O‘zbek futbolida shunday nomlar borki, avvaliga u futbolchidan ko‘p narsalar kutiladi, biroq yakunda muxlislar o‘ylaganchalik bo‘lib chiqmaydi. Bazida jarohatlar bunga halaqit bersa, ba’zan futbolchilarning o‘zlari dangasalik qilib qo‘yishadi. Bugungi suhbatdoshimizdan ham endi porlab chiqayotgan vaqtida ko‘p narsalar kutilgan. Ha, to‘g‘ri qahramonimiz 16 yil legioner maqomida harakat qildi, lekin undan bundanda yuqori natijalar kutilgan edi. Har xolda 2012 yil O‘zbekistonning eng yaxshi futbolchisi deb topilgan. Menimcha, siz suhbatdoshimiz kim ekanligini payqadingiz, ha, bu o‘z vaqtida “o‘zbek futbolining kelajagi”, deya qaralgan Sanjar Tursunov.
– Assalomu alaykum, Sanjar aka yangi jamoaga o‘tganingiz bilan tabriklayman. "AGMK"ga kelishingiz qanday ro‘y berdi. Aynan Qosimovning o‘zi sizni taklif qildimi?
– Va alaykum assalom! Rahmat kattakon! Ha, Mirjalol Qosimovning shaxsan o‘zi meni taklif qildi, shu sababli olmaliqliklar safiga kelib qo‘shildim. AGMK bilan bir yillik shartnoma imzoladim. Yangi mavsumda qo‘ldan kelgancha jamoaning g‘alabalariga o‘z hissamni qo‘shaman.
– Yangi mavsumda ham sizga omad tilaymiz. Bugungi savollarimiz AGMK bilan bog‘liq emas. Asosan savollarimiz “Bunyodkor”, terma jamoa, qolaversa, faoliyatingizga doir. "Bunyodkor" klubi ikkinchi davrani biroz omadsiz boshladi, lekin so‘nggi turlarda ancha o‘zgardi va maqsadga erishdi buni nima bilan ifodalaysiz?
– Men o‘zim ham jamoaga ikkinchi davrada kelib qo‘shildim. Ha, to‘g‘ri “Bunyodkor” ikkinchi davrani biroz omadsiz boshladi, lekin o‘zimizga kerakli natijaga erishdik va OCHL yo‘llanmasini qo‘lga kiridik.
– “Bunyodkor” nima uchun yetakchilarini saqlab qolmayapti. Avvaliga Gadoyev, endi siz... yoki jamoada xali ham moliyaviy muammolar bormi?
– Hamma jamoa o‘z imkoniyatlariga qarab, futbolchilarni saqlab qoladi va ketkizadi. Shuningdek, har bir futbolichning o‘zini maqsadi va o‘z yo‘li bor. “Bunyodkor” ham qo‘ldan kelgancha o‘ziga kerakli bo‘lgan futbolchilarini olib qolishga harakat qiladi. Jamoada hech qanday moliyaviy muammolar yo‘q.
– “Paxtakor”, “Lokomotiv” va “Bunyodkor” jamoalarimizning OCHLdagi imkoniyatlarini qanday baholaysiz?
– Yurtimiz sharafini halqaro maydonlarda himoya qiluvchi barcha jamoalarga omad tilayman. Barchasi tayyorgarlikka bog‘liq. Bilasiz, qaysidir jamoa taktik yoki individual futbolchilar borasida kuchli bo‘lishi mumkin, lekin o‘yinga tayyor bo‘lmasligi mumkin, shuning uchun hozir bu savolga to‘liq javob bera olmayman.
– Kuper kelganda dastlabki yig‘inga chaqirildingiz va Eron bilan o‘yinda maydonga tushdiz so‘ngra yana milliy termadan uzoqlashdingiz. Sanjarni yana mamlakatimiz bosh jamoasida ko‘ramizmi?
- Kuper kelganda terma jamoaga chaqirishgan, Eron bilan o‘yinda ikkinchi bo‘limda tushganman. U o‘yinda faqat himoyada o‘ynaganmiz, juda qiyin o‘yin bo‘lgan. Menimcha, o‘zimni ko‘rsatolmaganman, shuning uchun keyinchalik chaqirishmagan deb o‘ylayman.
– Nima deb o‘ylaysiz terma jamoamiz Abramov boshchiligida azaliy orzusi JCHga chiqa oladimi?
