So‘nggi paytlarga kelib grand klublar transferlar uchun fantastik summa sarflashayotgani odiy xolatga aylanib bo‘ldi. Eng qizig‘I shundaki, endilikda klublar iqtidorli fubolchi uchun kurashda klublar bir-biridan o‘zib ketish maqsadida ham futbolchining transfer qiymatini ko‘tarishmoqda. Eng achinarlisi shundaki, ana shudnay transferlarning aksariyati omadsiz chiqmoqda va iqtidorli futbolchilarga zahira o‘rindig‘idan ham joy topilmayapti. Bugun ana shunday iqtidorli futbolchilarni eslab o‘tamiz.
Rayn Sessenyon – «Tottnhem»
O‘tgan mavsumda «Fulhem» klubidagi o‘yinlari bilan barchani hayratda qoldirgan qahramonimiz nafaqat klubining, balki butun Anglyadagi eng iqtidorli futbolchilardan biri deb e’tirof etilgan edi. Chap qanotda istalgan pozisiyada to‘p sura oladigan universal o‘yinchi «Tottenhem» klubiga o‘tdiyu, muxlislar radaridan tushib qoldi. To‘g‘ri, Rayn London klubiga jarohat bilan keldi va tiklanish uchun uzoq vaqt sarfladi. Mana endi-endi asosiy tarkibda ko‘rinish berayotganida esa, klub postiga Joze Mourino keldi. Hozirda «benazir» uchun yangi iqtidorlarga imkoniyat beradigan kayfiyatda emas. U jamoani qanday qilib bo‘lsada, o‘z o‘rniga qaytarish ishtiyoqida yonmoqda. Shunday ekan, Rayn Sessenionning yorqin kelajagi biroz havf ostida qolmoqda. London klubi uni sotib yubormasa, Mour «ko‘mib yuborgan» yulduzlar soni yana bitaga ko‘payishi hech gap emas.
Moyze Kin - «Everton»
Bundan bir yil ilgari «Yuventus» va Italiya terma jamoalari safida gollar kiritib barchaning e’tibor markazida turgan Moyze Kin hozirda ko‘plab muxlislarning yodidan ko‘tarilib qolgani aniq. Ajoyib mavsumdan so‘ng, «Yuventus» bilan uzoq yillik shartnoma imzolash o‘rniga «Everton»ga 27 million yevro evaziga yo‘l olgan hujumchining ishlari havas qilarli darajada emas. Hujumchi Liverpul shaxriga ko‘chib o‘tgach, o‘zining to‘purarlik qobiliyatini yo‘qotib qo‘ydi. Klub ustozi Markos Silva esa, o‘z-o‘zidan uni chetga surib tashladi. Hozirda klub uning o‘yini yaxshilanishini kutadigan ahvolda emas. Shu sabab Kin qishki transferlar chog‘ida ortga qaytmoqchi ekanligini agenti Mino Rayola tomonidan e’lon qildi. Hozirda uning hizmatlariga «Roma» va «Napoli» klublari qiziqish bildirmoqda.
Ismail Sarr – «Uotfurd»
O‘tgan mavsumda APLda 11-o‘rinni band qilgan va o‘z tarixida ikkinchi bor kubog bahslarining finaliga qadar yetib borgan «Uotfurd»ning ishtaxasi ochilib ketdi shekili, yangi mavsum oldidan yosh iqtidor egasi uchun 30 million yevrodan voz kechib yubordi. O‘yin uslubi Nikola Pepeni eslatib yuboruvchi futbolchi «Uotfurd» tomonidan xarid qilingach, butun mavsum davomida atigi 5 bor maydonga tushdi va o‘sha uchrashuvlarning ikkitasida zahiraga olindi. Eng qizig‘I shundaki, o‘ng qanot hujumchisi sifatida harid qilingan Ismailni klub murabbiylari markaziy hujumda sinab ko‘rmoqda. O‘rinli savol paydo bo‘ladi. «Uotfurd» Sarrni o‘zi nega harid qildi? O‘yin amaliyoti taqdim etilmasa, o‘z pozisiyasida to‘p surishga imkon berilmasa, unda 30 millionga futbolchi harid qilishning nima xojati bor edi? Tushunarsiz transfer…
Malkom – «Zenit»
Yozda RPLning eng qimmat transferiga aylangancha «Barselona»dan «Zenit»ga o‘tgan braziliyalik futbolchidan piterliklarning umidi juda katta edi. Aslida Malkomdan YECHLda foydalanish asosiy maqsad edi, biroq barchasi o‘zgacha ko‘rinish oldi. O‘zining ilk to‘liq o‘tkazgan o‘yinida jiddiy jarohat olgan futbolchi Bahorga qadar sadan chiqdi. Bu «Zenit» uchun dearli 40 millionlik futbolchini boy berishdek bir gap. Katta ehtimol bilan «Zenit» bahorgacha YECHL bahslaridan chiqib ketadi. Ichki chempionat o‘yinlaridagi g‘oliblik uchun 40 millionlik transfer shart emas edi. «Zenit» o‘zi shundoq ham musobaqaning eng qudratli jamoasi ekanligi hech kimga sir emas.
Luka Yovich
Ushbu mavsumda havoga uchirilgan eng katta pul Luka Yovichning transferi uchun ishlatilgan pullar bo‘ldi desak, adashamgan bo‘lamiz. O‘tgan mavsumda «Ayntarxt» klubida porlagan futbolchi uchun ko‘plab jamoalar kurash olib borgan bo‘lsada, Florentina Perez barchadan o‘zib ketishga qaror qildi va o‘ylab o‘tirmasdan hujumchini harid qildi. Afsuski, Zidan Mbappeni «Real»da ko‘rishni istagan edi. Vaziyat tubdan o‘zgarib ketgach Zidan Yovichni to‘liq chetga surib tashladi va yana Benzemani asosiy hujumchiga aylantirib qo‘ydi. 60 million yevro evaziga harid qilingan futbolchi shu kunga qadar atigi bir dona to‘liq o‘yin o‘tkazgani juda kulguli. Bundan tashqari, uning hizmatlariga Zidan umuman qiziqayotgani yo‘q. Katta ehtimol bilan futbochini tez orada uzoq yillik ijarada to‘p surish kutmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
