9 iyun kuni bo‘lib o‘tgan “Navbahor” – “Turon” (1:0) jamoalari o‘rtasidagi o‘rtoqlik uchrashuvidan keyin “Navbahor” bosh murabbiyi Andrey Kanchelskis o‘yin borasida o‘z fikrlarini bildirib o‘tdi.
- O‘zinglar ko‘rdinglar, ushbu o‘yinda har ikki jamoada ishtiyoq kuchli bo‘ldi. Mazkur bahsda asosiy tarkibning 3-4 nafar futbolchisi maydonga tushdi, xolos. Boisi, biz yoshlarga imkoniyat berishga harakat qildik.
Ular mana shunday uchrashuvlarda tajovuzkor o‘yin ko‘rsatishlari, o‘zlari emas, jamoa uchun o‘ynashlari lozim.
To‘g‘ri, 1:0 hisobida g‘alaba qozondik. Ammo jamoa o‘yinida muammolar borligi bilindi.
Yosh futbolchilarning ko‘pchiligida ishtiyoq kuchli. Lekin ulardan ayrimlari buni maydonda to‘liq namoyish eta olishdi, ba’zilari esa yo‘q.Ayrim yigitlar asosiy tarkibdan o‘rin olish uchun o‘zlarining nimalarga qodirliklarini namoyish eta olishlari shart. Balki, ulardan ayrimlari futbolchilikni boshqa kasbga almashtirishlari kerakdir?
Mayli, bu borada chuqur ketmay, o‘sha futbolchilarning ism-shariflarini keltirmayman. Biroq ushbu o‘yin ular va biz uchun saboq bo‘lganligini ta’kidlashim lozim.
Albatta, futbolchilar ko‘p vaqt davomida maydonga tushishmagan, o‘yin amaliyoti va o‘zaro o‘yin uyg‘unligi yo‘qligi ham mazkur bahsga o‘z ta’sirini o‘tkazdi.
Ammo ayniqsa, yoshlar mashg‘ulotlarda astoydil ter to‘kib, o‘zlarining nimalarga qodirliklarini shunday nazorat-sinov o‘yinlarida namoyish etishlari shart.
Ushbu bahsda esa tajribali futbolchilarni zaxira o‘rindig‘iga olganimizdan so‘ng, to‘p nazoratida muammolar paydo bo‘lishni boshladi.
Aksincha, mehmonlar to‘pni ko‘proq nazorat qila boshlashdi. Vaholanki, biz raqibga bunday imkoniyat bermasligimiz lozim edi.
Ta’kidlayman, mazkur uchrashuvda maydonda asosan ikkinchi tarkib futbolchilari harakat qilishdi, chunki asosiy tarkib a’zolari 3 kun oldin Qo‘qonda maydonga tushishgandi.
Nima bo‘lgandayam, ushbu o‘yinda zafar quchdik hamda bu ijobiy holat.
Har qanday g‘alaba kishiga ijobiy kayfiyat bag‘ishlaydi. Boisi, o‘yin unutiladi, natija esa tarixda qoladi. Shuning uchun ushbu yutuq yigitlarning kayfiyatini ko‘targanligi aniq va Qarshiga ko‘tarinki kayfiyatda yo‘l olamiz.
Har bir jamoa, jumladan, “Navbahor”da ham g‘alaba ruhi doimo bo‘lishi shart.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
