Bugun bo‘lib o‘tgan yilning eng yahshilarini taqdirlash marosimidan so‘ng, kecha qahramonlaridan biri Jamshid Iskanderovni suhbatga tortdik
O‘tgan mavsumdan farqli o‘laroq, yakunlangan mavsumni ancha faol o‘tkazdingiz. Buning siri nimada?
Darhaqiqat, ushbu mavsumda o‘z darajamga qaytishga urundim. «Lokomotiv»ga o‘tganim va o‘yin amaliyotiga ko‘proq ega bo‘lganim bois yahshiroq o‘yin ko‘rsatgan bo‘lsam kerak. Eng muhimi muxlislarimizni xursand qilish edi.
Sizni Rossiya klublaridan biriga o‘tishingiz haqidagi mish-mishlarda naqadar haqiqatga yaqin?
Ochig‘i bu mavzuda so‘zlashga hali erta. Menga rus klublaridan bir nechta taklif bo‘lgani rost. Ayni damda ushbu takliflar bo‘yicha klub rahbarlari bilan muzokaralar olib borilmoqda. Jamoa nomini ayta olmasamda, ushbu transfer amalga oshishi mumkin. Barchasi yangi yildan so‘ng, hal bo‘ladi.
Ushbu sovrin siz uchun qay darajada muhim bo‘ldi?
Birinchi navbatda o‘zimga bo‘lgan ishonchimni ortishini ta’minladi. Ushbu yutuq sababli, keying mavsumda yanada yahshiroq to‘p surishga harakat qilaman. Asosiy maqsadim o‘zbekiston bayrog‘ini yanada yuqorilarga ko‘tarish. Ushbu maqsadni amalga oshirish uchun bor e’tiborimni qaratishga harakat qilaman.