6 may kuni Mateo Kovachech, Dani Alvesh kabi iqtidorlar tavallud kunini nishonlashadi. Biz boshqa yulduzga – Dris Mertensga e’tibor qaratmoqchimiz.
A seriyani ikki yildan beri titratayotgan hujumchi Sarri davrida fenomenal o‘yinlar ko‘rsatdi. Sarri u haqda yaxshi fikr bildirgan: "Drisni maydonga tushirayotganda, taktikani o‘zgartirish shart emas. Uning tushishini o‘zi o‘yinning o‘zgarishidir. Raqib taktikasidan ham asar qolmaydi”.
Rostanam Mertens Napolidagi o‘yinlarida asosiy tarkibda tushsa, almashtirilsa, neapolliklar sustlashishadi, zaxiradan tushganida, o‘yinni kuchaytiradi. Doim.
Hozirgi murabbiy haqida sal boshqacharoq fikrda: "Oxirgi payt biz boshqacha o‘ynayapmiz. Negadir menga nuqul ikkinchi qavatdan to‘p uzatilyapti. Meni Piter Krauch deb o‘ylashayotgan bo‘lsa kerak, deb yuboraman goho. Yangi “Napoli”ga kirishish mening bo‘yimdagi hujumchiga osonmas”.
Iqtibosini eshitdingiz. Aslida shu holida ham Mertens yakkakurashlarda baquvvat raqiblaridan ko‘ra yaxshiroq ko‘rsatkichda. Bittaga bitta istalgan himoyachini alday oladi. "Liverpul" klubining ajoyib vakillari guvohlik berishadi. 31 yoshli forvardning zarbalari ham xavfli.
Diyego Armando Maradona hozirgi “Napoli”dan faqat Drisni o‘zining afsonaviy "Napoli"sida o‘ynay olardi, deb aytgan. Bu gapi uchun Mertens argentinalik yulduzga libosini sovg‘a qilgan.
Mertensning yaxshi xususiyati yangi taktikaga kirishuvchanligi. Belgiya terma jamoasida ham gullashi taxmin qilinmoqda.
YANA...
Shu kuni o‘tgan 2009 yilning chempionlar ligasi yarim finali "Chelsi" – "Barselona" o‘yinini eslaysizmi? Ha, o‘sha o‘yin. Hakam Evrebening xatosiga limmo lim toshgan yarim final va so‘nggi soniyalarda Inyestaning supergoli. O‘sha uchrashuvga ham o‘n bir yil bo‘lib qo‘yibdi. Haligacha tortishuvlarga sabab bo‘ladigan o‘yin. O‘sha uchrashuv menga nimasi bilan qiziq, aytaymi? Agar xato deyilsa xatosi bilan.
"Chelsi" ajoyib klub edi, gap yo‘q, ammo o‘yin tomonlama o‘sha payt Barselona benazir edi. Bu jamoaning finalga chiqmasligi futbol e’tibori bilan adolatdan bo‘lmasdi. Mabodo deylik, o‘sha kuni Chelsi yengganida, London klubi qatorasiga ikkinchi marta finalga chiqayotgan va yana MYU bilan o‘ynardi. Yengdi, yengmadi, futbol uchun katta voqelik emasdi. Ammo Barsa o‘sha lahzalarda yenga olmasa va finalga chiqmasa, Pep ketkazilishi, balki uslub o‘zgarishi mumkin edi.
Bilasizmi, keyin nima bo‘lardi? Bilmadim, bilmadim. Shuning uchun ham o‘sha o‘yinni ko‘pgina muxlislar hakamning xatosi bilan eslashadikuya, men yangi uslub bilan kirib kelayotgan dahoning chaqaloqligida bo‘g‘ib o‘ldirilishi sodir bo‘lmaganidan xursand bo‘laman. Uni o‘stira oldi futbol. Yangi era taqdim eta oldi. Hakamning xatosi deysizmi? O‘sha kuni aslida Evrebe u tomonga ham, bu tomonga ham ko‘plab xatolarga yo‘l qo‘ygan edi. Atay Barsaga yon bosgan degan fikrdan uzoqman. Mana shu detallarni chetga surib, faqat o‘yin tomonlama qaraganimizda kataloniyaliklar 2009 yili barchadan kuchli edilar. Barchadan. Barchadan kuchli jamoaga omad ham yordam berib yuborishi oddiy hodisa.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
