Hozirgina xorij OAVda “Arsenal” ustozi Unai Emeri haqida xabar tarqaldi. Unga ko‘ra “kanonirlar” rahbariyati Emerini iste’foga chiqarmaydi, ammo unga shart qo‘ygan. Ya’ni murabbiy navbatdagi 6 ta o‘yinda ijobiy natija qayd etishi shart.
Shu xabarni o‘qigan zahoti London klubining navbatdagi 6 ta raqibi bilan qiziqdim. Shunchaki dahshatli o‘yinlar kutayotgan ekan “Arsenal”ni.
“Arsenal” 23 noyabrda “Sautgempton” bilan o‘ynarkan. Londonda kechadigan bahsda Emeri uchun ijobiy natija bu — faqat va faqat g‘alaba. Ammo “Sautgempton” ham osonlikcha taslim bo‘lmasligi aniq. Xullas, o‘yin qiyin kechishi turgan gap.
APL doirasida navbatdagi raqib — “Norvich”. “Arsenal” 1 dekabrda mehmonda to‘p suradi. To‘g‘ri, “Norvich” autsayder, ammo o‘z uyida o‘ynashini hisobga olsak, APLda istalgan klub o‘z uyida muxlislar uchun ham ikki karra kuch bilan harakat qiladi. Mazkur bahsda “Arsenal”ni faqat g‘alaba qoniqtiradi.
APLda keyingi o‘yin 6 dekabrda “Brayton”ga qarshi o‘tkaziladi. Tabiiyki, o‘z uyida o‘ynaydigan “Arsenal” mazkur matchda uch ochkoni qo‘lga kiritishi lozim. “Brayton” esa g‘alabani qo‘sh-qo‘llab topshiradigan jamoa emas.
Emeri uchun imkon berilgan to‘rtinchi o‘yin “Vest Xem” maydonida bo‘lib o‘tadi. 10 dekabr kuni “bolg‘achilar” mehmoni bo‘ladigan “Arsenal” g‘alaba qozonishi kerak. Lekin “Vest Xem”ni mag‘lub etish juda qiyin ish ekanligini Emerining o‘zi ham biladi.
Beshinchi o‘yin — shunchaki dahshat. 15 dekabr kuni Londonga “Manchester Siti” tashrif buyuradi. Ushbu o‘yinda “kanonirlar” uchun durang ham ijobiy natija bo‘lishi mumkin. Ammo shundoq ham “Liverpul”dan ortda qolib ketgan “shaharliklar” “Arsenal”ni mag‘lub etish uchun tish-tirnoqlari bilan kurashadilar. Ushbu bahs “kanonirlar” uchun hayot-mamot o‘yiniga aylansa, ajabmas.
Aksiga olib APL doirasidagi 6-o‘yin ham qiyin kechishi tayin. 21 dekabrda “Arsenal” Londonning boshqa bir jamoasi — “Everton” maydoniga safar uyushtiradi. Mavsum avvalida yaxshi xaridlarni amalga oshirgan “Everton” “Arsenal”ga haqiqiy kurash taklif etishi tayin.
Agar Emeriga berilgan 6 o‘yinlik imkoniyatni umumiy deb olsak, u oxirgi ikkita raqibdan qutulib qolishi mumkin. Chunki orada biz Yevropa Ligasi doirasidagi ikkita o‘yinni kiritmadik. Ya’ni “Arsenal” 29 noyabr kuni “Ayntraxt”ni qabul qiladi. Nemis klubi ham kuchsiz emas ayni damda. “Ayntraxt” hatto “Arsenal”ni mag‘lub etishi ham mumkin.
Yevropa Ligasi doirasidagi navbatdagi o‘yin esa 12 dekabr kuni bo‘lib o‘tadi. Shu kuni “Arsenal” “Standart” klubi maydoniga safar uyushtiradi. Ko‘rinib turibdiki, Yevropa Ligasi doirasidagi o‘yinlar ham APL doirasidagi bahslardan qolishmaydi.
Aftidan, agar “Arsenal” rahbariyati va’dasida tursa, Emerining jamoadan ketish ehtimoli ko‘proqqa o‘xshamoqda. Yanayam kim bilsin, balki “Arsenal”ning bu yog‘iga ishlari yurishib ketar. Ko‘ramiz.
Nizomjon ISLOMOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
