«Arsenal» klubi safidagi ajoyib o‘yinlari bilan ko‘plab muxlislar orttirgan uelslik Aaron Remzi bilan bog‘liq noxush an’ana haqida eshitganmisiz? Agarda futbolchining gollari bilan bog‘liq g‘ayritabiiy hodisadan bexabar bo‘lsangiz bu maqola sizni hayratda qoldirishi aniq. Qiziqarlisi shundaki, futbolchi ko‘pincha gol kiritgan kuni albatta mashxur insonlardan biri olamdan o‘tmoqda. Bugun futbolchining gol kiritgan kuni olamdan o‘tgan mashxur insonlar haqida so‘z boradi. Eshitilishi g‘alatiroq bo‘lsada, bu fakt va noxush tasodif!
Uelslik futbolchi 2009-yilning 22-avgust sanasida APL doirasidagi «Portsmunt»ga qarshi bahsda o‘zining chempionatdagi ilk golini kiritadi. Buni qarangki, o‘sha oqshom dunyoga mashxur siyosatchi va AQSH senatori Ted Kennediy og‘ir ahvolda shifoxonaga tushib qoladi va ertasi kuni olamdan o‘tadi. Jon Kennediyning o‘limiga saraton kasalligi sabab qilib ko‘rsatilgan bo‘lsada, bu voqea futbolchining gollariga bo‘lgan e’tiborni oshiradi.
2011-yilning may oyida «Manchester Yunayted» darvozasini ishg‘ol qilgan futolchi ertasi kuni OAV nishoniga aylanadi.
Gap shundaki, o‘sha oqshom AQSH qurolli kuchlari dunyoning 1-raqamli terrorchisi - Usama Binladdenning yo‘q qilish operasiyasini muvaffaqiyatli yakunlashadi. Bu tasodif futbolchini ta’qib qilayotgan noxush an’anaga bo‘lgan e’tiborni yanada kuchaytirdi.
O‘sha yilning oktyabrida «Arsenal» «Tottenhem»ga 2 : 1 hisobida imkoniyatni boy beradi. Sezganingizdek uchrashuvda «konanirlar»ning yagona golini Aaron Remzi kiritadi va oradan ko‘p o‘tmay Stiv Jobsning olamdan o‘tgani haqidagi xabar butun dunyoga tarqab ketadi. Oradan 2 hafta o‘tib futbolchi YECHL doirasidagi bahsda «Marsel» darvozasiga uchrashuvda yagona bo‘lib qolgan golni kiritadi va qo‘shtirnoq ichida mashxur diktator Muammar Kadaffining o‘limiga sabab bo‘ladi. O‘sha oqshom mashxur davlat arbobi fuqarolar urushi oqibatida olamdan o‘tgan edi…
Futbolchining noxush an’anasi shu bilan o‘z yakuniga yetgani yo‘q. 2012-yilning noyabr oyida «Sanderlend» klubi bilan bo‘lgan bahsda irodali g‘alaba qozongan «Arsenal»ning gollaridan biriga qahramonimiz mualliflik qiladi. Oradan bir necha soat o‘tib esa, mashhur qo‘shiqchi Uitni Hyuston bu olamni tark etadi.
Ushbu voqeadan so‘ng «dam olishga» qaror qilgan Aaron 2013 yilning mart oyida «Shotlandiya» darvozasiga gol kiritadi va o‘sha kuni Rossiyalik mashhur ishbilarmon Boris Berezovskiyning o‘limi haqidagi xabar butun dunyoni hayratda qoldiradi. Bu tasodif futbolchining gollariga bo‘lgan qiziqishni ikki xissa oshirib yuborgani tabiiy xol.
Aaron 2013-yilning noyabr oyida «Kardif» darvozasini ikki bor ishg‘ol qiladi va o‘zi istamagan tarzda yana OAV nishoniga aylanadi. Gap shundaki, u dubl qayt etgan oqshom «Forsaj» filmidagi roli bilan muxlislarga yaxshi tanish bo‘lgan Pol Uoker dunyodan ko‘z yumadi.SHunindek, o‘sha oqshom sobiq ittifoq davlatlarida «Ipolid» nomi bilan mashhur aktyor Yuri Yakovlev ham oramizdan ketgan edi. Ikkita gol va ikkita mashhur aktyor! Qiziq tasodif, shunday emasmi?
2014-yilning avgust oyida «Super kubok» bahsida «Manchester Siti»ni yirik hisobda mag‘lubiyatga uchratgan «Arsenal» sovringa ega chiqadi. Qahramonimiz esa, uchrashuvdagi so‘nggi golini kiritadi. O‘yin tugashi bilan butun internetda «jumanji» filmidagi roli bilan bizga yaxshi tanish bo‘lgan aktyor Robin Uilyamsning o‘z joniga qasd qilgani haqidagi xabar internetni portlatib yuboradi…
Qiziquvchan ingiliz jurnalistlarining hisob-kitobi bo‘yicha futbolchi umumiy hisobda 18 ta mashhur insonning o‘limi kuni raqiblar darvozasini ishg‘ol qilgan ekan. Hozirda futbolchi «Arsenal»ni tart etgan va «Yuventus» a’zosi sanaladi. Umid qilamizki, uning noxush an’anasi tarixda qoladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
