Bugun 13 mart. Qay futbolchi uchun muhim sana, deb o‘ylaysiz? Izlaganim sari ko‘p futbolchilarni topdimu, ko‘nglimga yaqini Edgar Davids bo‘ldi. Niderlandiyalik o‘ziga xos tayanch yarim himoyachisi tashqi ko‘rinishi bilan-da yodda qolgan o‘yinchi edi. Bugun u 47 yoshga kirdi.
Davidsni bizning avlod boshqacha ehtirom bilan eslaydi. Zeedorfga qo‘shib eslaydi. Nega deysizmi? Ular bir-biriga o‘xshashgan va 1998 yilgi Chempionlar Ligasi finalida “Yuventus” vakili bo‘lgan Davidsga hakam birinchi sariq kartochkani ko‘rsatib, ketidan qizil ko‘rsatgan. Ko‘zoynakli yigit hayrat bilan boqib turganida, germaniyalik Xelmut Krug “qovun tushirganini” sezib qoladi: Biroz avval “Real” a’zosi Klarens Zeedorfni ogohlantirgan va va o‘xshash chehralarni farqlay olmagan.
Zeedorf ham Davids singari Niderlandiya terma jamoasining asosiy vakili edi. O‘xshashlik balki shundan vujudga kelgan.
Davidsni men qanday o‘yinchilar sirasiga kiritaman, aytaymi? Kaka, Shevchenko, Torres va Neymar singari futbolchilarga. “O‘ziga mos jamoasini almashtirib, buning evazini qimmat taqdir bilan to‘lagan” futbolchilar, bildingiz, a?!
Jahon futbolida “Pitbul”, “Piranya”, “Vahshiy” va “Buldog” nomlari bilan mashhur siymo avlodi Surinamga borib taqaladi. Niderlandiyaning quturgan tarkibida uning millatdoshlari ko‘p bo‘lgan, shuning oqibatida gollandlarning o‘yinida yevropaliklarning ruhiyati+ afrikancha shiddat yaqqol ufurib turgan.
Tabiiyki, Davidsning futbol maktabi – “Ayaks”. YECHl g‘olibi bo‘lgan davrlarida aynan shu yigit markazni gullatgan. So‘ng Italiyaga yo‘l. “Milan”da ikki yil o‘ynab, “Yuventus”ga o‘tgan va turinliklar safida eng nurli davrlarini o‘tkazgan. Davids “zebralar”ga shu qadar mos ediki, uning keyingi bekatlari – “Barselona”, “Inter” va “Tottenhem” jamoalari iste’dodli futbolchining umrini behudaga ketkazdi, xolos.
O‘zining aytishicha, yoshligida hujumchi bo‘lishni orzu qilgan. Ammo umrbod tayanch zonasida to‘p surdi. 2001 – 2002 yillari nandrolon iste’mol qilgani uchun futboldan chetlatilgan. FIFA tomonidan rasman ko‘zoynakda o‘ynashi ruxsat berilgan yagona futbolchi.
Uning o‘yinlarini bizning avlod sog‘inadi. Sababi, Davids orqali surinamcha o‘ynaydigan niderlandlarni eslaymiz, boshqa takrorlanmagan “uchar gollandlar”ni xotirlaymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
