Stadion.uz “Real Madrid” yarim himoyasidagi vaziyatga qisqacha to‘xtalib o‘tadi.
Bu mavsumda Fede Valverde “qirollikk lubi”ning markazida tobora mustahkam joy olib bormoqda. Mavsum boshida Zidan Modrichni zaxirada olib qolgan holda Federikoni maydonga tushirayotgan edi. Endilikda ko‘proq Toni Kroos o‘yindan chetda qolib ketmoqda.
Bir qarashdayoq ko‘rinib turibdi-ki, Zidan o‘z o‘yin taktikasidan kelib chiqib Modrich yoki Kroosni maydonga tushirmoqda. Murabbiy pressingdan chiqib ketish talab etiladigan o‘yinlarda Modrichdan foydalanayotgan bo‘lsa, Kroos asosan pozision hujumlardagina kerak bo‘lmoqda. Qaysidir ma’noda murabbiyning tanloviga e’tirozimiz yo‘q, biroq statistika tamomila boshqacha so‘zlamoqda.
Ayni damda Kroos pressing ostida harakat qilish borasida dunyoning eng yaxshi futbolchisi sanaladi. Undan to‘pni olib qo‘yishning deyarli iloji yo‘q. Agar raqiblar Kroosni yopib tashlashsa ham u kichik imkoniyatdan foydalana oladi. E’tibor qaratgan bo‘lsangiz, Kroos doimo boshini baland ko‘tarib to‘p suradi. U to‘p oyoqlariga kelguniga qadar uni kimga uzatib berishni yaxshi biladi. Shu sababli, u ijrosidagi paslarning 70 foizi to‘pga birinchi teginishidayoq amalga oshadi. Masalan, “Saragosa”ga qarshi uchrashuvda nemis futbolchisi 99 ta pasni to‘pni to‘xtatib olmay turib amalga oshirdi. Mana buni master klass desa bo‘ladi! Shuningdek, uning raqib pressingini buzib yuborish uchun driblingdan unumli foydalanishini ham alohida qayd etib o‘tish joiz. Shu sababli, uning shaxsiy ko‘rsatkichlari (ECHL musobaqasida) Modrichnikidan ancha yaxshiroq.
Keling, “Saragosa” bilan o‘yinni bir chetga surib qo‘yamizda, “PSJ”ga qarshi kechga javob uchrashuvini yodga olamiz. O‘sha uchrashuvda Parij klubi ushbu mavsumdagi eng kuchli pressinglarini namoyish qilgan bo‘lsada, Kross markazda bir o‘zi hokimlik o‘tkaza oladi. Statistik ma’lumotlarga qaraganda, o‘sha kuni Kroos faqat Keylor Navasdangina yomonroq o‘yin o‘tkazgan xolos. To‘g‘ri, Kroos jamoaviy pressingda tezligi yaxshi bo‘lmagani uchun faol ishtirok eta olmaydi, biroq Zidan Federiko Valverdeni maydonga tushirish orqali bu muammoni bartaraf etishi mumkinku!
Ayni damda o‘yinni boshqarish borasida hech kim Tonining “oldiga tusha olmaydi”. Bu fakt va buni hatto “Barselona” muxlislari ham yaxshi bilishadi. Toni hujum boshlash arafasida himoyachilar oldidan joy oladi, kerakli pallada so‘nggi zarbani ijro etadi(bu mavsumda nemis 5 ta gol kiritishga muvaffaq bo‘lgani bejiz emas) va eng muhimi u hujumni rivojlantirishda benazir futbolchi.
“Manchester Siti”ga qarshi uchrashuvidagi Zidanning tanloviga qaytamiz. Murabbiyni Modrichni tanlagani uchun tanqid qilish noto‘g‘ri albatta, biroq Luka 75 daqiqa davomida to‘p nazoratidan boshqa hech qanday effekt bergani yo‘q. O‘tkazib yuborilgan ikkita goldan so‘ng, murabbiy maydon markazidagi ikkita futbolchini vinger va hujumchiga almashtirdi hamdamarkaz yana bo‘sh o‘yin ko‘rsatishni boshladi.
Shu joyda o‘rinli savol tug‘iladi. Nega Kroos maydonga tushmadi? Standartlarni xavfli amalga oshiradigan, markazdagi to‘pni hujumga osonlik bilan ko‘chiradigan va yaxshi zarba ega Kroos nega maydonga tushmadi? Ikkinchi bo‘limda “Real Madrid” safida birorta pleymeyker qolmaganiga ahamiyat berdingizmi? Qanday qilib maydonda pleymeykersiz uchta hujumchi bilan harakat qilish mumkin. Ularni to‘p bilan ta’minlab turuvchi futbolchi bo‘lmasa, hujumchilar o‘yindan tushib qolishlari aniq ediku!
Vaziyat tobora keskinlashayotganini darrov anglagan bo‘lsangiz kerak. So‘nggi paytlarda Kroos juda kam o‘yinlarda maydonga tushmoqda. Uni ko‘proq zaxira o‘rindig‘ida ko‘rayotganimiz bor haqiqat. Ko‘pchilik Toni “el-klasiko” uchun saqlab qolindi deyishi mumkin, biroq “Siti”ga qarshi uchrashuvdan so‘ng tiklanish uchun yetarli vaqt mavjud edi. Shundoq ham Kroos jismonan bir haftada ikkita to‘liq o‘yin o‘tkazishga qodir futbolchi. Shuningdek, “Barselona” ham “Siti” singari pressingga katta e’tibor qaratadiganlardan. Zidan uni baribir maydonga tushirmasligi aniq ediku. Uning YECHLdagi statistikasini jamoadagi boshqa yarim himoyachilarniki bilan solishtirib ko‘ring!
Kroos ushbu musobaqada Fede va Lukadan ancha foydaliroq ekanligini payqagan bo‘lsangiz kerak. O‘rtacha o‘yin davomida 2,6ta zarba,4,4taxavfli uzatma va 1,2ta foydali driblingni amalga oshirayotgan Kroos nega jamoa o‘yinidan tushib qolmoqda? Bunisini anglash mushkul.
Himoyada Kroos to‘pni olib qo‘yish borasida ajralib turibdi. Nemis har o‘yinda o‘rtacha 2,8 bor to‘p uchun kurashda g‘olib chiqmoqda. Bu uning pozisiyasidagi futbolchilar uchun ajoyib ko‘rsatkich.
Uzatmalar borasida hech narsa yozmasak ham bo‘ladi. Krooslar, uzatmalar, xavfli uzatmalar, paslar aniqligi, keskir uzatmalarbarcha-barchasida Krossning Federiko va Lukadan saviyaliroq ekanligiga dalolat bermoqda.
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
