FIFA kunlari tufayli yuzaga kelgan kichik tanaffusda AGMK ikkinchi nazorat o‘yinini "Paxtakor"ga qarshi o‘tkazdi.
Olmaliqda kechgan to‘qnashuvda jamoamiz murabbiylar shtabi AGMK Superliganing 19-tur doirasidagi "Dinamo" bilan bo‘ladigan bahsga qadar futbolchilarda o‘yin amaliyoti bo‘lishini ta’minlash va jamoaviy kombinasion harakatlarini yanada shakllantirib olishni maqsad qilishdi. Qiziqarli va jamoamiz ustunligi ostida o‘tgan birinchi bo‘limda bitta gol urildi. Burchak zarbasini amalga oshirish huquqini qo‘lga kiritgan olmaliqliklar Nurmatovning yaqin burchakdan to‘pni darvozaga aniq yo‘llagani tufayli hisobda oldinga chiqib oldi.
Shundan so‘ng tanaffusga qadar boshqa gol urilmadi. Ikkinchi bo‘limda har ikkala jamoa safida qator o‘zgarishlarga qo‘l urildi. Unga qadar esa Qosimov shogirdlari tablodagi hisobni yanada ishonchli ko‘rinishga keltirib qo‘yishga muvaffaq bo‘ldi. Ikkinchi taym avvalida zaxiradan o‘yinga qo‘shilgan Elguja Grigalashvili jonbozlik ko‘rsatdi va jarima maydonchasi ichida raqib himoyachilarini aldab, darvozabonni ham dog‘da qoldirishni uddasidan chiqdi va Nurmatovga deyarli bo‘sh qolgan darvozani ishg‘ol etish imkoniyatini yaratdi. Shahzod Nurmatov esa o‘rnini Zafar Polvonovga bo‘shatib berish oldidan uchrashuvdagi dublini rasmiylashtirdi.
Uchinchi golda esa "Paxtakor"ning yosh himoyachisining xatosidan unumli foydalangan Zafar Polvonov bellashuvdagi yakuniy natijani o‘rnatdi - 3:0.
AGMK futbolchilariga ertaga hordiq chiqarish uchun dam beriladi va 10 sentyabrdan esa yana Do‘rmondagi qarorgohga yig‘ilib, Qibraydagi stadionda "Dinamo" bilan o‘yinga tayyorgarlik davom ettiriladi.
Nazorati o‘yini.
8 sentyabr, yakshanba
AGMK - "Paxtakor" 3:0
OKMK sport majmuasi, "Markaziy" stadion.
Gollar: Shahzod Nurmatov (21, 58), Zafar Polvonov (88)
AGMK — Suhrob Sultonov - Akmal Shorahmedov, Igor Zonich, Sardor Rahmonov, Saydullo Rahmatov - Erkin Baydullayev, Dilshod Jo‘rayev, Mirjamol Qosimov - Murod Toshmatov, Shahzod Nurmatov, San’at Shixov.
Zaxiradan maydonga tushganlar: Roman Abdulov, Mirg‘iyoz Sulaymonov, Bobur Yuldoshev, Vladislav Kasminin, Farhod Imamov, G‘ulomHaydar Gulyamov, Jasur Umarov, Elguja Grigalashvili, Zohir Pirimov, Kamron Abdulhamidov, Zafar Polvonov.
"Paxtakor": Umid Hamroyev, Alisher Salimov, Sherzod A’zamov, Vladimir Kozak, Yo‘ldoshev, Sardor Sobirxo‘jayev, Humoyunmirzo Iminov, Dragan Cheran, Marat Bikmayev, Husniddin G‘ofurov, Shohruh Mahmudhojiyev.
Zaxiradan maydonga tushganlar: Isakov, Sarimsoqov, Roziyev, Sobirov, Hoshimov, Xolmatov, Muxtorov, Shamsiyev, Mirsaidov, Odilov, Abdusalomov.
Bosh hakam: Akobir Shukurullayev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
