Turinning "Yuventus" klubi bosh murabbiyi Maurisio Sarri Moskvaning "Lokomotiv" klubiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.
"Krishtianu Ronaldu holatini xavf ostiga qo‘ymaslik uchun almashtirdim. Birinchi bo‘limda undan xavotir oldim, ikkinchi bo‘limda esa u tezlikni oshirayotgan paytda holati yaxshi emasligiga belgi berdi, shu bois jarohat olmasin degan maqsadda almashtirdim", - dedi Sarri.
"Duglas Kosta biz uchun juda muhim futbolchi, ammo uning jismoniy holati yaxshi emas. Ajoyib texnikasi bor, u Iguain bilan ajoyib o‘yin namoyish etdi. Hozir Kosta ham, Aron Remzi ham to‘liq o‘yin o‘tkaza olmaydi. Shu bois ular bir pozisiyada o‘rinlarini almashtirib o‘ynashlarini rejalashtirgandik", - deya qo‘shimcha qildi murabbiy.
"Jamoaning bugungi ko‘rsatgan o‘yinidan to‘liq qoniqish hosil qilmadim. Raqibga bo‘sh joy qoldirishga e’tibor bera olmadik. Shu meni qoniqtirmadi. Ehtimol, oldingi o‘yinlarga qaraganda ko‘p o‘zgarish qilganimiz uchun shunday bo‘lgandir. Ammo, charchagan futbolchilarga dam berishga majbur edik", - dedi Sarri.
"Bugun ochiq o‘yin namoyish etdik, shu bois to‘p bilan qilgan muomilamiz yaxshi chiqmadi. "Lokomotiv" bo‘lsa to‘pni olib qo‘yishda ham, hujum uyushtirshda ham faol bo‘ldi. Aytishim mumkinki, nafaqat “Loko”, balki boshqa jamoalar ham “Yuve”ga qarshi o‘ynay olishadi, - dedi u.
Raqib darvozasini ishg‘ol etganimizdan so‘ng, o‘z darvozamizdan to‘p o‘tkazib yuborish tez-tez uchrab turmoqda.Biz himoyada passiv harakat qilyapmiz. Ushbu kamchilik ustida ishlashimiz kerak", - deya o‘z so‘zini yakunladi Sarri.