Uzoq tanaffusdan so‘ng ishqibozlar intiqib kutgan futbol mavsumi "restart" oldi. Dam olish kunlari va dushanba kuni o‘tgan O‘zbekiston Superligasi 4-tur bahslari ancha shiddatli, kutilmagan va qiziqarli voqealarga boy o‘tdi.
14 iyunda “Milliy“ stadionda mehmon bo‘lgan "Qo‘qon-1912" butunlay ikkinchi raqamli jamoa bo‘lib namoyish etgan, o‘ta ehtiyotkor futboli evaziga "Bunyodkor"ga imkoniyatini boy berdi 1:0.
Navoiyda kechgan, "Qizilqum" va "AGMK" jamoalari o‘rtasidagi uchrashuvda, Erkin Baydullayev, Mate Vatsadzelar qatorida sobiq jamoasiga qarshi maydonga tushgan Elguja Grigalashvilining yagona goli Olmaliqliklarga kichik g‘alabani keltirdi 0:1.
Dam olish kunida esa kutilmaganda, chempionat yetakchisi, Shota Alveradzi qo‘l ostidagi jamoa, Jizzaxda mag‘lubiyatga uchradi. Belgilangan penaltidan foydalana olmagan Shohruz Norxonov, o‘yindan gol kiritib, o‘z jamoasiga 21 yil deganda o‘zaro o‘yinlardagi g‘alabani keltirdi. "So‘g‘diyona" va "Paxtakor" 1:0.
O‘sha kuni, Qarshidagi bahs ham kutilganidek turning markaziy uchrashuvi maqomida o‘tdi. Bir emas, ikki marta 11 metrdan darvozaga kirmagan to‘p. Ammo, 4 ta gol. "Nasaf" va "Navbahor" 2:2. Yakunda, jangovor durang.
Dushanbada muxlislar tur doirasidagi 3 ta o‘yinga guvoh bo‘lishdi. Dastavval, Termizda, Bahrom Haydarov jamoasi "Mash’al"ga qarshi durang qayd etdi 2:2. Shu tariqa "Surxon"ning Muborakliklarga qarshi Termizdagi mag‘lubiyatsiz o‘yinlari ko‘rsatgichi saqlanib qoldi.
"Buxoro" va "Andijon" jamoalari o‘rtasidagi o‘yin, ma’lum sabablarga ko‘ra Muborakdagi o‘yingohda bo‘lib o‘tdi. Norxonov, Eshmurodov, Turg‘unboyelardan farqli ravishda Jamshid Hasanov belgilangan ikkala penaltni ham golga aylantirdi. Mezbon sifatida harakat qilgan Buxoroliklar esa irodali o‘yin namoyish etib, so‘nggi daqiqalarda mag‘lubiyatdan qutulib qolishdi. Umumiy hisob 2:2.
Poytaxtda mehmon bo‘lgan Andrey Shipilov shogirdlari "temiryo‘lchilar" darvozasiga javobsiz 3 ta to‘p yo‘llab, raqibga hech qanday imkoniyat qoldirishmadi. Ignati Nesterov darvozasiga Shahzod Ubaydullayev tomonidan kiritilgan gol esa nafaqat o‘yin balki, tur bezagiga aylandi. Yakunda, "Lokomotiv" va "Metallurg" 0:3.
Dadajon Foziljonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
