Zamonaviy futbol borgan sari katta shou biznesga aylanib borayotgani hech kimga sir emas. Hozirda istalgan futbolchini katta maosh ko‘rsatilgan uzoq muddatli shartnoma bilan o‘z jamoangizga qo‘shib olishingiz mumkin. Shunday bo‘lsada, ayrim futbolchilar borki, ularni klubga va muxlislarga bo‘lgan sodiqliklari oldida so‘z ojiz. Bugun ana shunday yigitlar haqida so‘z boradi
Marko Roys
.jpg)
Germaniyalik futbolchi Yurgen Klopp qo‘l ostida o‘rtamiyona futbolchidan super yulduz darajasigacha ko‘tarila oldi. Uning ishtirokidagi o‘yinlar ko‘plab grandlar e’tiborini tortgach, futbolchi uchun birin-ketin xaridorlar ko‘paya boshladi. Klopp davrida Gyozte, Hummels, Levandovskiy singari futbolchilar qulay shartnoma ilinjida «Bavariya»ga o‘tib ketishgan bo‘lsada, Marko o‘z so‘zida qati’y turdi va jamoasini o‘zartirmadi. «Bavariya» futbolchi uchun 25 million yevro taklif bilan chiqqanida ham, «Barselona» 35 million yevro va ajoyib maosh ko‘rsatilgan shartnoma taklif qilganida ham futbolchi o‘z jamoasiga sodiq qoldi. Uning klub va uning ravnaqi yo‘lida jamoada qolgani bois «Borussiya Dortmund» rahbarlari uni jamoa sardori etib tayinlashdi.
Frank Riberi
2007 – yilda «Bavariya» safiga o‘tgan Frank chinakam shu jamoa farzandiga aylanib qoldi desak, adashmagan bo‘lamiz. O‘zining qanot bo‘ylab reydlari orqali millionlab muxlislar orttirgan kamtarin futbolchi o‘z kariyerasi davomida biror marotaba maosh borasida Myunhen klubi mutasaddilari bilan tortishmagani bilan emas, bir necha bor katta takliflarni rad etgani bilan «Bavariya» klubi muxlislari xotirasida uzoq muddat qolishi aniq. Futbolchi uchun o‘z vaqtida «Barselona» 25 million yevro va bir futbolchi taklif qilgan bo‘lsa, oradan ko‘p o‘tmay «Chelsi» 65 million yevro va super shartnoma taklif qilgan chog‘ida ham o‘z so‘zida mahkam qoldi. Raman Abramovichning pullariga ham uchmagan futbolchi o‘zining yoshligini klub uchun sarf qildi. Kariyerasi davomida 22 ta sovrinni boshi uzra ko‘targan futbolchi tantanali ravishda o‘tgan mavsum so‘nggida kuzatib qo‘yildi.
Edin Djeko
«Manchester Siti» jamoasi safida o‘zini to‘liq ko‘rsata olmagan futbolchi «Roma»ga ijaraga berib yuboriladi. Bosniyalik futbolchi kutilmaganda o‘zining ikkinchi yoshligini o‘tkazishni boshlaydi va «Roma» safida «A seriya»ning to‘purari bo‘lishga muvaffaq bo‘ladi. Oradan 2 yil o‘tgach, «shaharliklar» uni ortga qaytarib olishga urungan, «Yuventus» futbolchi uchun ikki hissa kattaroq maosh taklif etgan bo‘lsada, futbolchi Rim klubida qolish uchun barcha takliflarni rad etdi.
Hozir ham uning hizmatlari bilan shaxsan Kontening o‘zi qiziqayotgan bo‘lsada, futbolchi jamoada qolishni istamoqda. Bundan tashqari 33 yoshlik futbolchining hizmatlari uchun Xitoy klublari yiliga 13 million yevrolik shartnoma taklif qilishgan bo‘lsada, Djeko sodda hayot tarzini tanladi.
Edinson Kavani
.jpg)
«Napoli» jamoasidagi ajoyib o‘yinlari sababli «PSJ» e’tiborini tortgan hujumchi Parij klubi safiga borib qo‘shildi va 7 mavsum davomida jamoaning chinakam yetakchsiga aylana oldi. Futbolchi o‘z vaqtida «Chelsi», «Atletiko Madrid» «Real Madrid» singari super klublarga rad javobini berishni uddasidan chiqqani uning muxlislar oldida hurmati oshishiga sabab bo‘ldi. To‘g‘ri, keyinchalik jamoaga Neymar kelgach Kavani ikkinchi planda qolib ketgandek tuyulishi mumkin, biroq Edinson jamoasi uchun yuqori darajada o‘yin ko‘rsatishda davom etmoqda. Hozirda Kavani uchun bir nechta Xitoy klublari fantastik shartnoma taklif qilgan bo‘lsada, futbolchi «ko‘hna qit’a»da to‘p surishni afzal bilmoqda. Uning bir so‘zli ekanligiga qoyil qolmasdan ilojimiz yo‘q.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
