Bugungi kunning eng muhim voqeasi sifatida internetni larzaga sologan Madrid derbisi haqida so‘nggi ma’lumotlarni taqdim etishda davom etamiz. Taniqli «Fut Bazza» nashri aynan shu o‘yindan so‘ng futbol olamidagi mashhur insonlarning fikr va mulohazalarini bir joyga jamlab kichik maqola sifatida e’lon qildi. Biz esa, uni sizga ilindik.
Joze Mourinyo
Buni ajablanarli joyi yo‘q. «Real Madrid» himoyada juda yomon o‘ynadi. Tartibsiz va ishonchsiz futbol namoyish etdi. «Atletiko» esa, bu uchrashuvga o‘ta jiddiy yondoshdi va 7 ta gol kiritmaguncha to‘xtamadi. Bilasizmi, bu natijaning sira hayron qoladigan joyi yo‘q. Madrid derbisida «Real» shu qadar bo‘sh o‘ynadiki, hatto «Arsenal» ham ularni yirik hisobda mag‘lub eta olgan bo‘lar edi.
Ernesto Valverde
Men boshqa jamoalarni muhokama qilishdan ko‘ra, o‘z jamoamga e’tibor berishni avzal ko‘rman. Bu o‘rtoqlik uchrashuvi edi. Shu uchrashuvni deb ularni kurashdan chiqarib yuborish mumkin emas. Ular bizga yangi mavsumda muammolar tug‘dirishga qodir.
Rio Ferdinand
Men uchrashuv davomida «Real Madrid»dek qudratli jamoaga qarshi qo‘rqmasdan to‘p surgan Joau Felishning o‘yiniga qoyil qoldim. U atigi 18 yoshda! U juda yosh bo‘lsada, derbi uchrashuvida o‘tamiyona klubga qarshi to‘p surgandek xotirjam uchrashuvni o‘tkazdi. Uning kelajagi porloq. Simione qo‘l ostida u super futbolchi bo‘lib yetishish imkoniga ega. «Real Madrid» jamoasi haqida to‘xtovsiz gapirish mumkin. Himoya oldingi mavsumdan ham zaiflashib qolgan. Yangi futbolchilar esa, sira moslashib keta olishmayapti. Jamoaga vaqt kerak. O‘ylashimcha, Zidan bu muammolarni bartaraf etishga qodir murabbiy.
Daniyel Sebalyos
Men bu uchrashuvni zo‘rg‘a ko‘rdim. Yigitlar bu o‘yindan xafa bo‘lmasligi lozim. Axir bu mavsumoldi uchrashuvlar, xolos. Jamoaning kuchini o‘rtoqlik uchrashuvida emas, rasmiy o‘yinlardagina bilib olsa bo‘ladi. «Arsenal»? Men bu jamoaning ishqiboziman desam, adashmagan bo‘laman. Xose Antonio Rees bilan bir shahardanmiz. Men uning «Arsenal»dagi o‘yinlarini ko‘rib katta bo‘lganman. Bu klubga o‘tishdan avval dadam bilan maslahatlashdim. Ular meni ko‘p o‘ylamaslikka va qarorni qabul qilishga undadilar. Umid qilmanki, bu klubda Rees singari o‘z o‘rnimni topa olaman.
Antuan Grizmann
Men o‘yin natijasini ko‘rib biroz hayron qoldim va quvondim. «Real Madrid» singari jamoa ustidan qozonilgan g‘alabani tarixiy deb atash mumkin. Sobiq jamoamning g‘alabasi meni quvontirdi. «Atletiko» doimo mening yuragimda qoladi va men bu klubga doimo omad tilab qolaman. To‘g‘risi, Simeone bu uchrashuvdan so‘ng meni yana bir bor hayron qoldirdi. U bilan aloqalarimiz ustoz-shogird maqomidan ancha balandroq. Biz u bilan bir oila a’zolari singari yaqinmiz. Simeone oldida qarzdorman va uni hurmat qilaman. Umid qilamanki, futbolchilik faoliyatim yakunlangandan so‘ng ham tez-tez uchrashib turamiz. Yangi mavsum oldidan sobiq klubimga omad tilab qolaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
