Stadion.uz “Bavariya” asosiy tarkibida to‘p surayotgan kanadalik “bolakay” bilan qisqacha tanishtirib o‘tadi.
Mavsum boshida kim o‘ylabdi deysiz Alfonso Devisning chap qanot himoyachisiga aylanib qolishini?! Shunchaki jamoaning o‘ng qanot himoyachilariga e’tibor qarating! Alaba, universal Pavar, Kimmix va Ernandes! Mana shu himoyachilarning barchasi ikkita qanotda ham birdek harakatlanishga qodir, dunyoning o‘z pozisiyasidagi eng kuchli futbolchilari sanaladi.
Mavsum boshida “Bavariya” himoyada Pavar, Zyule, Ernandes, Alabadan tashkil topgan to‘rtlikka murojaat etayotgan edi. Birdaniga Ernandes va Zyule jaroh oldi va safdan chiqadi. Myunxenliklar vaziyatdan chiqib ketish uchun Boatengni ortga qaytarishdi. Shunga qaramay, chap qanotdagi bo‘shliqni to‘ldirish muammosi paydo bo‘ldi? Barchasi 26 oktyabr sanasidagi “Union”ga qarshi uchrashuvda boshlandi. Keyingi turda “Bavariya” 5:1 hisobida yengilgach, Kovach ketdi, lekin Alfonso yangi pozisiyasida mustahkam o‘rnashb oldi. Aslida qanot hujumchisi bo‘lishiga qaramay, Alfonso yangi pozisiyada shunday o‘yin ko‘rsatyaptiki, mana 21 ta o‘yindan beri asosiy tarkibda o‘ynab kelmoqda. Devis jamoaning asosiy hujum quroli bo‘libgina qolmay, himoyada ham ter to‘kishni unutmayapti. Eng ajablanarlisi shundaki, “Bavariya” o‘tgan yili Devisni MLS tarixida rekord summa (15 million yevro. Shu kunga qadar 22 yoshgacha bo‘lgan futbolchilar orasida hech kim Yevropaga bunday katta summa evaziga o‘tmagan) evaziga vinger sifatida xarid qilingan.
Kanadaning “Vankuver” jamoasi tarbiyalanuvchisi kelajakda ikkinchi Riberi bo‘lishi ko‘zda tutilgan edi aslida. Uning kelajagi himoya bilan bog‘liq bo‘lishi kimni xayoliga kelibdi deysiz? Devisning “Vankuver”dagi ustozi Kreyg Dalriplning futbolchi haqidagi so‘zlariga e’tibor qarating: “Har bir bolakay ikkinchi Ronaldu yoki ikkinchi Messi bo‘lishni istaydi. Ular o‘zgacha futbolchilar, biroq Alfonso ham ular singari o‘zgacha. Unda yarimta Messi va yarimda Ronaldu uyg‘unlik aks etgan. Shunga qaramay, men uning o‘yinlarini Kilian Mbappenikiga o‘xshatib yuboraman. U Killian singari tezkor va jismonan baquvvat futbolchi. Shuningdek, uning to‘p bilan muomalasiga razm solsam, yosh Tyeri Anriga ham o‘xshab ketadigan xislatlarini payqab qolaman. U Tyeri singari balandparvoz so‘zlarni yoqtirmaydiganlar sirasiga kiradi. Ko‘ramiz, u Yevropada men nomini zikr qilgan futbolchilardan qay biriga o‘xshash manerada o‘zini namoyish etar ekan?!"
Futbolchining maydonda unversalligi uni ortiqcha qiyinchiliksiz himoyadan joy olishini ta’minlab bermoqda. “Bavariya” Alfonsoning himoyaga ko‘chirgani uchun uning sobiq murabbiyi ham ham hayron bo‘lgani aniq. O‘tgan yili bahorda Devis bir necha bor zaxiradan maydonga tushib, Koman, Xames va Gnabrilarni almashtirgan edi, biroq “Mayns”ga qarshi uchrashuvda Kovach Alfonsoni aynan David Alabaning o‘rniga jangga tashlaganini unutmaslik lozim. Alfonso o‘zining jamoadagi debyut golini ham rasman qanot himoyachisi pozisiyasida kiritdi. Vaholanki, uning jamoadagi asosiy vazifasi qanot vingerlari dam olish uchun imkoniyat yaratib berishdan iborat bo‘lsa ham.
“Chelsi” muxlisi
Futbolchi YECHLda “Chelsi”ga qarshi o‘yinda eng yaxshi futbolchilardan biri bo‘lgan bo‘lsa-da, “aristokkratlar”ning muxlisi ekanligini yashirib o‘tirmadi : “Dadam doimo “Chelsi”ning ashaddiy muxlisi bo‘lganlar. Hozir ham “ko‘klar”ning birorta o‘yinini o‘tkazib yubormay tomosha qiladilar. Yoshligimda o‘yinlarni ikkimiz tomosha qilar edik. Ayni damga kelib ulg‘aydim, “Bavariya” safiga o‘tdim, biroq “Chelsi”ga muxlislik qilish yoshligimning bir bo‘lagi sifatida tarixda abadiy qoldi. Didye Drogbaning muxlisi ekanligimni yashirib o‘tirmayman.
Qayerda tug‘ilgan?
Alfonso qochoqlar uchun Ganada bunyod etilgan Budburam lagerida 2000-yilda dunyoga kelgan. Uning ota-onasi asli liberiyaiklar bo‘lib (ayni damda ushbu yurtni “oltin to‘p” egasi Jorj Vea boshqarib kelmoqda), ular fuqarolar urushidan qochib yangi hayot izlab yurgan davrlarda farzandli bo‘lishadi. Qaysidir ma’noda ularga omad ham kulib boqadi. Alfonso 5 yoshga to‘lganida, ular oilaviy Kanadaning Vindzore shaharchasiga, keyin Edmontonga ko‘chib ketishadi. Alfonso 15 yoshga to‘lganidagina Kanada fuqoroligini olgach, yoshlar jamoasiga to‘p surishni boshlaydi. 2017-yilda esa, terma jamoa safida ham debyut qilishga muvaffaq bo‘ldi. E’tiborlisi shundaki, Alfonso milliy jamoada to‘p surgan eng yosh futbolchi bo‘libgina qolmay, o‘zining 19 yoshida Kanada termasi safida 5 ta gol kiritishga ham muvaffaq bo‘ldi.
San’atga befarq emas
Agar Alfonso futbolchi bo‘lishni uddalay olmaganida, aniq shou-biznes vakiliga aylangan bo‘lar edi. Bu videoda kanadalik futbolchi Uitni Xyuston ijrosidagi «I will always love you» qo‘shig‘ini “Bavariya”ning tushlik chog‘ida jonli kuylamoqda.
Bu video futbolchining tik-tok akkauntidan olingan bo‘lib, Devisga juda katta mashhurlik olib kelgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