– Milliy terma jamoaga omad tilayman. Jahon chempionatiga chiqishini xohlayman. O‘zbekistonda tug‘ilib-o‘sgan har bir inson vatani uchun muxlislik qiladi, shu qatorda men ham. Agar O‘zbekiston terma jamoasiga kerak bo‘lsam, har doim tayyorman.
– Vadim Abramov o‘z uslubini o‘zgartirmaydi, har doim hujumkor uslubda o‘yinni olib boradi, sizningcha, har qanday jamoaga qarshi hujumkor o‘yin olib borish qanchalik to‘g‘ri?
- Vadim Abramovda har doim to‘p bilan ko‘proq ishlash va hujum qilish, shuning uchun uning taktikasi natija bergandan keyin o‘sha taktika qolaveradi.
– Futbolchi o‘zini doimo yuqori formada ushlab turishi qiyin ishmi? Nimaga ko‘p futbolchilar yarq etib porlaydiyu, keyin ko‘zdan g‘oyib bo‘lishadi?
– Futbolchi har doim bir rejimda bo‘lishi kerak, o‘ziga qarashi kerak, chunki rejimdan chiqsa, o‘yiniga ta’sir qiladi. Shuning uchun futbolchi har doim o‘ziga qarab professional bo‘lishi kerak. Futbolchini o‘zini tarbiyalashi juda katta ahamiyatga ega.
– Siz qanot vingerisiz, o‘z qanotingizdan jahondagi qaysi futbolchilarni yoqtirasiz?
– Jahonda ko‘p futbolchilar yoqadi: qanotda , o‘rtada. Aniq kimnidir aytolmayman, chunki ko‘p futbolchilarning o‘yinlarni yoqtiraman. Har xil uslublar, taktik uslublari juda yoqadi.
– Futbolchining maydonda ko‘ngildagidek to‘p surishi uchun: o‘yin taktikasi va futbolchining psixologik holati, shu ikkita omildan qaysi biri ko‘proq ahamiyatga ega deb o‘ylaysiz?
– Futbolchi maydonda ko‘ngildagidek o‘ynashi uchun hammasi muhim. Masalan: jismoniy holati, taktik jihatdan tayyor bo‘lishi kerak. Bularni qaysidir biri bo‘lmasa futbolchi maydonda o‘zini yaxshi his qilolmaydi.
– Sizni “Vorskla” jamoasidagi o‘yiningiz orqali ko‘plab muxlislar taniydi. “Vorskla” darajasiga yetish uchun bizdagi klublarni qaysi kamchiliklarini to‘ldirish kerak, tarkib, tartib-intizom, maydon..?
– Ukraina futboli bizdan kuchliroq,shuning uchun biz Ukrainaga qarab o‘ynaymiz, ular Yevropa. "Vorskla" darajasiga yetish uchun esa birinchi navbatda chempionatimizni ko‘tarishimiz kerak, keyin o‘sha darajaga erish uchun harakat qilish kerak.
Faqat futbolchimas, har bir inson har doim o‘ziga maqsad qo‘yadi. Yevropaga yaqinlashish uchun esa biz yuqori maqqsadlarni qo‘yishimiz kerak va bu o‘lda astoydil harakat qilish lozim.
– Mana 16 yil chetda o‘ynadingiz, mahalliy futbolchi bo‘lish bilan legioner bo‘lishning farqi haqida gapirib bersangiz?
– To‘g‘ri 16 yil legioner maqomida harakat qildim. Baribir, biz Rossiyaga, Yevropaga qarab o‘ynaymiz, shuning uchun u yerda juda boshqacha futbol. Faqat futbolmas, tashkiliy, moliyaviy taraflari ham bor, buni faqat futbol bilan aytib bo‘lmaydi.
– Oldingi intervyularingizdan birida "O‘zbek futbolini ko‘rgim keldi" degan ekansiz, bunga qachondir afsus qilaman deb o‘ylamaysizmi?
- To‘g‘risini aytsam o‘zbek futbolini ko‘rgim keldi, bundan afsusdamasman. Chunki hamma narsani vaqti bo‘ladi. AGMKga o‘tganimdan juda xursandman va u yerda faoliyatimdagi yangi sahifa ochishga harakat qilaman.
Jaloliddin Qobilonov va Malika Azamatovna suhbatlashdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
