini yanada rivojlantirib olishi mumkin. Grizmanning transferi bizni yanada kuchliroq bo‘lishga undaydi.
Vinisius Junior
«Real Madrid» klubi yangi mavsumga ajoyib kayfiyatda yetib kelishiga ishonchim komil. Jamoaning ichki muhiti ajoyib. Murabbiy yangi futbolchilarni jamoaga tez kirishib ketishi uchun hamma sharoitni yaratishda davom etmoqda. Yangi mavsumda hammasini boshidan boshlash imkoni bo‘ladi. Biz o‘tgan mavsumdagi xatolardan to‘g‘ri xulosa chiqargan holda yangi mavsumda har bir uchrashuvga finaldek qarab maydonga tushamiz. «Barselona» Grizmanni harid qilganidan xabarimiz bor. Shunday bo‘lsada, bu borada biz birinchi qadamni tashladik. Sababi, Eden Azar transferidan so‘ng, Grizman transferi e’lon qilindi. Bu shuni ko‘rsatib turibdiki, ikki buyuk klub bu jabhada ham tengma-teng!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
