Bugun AGMK Superliga doirasidagi navbatdagi bahsni «Mash’al»ga qarshi o‘tkazadi.
"Mash’al" haqida gapiradigan bo‘lsak, raqib o‘yinni asosan himoyadan qurib, qarshi hujumga tayanadigan o‘yin uslubini joriy qiladi. Mudofaa chizig‘i nisbatan barqarorligi tufayli muborakliklar eng kam gol o‘tkazish borasida to‘rtta gol o‘tkazgan holda to‘rtinchi jamoa bo‘lib turibdi.
"Mash’al" 5 o‘yinda jami 6 gol urgan. Dastlab "So‘g‘diyona"ni 3 ta gol bilan siylagan muborakliklar "Qizilqum"ga bitta gol urgan va Termizda "Surxon" darvozasi 2 marotaba ishg‘ol etilgandi. Gollarga Meliyev (2), Pavlenko (2), Normurodov va Abdusalomov mualliflik qilishgan.
Mirjalol Qosimov boshchiligidagi AGMK hozircha mag‘lubiyatsiz seriyani "Nasaf" bilan birgalikda davom ettirmoqda.
AGMK mavsumni uyda "Metallurg" (1:1) bilan durang qayd etgan holda boshladi. Keyinchalik Jizzaxda "So‘g‘diyona"ga (1:1) qarshi bahsda yana g‘olib aniqlanmadi. Olmaliqda o‘tgan "Bunyodkor" (2:0) bilan bo‘lgan to‘qnashuvda jamoamiz ishonchli g‘alabani tantana qildi. So‘ngra Navoiyda "Qizilqum" (1:0) ustidan g‘alaba qozonildi va o‘tgan tur jamoamiz "Surxon"dan ustun keldi. Jamoamiz chempionatda eng kam gol (-2) o‘tkazib yuborgan jamoa.
AGMKning kiritgan gollariga Mate Vatsadze, Igor Zonich, Murodjon Toshmatov, Hojimat Erkinov, Elguja Grigalashvili va Arslonmirat Amanov mualliflik qilishgan.
AGMK - "Mash’al" jamoalarining o‘zaro uchrashuvi tarixiga nazar tashlasak, bunga qadar barcha musobaqalarda jami 20 o‘yin o‘tkazilgan. Bu borada ustunlik muborakliklak tarafida. AGMK 7 g‘alaba, "Mash’al" 9 yutuqqa erishgan. Qolgan 4 uchrashuv durang bilan tugagan. To‘plar nisbati: 21-23.
Ushbu jamoalar Olmaliqda jami 11 o‘yin o‘tkazishgan. Uydagi o‘yinlarimizda AGMK 7 g‘alaba, 2 durang va 2 mag‘lubiyat qayd etgan.
Bugungi o‘yin bosh hakami etib iqtidorli referi Asker Najafaliyev tayinlandi. Mazkur tayinlov Asker Najafaliyev uchun AGMK ishtirokidagi to‘rtinchi bahsga aylanadi. Bunga qadar Olmaliqqa o‘tgan mavsum uch marotaba tashrif buyurgan Najafaliyev jamoamizning “So‘g‘diyona” (0:1), “Nasaf” (2:1) bilan bo‘lgan o‘yin hamda “Qizilqum”ga (4:1) qarshi uchrashuvlarida ishlagandi.
Qatorasiga uchta durang o‘ynagan «Mash’al» ketma-ket 3 g‘alabani tantana qilgan AGMK mehmoni bo‘ladi. Bugungi ehtimoliy g‘alaba jamoamizni turnir jadvalida 2-o‘ringa olib chiqadi.
Superliga, 6-tur.
27 iyun, shanba.
AGMK – MASH’AL (19:00)
Hakamlar: Asker Najafaliyev, Sultonmurod Ulfatov, Sardor Nishonboyev, To‘rabek Suyunov
Nazoratchi: Andrey Tambovsev
Komissar: Ramil Ilyasov.
Translyasiya: «Mahalla».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
