«Qirollik klubi» o‘zining katta transferlari bilan har doim omma e’tibor markazida bo‘lib kelgan. Bu jamoa safida kimlar to‘p surmadi deysiz?! Shunday bo‘lsada, jamoa harid qilgan o‘yinchilarning hammasi ham klubga omad olib kelavermagan. Bugun e’tiboringizga «Real Madrid» tomonidan amalga oshirilgan omadsiz transferlarni taqdim etamiz.
Tomas Graveson
2005 – yilning yanvar oyida «Everton» jamoasidan 3,5 million yevro evaziga harid qilingan daniyalik yarim himoyachidan jamoaning umidi katta edi. Gap shundaki, Tomas Makaleledan so‘ng bo‘shab qolgan markaziy zonani to‘liq yopishi va jamoaning o‘yinini kuchaytirishi kutilgan edi. Baxtga qarshi Graverson «Everton»dagi kabi «qirollik klubi»da ham o‘ynab keta olmadi. U markazda tinimsiz fol ishlatgani yetmaganidek, mega yulduz jamoadoshlarini tinimsiz tanqid qilar edi. Bundan chachab ketgan Fabio Kapelloning shaxsan o‘zi uni sotib yuborishlarini iltimos qiladi va Graveson Shotlandiyaning «Seltik» jamoasiga ravona bo‘ladi.
Uesli Snayder
2007 – yilda 27 million yevro evaziga ( O‘sha davr uchun katta summa) «Ayaks» safidan «Real Madrid»ga ko‘chib o‘tgan futbolchining keljagi borasida hech kimda shubxa yo‘q edi desak, adashamagan bo‘lamiz. Juda ham iqtidorli va yosh Uesli «Real Madrid»ning yuragi bo‘lishi tahmin qiligan edi. Snayder ilk mavsumda o‘rtacha o‘yin ko‘rsatgan bo‘lsa, keyingi mavsumda to‘liq zahira o‘yinchisiga aylana boshlaydi. Uning o‘yinidagi pasayishni noto‘g‘ri baholagan Florentina Perez futbolchini vaqt borida pullashga shoshiladi va qo‘pol xatoga yo‘ld qo‘yadi. Snayder 15 million yevro evaziga «Inter» safiga o‘tadi va o‘sha yilning o‘zidayoq YECHL g‘olibi bo‘ladi. Mundialda esa 5 ta gol kiritib jamoasini yelkasida finalga qadar olib chiqadi. O‘sha mavsum so‘nggi «Oltin to‘p» uchun asosiy da’vogar bo‘lgan futbolchi bu sovrinni qo‘lga kiritmagan bo‘lsada, muxlislarning olqishiga sazovar bo‘ldi. «Real Madrid» muxlislari esa, uning o‘yinlarini alam bilan kuzatishgan bo‘lsa, ajab emas.
Emerson
«Yuventus» jamoasi quyil ligaga tushib ketgach, futbolchilar jamoani tashlab keta boshlaganidan xabaringiz bor. O‘sha «Yuventus»ni birinchilardan bo‘lib tark etgan Emerson ushbu ro‘yxatimizda mavjud ekanligini taxmin qilgan bo‘lsangiz ajab emas. «Real Madrid» futbolchini «keksa seniora»dan 16 million yevro evaziga harid qiladi. Ilk mavsumda 36 ta uchrashuvda maydonga tushgan Emerson aytarli hech qanday ta’surot qoldirmagani yetmaganidek, maydon markazida bir necha bor qo‘pol xatolarga yo‘l qo‘yadi. Oqibatda, bir mavsumning o‘zidayoq «qirollik klubi»ga keraksiz deb e’tirof etiladi va 5 million yevro evaziga «Milan» jamoasiga sotib yuboriladi.
Royston Drente
2007 – yilda (U21) yoshlar o‘rtasidagi “Evropa chempionligini “ qo‘lga kiritgan Gollandiya terma jamoasi yulduzi Royston Drente musobaqaning eng yaxshi futbolchisi deb e’tirof etiladi. Ana shu kundan boshlab futbolchi uchun «Barselona» va «Real Madrid» o‘rtasida ayovsiz kurash boshlanadi. Ikki tomon o‘z shartnomalari bilan futbolchini o‘ziga og‘dirishga urunushadi. Yakunda «Real Madrid» asosiy raqibini ortda qoldirib iqtidorli futbolchini 14 million yevro o‘z safiga qo‘shib oladi. 2007/08 –yilgi mavsumda Drente asosiy tarkibda harakat qilgan bo‘lsada, Marsello uni sekin astalik bilan asosiy tarkibdan siqib chiqara boshlaydi. Hujumdagi faolligi tufayli himoyani unutib qo‘yuvchi Drente bora – bora zahiraga mixlanib qoladi. Shunday bo‘lsada, «Real Madrid» bilan 5 yillik shartnomaga imzo chekkan futbolchi boshqa klub safida o‘ynab ketishni emas, «qirollik klubi» tomonidan to‘lanadigan maoshni tanlaydi va qariyb 4 yil ijara asosida turli jamoalarda to‘p suradi. Oxiroqibat shartnoma so‘ngida hech kimga kerak emas o‘yinchiga aylanadi va 6 oyga qadar jamoasiz qolib ketadi.
Kaka
2009 – yilda «Milan» jamoasi super yulduzi Kaka o‘zi istamasada klubi foydasini ko‘zlab 65 million yevro evaziga «qirollik klubi»ga o‘tib ketadi. O‘z davri uchun bu juda katta pul bo‘lib, o‘rtamiyona jamoalarning butun boshli tarkibi ham 65 million yevroga baholanmas edi. 2010 – yilning yozida jarohat olgan braziliyalik futbolchi 8 oy davomida futboldan chetda qolib ketadi. Keyinchalik o‘zini tiklab olishga qanchalar urunmasin hamma urunishlar befoyda ketadi. 2013 – yilga kelib «Real Madrid» o‘z futbolchisini tekinga «Milan»ga qo‘yib yuborishga majbur bo‘ladi. O‘z jamoasiga qaytgan Kaka qanchalar urunmasin avvalgi darjasiga chiqa olmaydi. Gap shundaki, 2007 – yilda «oltin to‘p» sovriniga ega chiqqan Kakaning eng zo‘r yillari ortda qolib ketgan edi…
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
