Yaqinda ijtimoiy tarmoqlarda “Barselona”ning ikki hujumchisi — Suares va Grizmann o‘rtasida kelishmovchilik yuzaga kelgani haqida xabarlar tarqaldi. Keyinroq esa bu xabarlarni inkor etuvchi videolar ham paydo bo‘ldi. Biz esa bu mojaroga emas, boshqa bir masalaga e’tibor qaratamiz, xo‘sh, jamoa markaziy hujumida kim o‘ynashi kerak?
Tezlik
Tezlik borasida Antuan Grizmanninng statistikasi Luis Suaresnikidan biroz yaxshi. Bu esa qarshi hujumlarda ancha foyda berishi tayin. Biroq “Barselona”, asosan, tiki-taka uslubida, o‘zaro qisqa uzatmalar orqali raqib jarima maydoniga yorib kirishini hisobga olsak, Grizmanning tezligi har doim ham qo‘l kelishi mumkin.
Taktika
Taktika borasida ikkala futbolchining ham o‘z uslubi bor. Luis Suares hujum tashkil qilishda ko‘p ham faol emas, ammo hujumlarni yakunlashda doimo hoziru nozir. Uning o‘tgan mavsum La Liga doirasida 24 ta o‘yinda qayd etgan natijasiga e’tibor bering: 14 ta gol, 7 ta golli uzatma. Bu shuni anglatadiki, Luis Suares raqib jarima maydoniga qadar raqiblarga uncha sezilmasligi mumkin, ammo hujum pishay deb qolganida katta sahnaga chiqishni xush ko‘radi.
Antuan Grizmann esa hujum tashkil qilishda faol. Ayniqsa, markazdan raqib jarima maydoniga yorib kirish uslubi unga xos. Qolaversa, Grizmann jamoadoshlariga to‘p uzatish borasida Suaresdan yaxshiroq ko‘rsatkichga ega. Qisqa paslarda ham ko‘rsatkichi yomon emas — ma’lumotlarga ko‘ra, Grizmanning uzatmalarining o‘rtacha uzunligi 14 metrni tashkil qiladi.
Dribling
Dribling borasida ikkala futbolchini ham alohida qayd etib bo‘lmaydi. Antuan Grizmanning ham, Suaresning raqiblarini Neymar yoki Messi kabi aldab keta olmasligini bilasiz.
Shu o‘rinda raqibdan o‘z vaqtida qochish borasida Suares ustunroq ekanligini ta’kidlash joiz.
Ikkinchi qavat
Bu borada quyidagi fakt barcha narsaga qisman oydinlik kiritadi. Luis Suaresning bo‘yi 1,82 metrga teng, Grizmanniki esa 1,76 metr. Qolaversa, ikkinchi qavatda Suaresda samaradorlik ko‘proq. Chunki u nafaqat bo‘y, balki gavda jihatidan ham Grizmanndan ustunroq. Bu esa unga yakkama-yakka kurashlarda ancha qo‘l keladi.
Grizmanning iqtoriga shubha yo‘q. Ammo xalqimizda “Sinalmagan otning ostidan o‘tma”, degan naql bor. Suares — “Barselona” sinovidan o‘tgan. Shu bois, bizningcha, agar markaziy hujumda Grizmann yoki Suaresdan birini tanlashga to‘g‘ri kelsa, bu borada Suaresning imkoniyati ko‘proq. Ehtimol, Valverde, Messi — Suares — Grizmann uchligini tanlab, Grizmann yoki Suaresdan birini qanotga o‘tkazar. Ko‘ramiz.
Nizomjon ISLOMOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
