Gollandiyaning “Ayaks” klubi shonli tarixga ega. Bu jamoada kimlar to‘p surmadi deysiz?! Bugun e’tiboringizga “Ayaks” klubi sharafini himoya qilgan barcha zamonlardagi eng kuchli futbolchilardan tashkil topgan ramziy jamoani taqdim etamiz.
Edvin van der Sar
1990-yilda “Rotterdam”ning “Sparta” klubi safida professional futbolga ilk qadamlarini qo‘ygan darvozabon ko‘p o‘tmay Lui Van Gal tomonidan “Ayaks”ga olib kelinadi. Qahramonimiz Amsterdam klubida 9 yil harakat qildi va jamoasi uchn 14ta sovrin yutib berdi. Uning Chempionlar ligasidagi g‘alabasi klub muxlislari tomonidan haligacha e’zozlanadi.
Vim Syurbir
Hujumkor himoyachi “Ayaks”ning 70-yillardagi eng kuchli qurollaridan biri bo‘lgani bugungi avlod muxlislariga noma’lum. “Ayaks” uchun o‘zining 14 yilini bag‘ishlagan himoyachi 24ta sovrinni boshi uzra ko‘tarishga muvaffaq bo‘ldi. Bundan tashqari, uning hisobida JCHlardagi ikkita kumush medalham bor. Shuningdek, u klub tarixida 500tadan ko‘proq uchrashuv o‘tkazgan ikki futbolchidan biri sanaladi.
Dani Blind
Blindlarning kattasi ham “Sparta” safida katta futbolga kirib kelgan bo‘lsada, unga mashhurlikni Amsterdamjamoasi taqdim etdi. 14 yil davomida “Ayaks” libosida harakat qilgan himoyachi 13 mavsum davomida asosiy tarkibda harakat qildi. 1994/95 yilgi mavsumlarda jamoa sardori etib saylangan futbolchi qo‘lga kiritish mumkin bo‘lgan barcha sovrinlarga ega chiqdi.
Frank De Bur
De Bur ham o‘zining omadli karyerasi uchun Lui Van Galdan minnatdor bo‘lishi shart. Aynan shu murabbiy unga va uning egizak akasiga yetarlicha imkon taqdim etdi va ularni dunyo darajasidagi yulduzlarga aylantirdi. 18 yoshida “Ayaks” libosini kiygan Frank 10 yil jamoa sharafini himoya qildi va “Barselona”ga transfer qilindi.
Rud Krol
90-yillardan 70-yillarga qaytamiz. Bundan 50 yil ilgari “Ayaks”ning qanday qudratli klub ekanligini so‘z bilan ta’riflash mushkul. O‘sha qudratli jamoaning asosiy qurli esa Rud Klol bo‘lgan desak, adashmagan bo‘lamiz. 12ta mavsum va 43ta sovrin. Rud klub muxlislari tomonidan jamoa tarixidagi eng yaxshi futbolchilar ro‘yxatida 5-o‘rinda turadi!
Frank Raykard
Raykard «Ayaks»ning Chempionlar ligasi finalidagi “Milan”ustidan qozonilgan g‘alabasiga ulkan hissaqo‘shgani bilan barchaning yodida qolgan. Jismonan baquvvat futbolchi nafaqat “Ayaks”ning, balki “Milan” klubining “tiffozi”lari tomonidan ham o‘z davrining eng yaxshi futbolchisi deb e’tirof etilgan.
Yoxan Neskis
Neskis nafaqat “Ayaks”ning, balki butun Gollandiya futboli tarixidagi eng yaxshi futbolchilardan biri sanaladi. Aynan u total futbolning keng targ‘ib qilishda faol bo‘lganlardan biri sifatida tarixda qolgan. U “Barselona”ga o‘tishdan avval atigi 4 mavsumgina “Ayaks” safida harakat qilgan. Shunga qaramay, bu Yoanga ramziy jamoadan joy olishga to‘sqinlik qilmadi.
Yoxan Kroyf
Futbol tarixidagi eng kuchli futbolchilardan biri. U “Ayaks” safida 8 ta chempionlikni qo‘lga kiritibgina qolmay, 3 ta Yevropa chempionlar kubogida zafar quchadi. O‘zining sarguzashtlarga boy karyerasidan so‘ng, Kroyf yana Amsterdamga qaytgani tahsinga sazovor!
Shak Svart
“Janob Ayaks” laqabli futbolchi o‘z laqabiga to‘liq mos keladi. Gollandiya klubi safida 17 mavsumni o‘tkazgan futbolchi 1956-1973-yillar oralig‘ida qo‘lga kiritish mumkin bo‘lgan barcha sovrinlarni yutishga muvaffaq bo‘ldi. Bundan tashqari, u “Ayaks” libosida eng ko‘p uchrashuv (603) o‘tkazgan futbolchi sanaladi. Jamoa to‘puararlari poygasida esa Renen va Kroyfdan keyingi o‘rinni 228 ta gol bilan nishonlab turibdi.
Pit van Renen
Pit “Ayaks” safida ikkinchi jahon urushiga qadar harakat qilgan. 13 yil davomida “Ayaks”ning hujum chizig‘idagi eng muhim figura bo‘lib keldi. 237 ta uchrashuvda 273 ta gol kiritgan golland klub tarixidagi eng yaxshi to‘purar sanaladi. U bu borada afsonaviy Yoxan Kroyfni ham ortda qoldirgani e’tiborga molik!
Marko van Basten
Marko juda qisqa, biroq yorqin faoliyat olib bordi. “Ayaks” va “Milan” safidagi harakatlari bilan “Oltin to‘p” jamg‘arish borasida yetakchilardan biriga aylanib olgan hujumchi haqida soatlab so‘zlash mumkin. U “Ayaks” safida o‘tkazgan 4ta mavsumida ham Gollandiya to‘purariga aylandi. 112 ta uchrashuv 118 ta gol! Shunchaki “daxshatli” statistika!
Rinus Mixels
Uni bejizga “Zamonaviy “Ayaks”ning otasi” deb atashmaydi. 70-yillarda o‘z jamoasi bilan butun dunyoni “titratgan” murabbiy nafaqat erishgan yutuqlari bilan, balki o‘zidan qoldirgan g‘oyalari bilan ham “Ayaks” uchun juda muhim. Aynan uning o‘yin falsafasi butun dunyoga to‘p bilan munosabatda bo‘lish borasida yangi olamni kashf etishda ko‘mak berdi. Uning g‘oyalari shu qadar haqiqatga yaqin edi-ki, katta ehtimol bilan yana kamida 50 yil kuchda bo‘lishga qodir!
.jpg)
Жалолиддин Қобилжонов
Ҳасанали ота
Яҳёхўжа Улуғхўжаев
Холис таҳлилчи блоги
Фурқат Қурбонов
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
