Xabaringiz bor, dzyudo bo‘yicha O‘zbekiston terma jamoasi Parij hamda Dyusseldorf "Katta Dubulg‘a" turnirlarida muvaffaqiyatli tarzda ishtirok etdi.
Parij shahri mezbonlik qilgan nufuzli musobaqada dunyoning 115 davlatidan eng sara dzyudochilar ishtirok etdi. -81 kg vazn toifasida yurtimiz sharafini himoya qilgan Sharofiddin Boltaboyev kumush medal sohibiga aylangan bo‘lsa, Hikmatulloh To‘rayev (-73 kg) bronza medalini qo‘lga kiritdi. Boltaboyev 700, To‘rayev 500 reyting ochkosiga ham ega bo‘ldi. Sharofiddin chorak finalda amaldagi jahon chempioni, reyting peshqadami isroillik Sagi Mukini sof ippon bahosi bilan mag‘lubiyatga uchratdi. Yarim final bellashuvida esa yaponiyalik Sotaro Fijivaradan ustun keldi.
Dyusseldorf turniri esa O‘zbekiston dzyudosi uchun chinakamiga omadli keldi. Bir yo‘la ikki sportchimiz o‘z vazn toifasida chempionlik shoxsupasiga ko‘tarildi. Davlat Bobonov (-90 kg) va Muhammadkarim Hurramov (-100 kg) musobaqaning oltin medali va shu bilan birga 1000 reyting ochkosini ham qo‘lga kiritdi. Muvaffaqiyatli ishtirok sabab Bobonov 28-pog‘onadan 17-o‘ringa, Hurramov esa 21-o‘rindan 15-pog‘onaga ko‘tarilib oldi.
So‘nggi bor bunday natija 2012 yilda kuzatilgandi. O‘shanda Parij "Katta Dubulg‘a" turnirida 2 ta, Moskva "Katta Dubulg‘a" musobaqasida 3 ta oltin medal rasmiylashtirilgan edi. Parij tatamilarida Rishod Sobirov (-60 kg), Dilshod Choriyev (-90 kg) oltin, Ramziddin Saidov (-100 kg) va Abdulla Tangriyev (+100 kg) bronza medaliga sazovor bo‘lgan. Moskvada esa Mirzohid Farmonov (-66 kg), Ramziddin Saidov (-100 kg) va Abdulla Tangriyev (+100 kg) oltin, Navro‘z Jo‘raqobilov (-73 kg), Yahyo Imomov (-81 kg) kumush, Mirali Sharipov (-73 kg) bronza medali bilan taqdirlangandi.
Oradan 8 yil o‘tib, dzyudochilarimiz "Katta Dubulg‘a" turkumiga kiruvchi nufuzli musobaqada 2 ta oltin medal qo‘lga kiritishdi. Natijalarning ijobiy ko‘rinish ola boshlaganida O‘zbekiston Milliy olimpiya qo‘mitasi hamda dzyudo federasiyasi rahbariyati olib borayotgan islohotlarning salmog‘i katta bo‘lmoqda deyish mumkin.
Ertaga tonggi soat 05:15da Parij va Dyusseldorf turnirlarida zafar quchgan dzyudochilarimiz Istanbul - Toshkent avia reysi bilan yurtimizga qaytib kelishadi. Islom Karimov nomidagi Toshkent xalqaro aeroportida tantanali kutib olish marosimi tashkil etiladi.
O‘zbekiston dzyudo federasiyasi matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
