Londonning «Tottenhem» klubi ustozi «Aston Villa» ustidan qozonilgan g‘alabadan so‘ng, «Mirror» nashri uchun intervyu berdi.
Bugungi uchrashuvni juda yomon boshladik, biroq yigitlar xarakter va g‘alabaga chanqoqlikni namoyish etib berishdi. O‘ylashimcha, bu o‘yin men bu klubga kelganimdan beri eng ko‘p vaziyat yaratgan uchrashuv bo‘ldi. Yaratilgan vaziyatlarning birortasi tasodifan yuz bergani yo‘q. Biz o‘yin so‘nggiga qadar hujum uyushtirishdan to‘xtamadik. Biz vaziyat yaratish uchun tinmay harakat qildik. Agar uchrashuv 2:2 natijasi bilan yakunlanganida, men hozir futbolchilarimdan norozi kayfiyatda o‘tirgan bo‘lar edim. Sababi juda odiy. Biz yaxshi o‘ynab raqibga ochko bergan bo‘lar edik. O‘yinning ikkinchi qismida gol kiritish uchun 94 daqiqaga harakat qildik. Ayni damda biz Harri Keynsiz harakat qilayotganimiz uchun ko‘plab muammolarga uchrayapmiz. Shunday bo‘lsada, muammo bilan harakat qilish APL klublari uchun normal holat. Shuning uchun biz yangi yo‘lning boshida turibmiz. Sezgan bo‘lsangiz, vaziyatlarni keskinlashtirishning yangi uslubidan foydalanyapmiz. Iloji boricha gol kiritishimiz mumkin bo‘lgan vaziyatlarni yaratish ustida ishlayapmiz va bu sekin-asta maydonda o‘z mevasini bermoqda.
«Manchester Siti»ga qo‘yilgan ta’qiq borasida hech narsa demoqchi emasman. Bu savol menga berilishini bilgan bo‘lsamda, vaziyatni o‘rganish uchun bir daqiqa ham sarf etganim yo‘q. Bu ta’qiq APLning oddiy jamoasiga emas, o‘tgan mavsumdagi chempionlarga qo‘llanilayotganini unutmaslik lozim. Vaziyat to‘liq oydinlashmaguniga qadar o‘z pozisiyamda qolaman.
Bizning APLdagi asosiy maqsadimiz kuchli to‘rtlikka kirish emas. Biz o‘z o‘yinimizni yanada yaxshilashga harakat qilyapmiz. Asosiysi iloji boricha yaxshiroq to‘p surish va imkon boricha ochko jamg‘arish. Ana shunda mavsum so‘nggida qaysi o‘ringa loyiq ekanligimizni bilib olamiz. Kecha «Liverpul» musobaqa jadvalida so‘nggi o‘rinda borayotgan «Norvich»ga qarshi qiyin o‘yin o‘tkazdi. Bugun biz ham elitada jon saqab qolish uchun kurash olib borayotgan klubdan jiddiy qarshilikka uchradik. Bu APL uchun odatiy hol.
Bugungi kunga kelib 5-o‘rin bilan YECHL yo‘llanmasini qo‘lga kiritish haqidagi fikrlar barcha nashrlardan tinmay yangramoqda. Hamma bizni asosiy da’vogar deb ko‘rsatyotgan bo‘lsada, bu o‘rin uchun «Vulverhempton», «Arsenal», «Manchester Yunayted», «Everton» singari jamoalar ham kurash olib borishlarini unutmaslik lozim. Bu jamoalarning barchasi o‘zini 5-o‘rin uchun o‘zini munosib deb xisoblaydi va buni maydonda isbotlashga harakat qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
