Ba’zi o‘yinlar bo‘ladi, anons qilish kerak, tushuntirish kerak uchrashuv darajasini. Ammo bir o‘yinlar bo‘ladiki, unda ishtirok etadigan jamoalar nomini aytib qo‘yish kifoya qiladi. Deylik, tunda Rimda “Lasio” “Inter”ni qabul qiladi, deb.
Turnir jadvalida “Inter”ning peshqadamlik qilayotgani ham, Rim klubining uchinchi o‘rinda borayotgani va yenggan taqdirda skudetto uchun rostakamiga da’vogarga aylanishini gapirish ham zarurati yo‘q. Klublarning o‘zi anons sifatini oshirib beradi.
Shunday bo‘lsa ham, tunda soat 00:45da bo‘ladigan superuchrashuv haqida ayrim ma’lumotlarni berib ketsam, a?!
O‘zi A Seriyada kuchli to‘rtlikda borayotgan klublarga qarasak, bir o‘xshashlikni ko‘ramiz. Barchasida mahalliy murabbiylar ustozlik qilishmoqda. Italiya chempionati brendini italiyalik mutaxassislar belgilab berishayotgani yoqimli baribir. Yana zo‘r tomoni shuki, to‘rt murabbiy umuman bir-biriga o‘xshamaydi.
Biri to‘p nazorati bilan “sarribol”ni xush ko‘rsa, birisiga pressing orqali vaziyatidan maksimum foydalanish yoqadi. Yana biri italyancha futbolning namunasini ko‘rsatib chuqur himoyadan hujumga zo‘r o‘tsa, to‘rtinchisi Bergamo ko‘chalarini hujum qilaverib changitib yubordi.
Qachon ko‘rgandik shunaqa A seriyani?!
Bugungi chekimga tushgan o‘yinda himoya chizig‘ida va darvozada muammolar bo‘lishi mumkin (Padelli “Inter” muxlislarining asablanishiga sabab bo‘lyapti), lekin oldingi chiziqda barchasi havas qilguli darajada. Indzagi jamoasida goleador hujumchi bor, kuchli beshlikdagi to‘purarlar poygasini boshqarayotgan Immobile. U shuningdek, o‘z uyida eng ko‘p gol urgan yigit – 15ta gol. Milanliklar safida Lukaku bor, mehmonda eng ko‘p gol urgan – 12 gol. Unisi ham, bunisi ham natijasini yaxshilashi mumkin bugun.
Niderlandiyalik Stefan de Vreyga oson bo‘lmaydi bu kecha. Rimlik tiffozi “Lasio”dan “Inter”ga xunuk tarzda o‘tib ketgan himoyachini “iliqqina” kutib olsa kerak. Bastoni hamda Lautaroning diskvalifikasiya muddati tugab, bugun safga qaytishlari o‘yin darajasini yanada oshiradi.
Oxirgi ma’lumot: Ronaldu “Breshiya” bilan bo‘ladigan o‘yinni o‘tkazib yuboradi va agar “Yuve” salbiy natija qayd etsa, tasavvur qilavering, Rimdagi bahsning mavqei qaysi plankalarni yirtib yuborishi mumkin?! Mayli, Turin klubi yengaversin, bizning o‘yin darajasiga baribir soya tashlolmaydi.
00:45da Janluka Rokkining hushtagi chalinishini kutib qolamiz bo‘lmasa. Ko‘rishguncha!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
