Katoloniya super klubi qanchalar urunmasin, avvalgi darajasiga chiqa olmayapti. Ayniqsa YECHL doirasidagi «Inter»ga qarshi o‘yindan so‘ng, muxlislarda murabbiyga bo‘lgan e’tiroz yanada ortdi. To‘g‘ri, «Barselona» g‘alaba qozondi, biroq bu klub muxlislari chiroyli g‘alaba qozonishga o‘rganib qolishganiga deyarli 10 yildan oshmoqda. Kutilganidek, Valverde iste’foga chiqarilsa, jamoani avvalgi darajaga olib chiqa oladigan murabbiy bormi? Bugun ushbu savolga javob izlashga urunib ko‘ramiz.
Joze Mourinyo
Bir qarashda g‘alati ko‘ringani bilan portugaliyalik murabbiy katoloniyadan taklif tushsa, uzoq o‘ylab o‘tirmasligi aniq. To‘g‘ri, Joze «Manchester Yunayted»dan quvilgandir, biroq «benazir» «qizil iblislar» uchun «Liga kubogi», «Super kubog», «Evropa Ligasi» singari sovrinlarni yutib berishni uddasidan ham chiqdi. Jozedan tashqari birorta murabbiy Fergussondan so‘ng hech qanday sovringa yaqin ham kelishni uddalay olgani yo‘q.
Ayni damda YECHL bahslarida g‘oliblikni qo‘lga kiritish uchun «Barselona»da kuchli tarkib mavjud va futbolchilar bu musobaqani juda sog‘inishgan. Bundan tashqari, «benazir» futbol olamiga ilk qadamlarni ham aynan katoloniya klubida qo‘ygan va «Kamp Nou» uning uchun begona emas.
Xavi
So‘nggi paytlarda aynan Xavining «Barselona» jamoasi murabbiyi bo‘lishi haqidagi mish-mishlar ko‘payib bormoqda. To‘g‘ri, klub afsonasining murabbiylik borasida hech qanday tajribasi yo‘q, biroq Gvardiola ham aynan Xavi singari murabbiylikka birinchi qadamni aynan «Barselona»da qo‘ygan edi. Afsuski, bunday omadli tasodiflar har kuni ham bo‘lavermaydi, biroq urunib ko‘rsa bo‘ladi. Shunday bo‘lsada, tavakkal qilish uchun biroz kech emasmikan? Messining Yoshi o‘tib bormoqda. Jamoaning asosiy futbolchilar allaqachon to‘liq pressing uyushtirishni uddalay olmayapti. Boz ustiga, avlodlar almashinuvi ham juda past sur’atda davom etmoqda. Negadiy aynan Xavining variyanti ko‘plab muxlislarda katta qiziqish uyg‘otmoqda.
Luis Enrike
Ispaniyalik murabbiy futbolchilik davridayoq klub muxlislarining qalbidan joy egallashga muvaffaq bo‘lganidan xabaringiz bor. Bundan tashqari, Enrike Gvardiolada singari trebl qayd etishni uddalagan yagona murabbiy sanaladi. Afsuski, qahramonimiz hozirda og‘ir judolikni boshidan o‘tkazmoqda. Shunday bo‘lsada, hayot davom etadi va uning faoliyat o‘z yakuniga yetganicha yo‘q. Ispaniya terma jamoasidagi faoliyatini yakunlagan qahramonimiz hozir to‘liq ishsiz qolib ketgan va istalgan daqiqada yana futbol olamiga kirib kelishi mumkin. «Barselona»ning shonli davrlarini ortga qaytarish uchun Enrikeda barcha imkoniyat mavjud. Agarda u ortga qaytsa, jamoa yana 3 ta hujumchi bilan to‘p surishni boshlaydi va yana hujumkor «Barselona»ni ko‘rishimiz mumkin.
Massimiliano Allegri
Italiyalik murabbiy anchadan beri ishsiz yurgan bo‘lsada, tinimsiz takliflar olishda davom etmoqda. Ayniqsa, APL klublari taktik kuchli sanaladigan Allegrini o‘z jamoasiga chorlashda davom etishmoqda. Allegri nafaqat kuchli mutaxassis balki, jamoa bilan tezda chiqishib ketuvchi kuchli psixolog ham sanaladi. U boshqargan klublar doim kuchli intizom va tartibli futbol orqali qolganlarda yaqqol ajralib turgan. Darhaqiqat uning Katoloniyaga kelishi «Barsa»ga qo‘l kelishi mumkin. Allegri Messiga mos pozisiya yaratishi va uning atrofida kuchli jamoa tuzishi mumkin. Bu esa, klubdagi boshqa futbolchilarning ham maydonda erkin harakat qilishga imkoniyat yaratib beradi. Agarda italiyalik murabbiyga imkon berilsa, Katoloniya klubi o‘yin uslubi keskin o‘zgarishi hech gap emas. Eng muhimi esa, Allegri ham hozirda «Barselona» singari YECHLda g‘olib chiqish orzusida yuribdi. Bir qarashda qiziqarli tanlovdek ko‘ringani bilan, Allegri tanlovi klubga katta naf keltirishi mumkin
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
