Ushbu ruknimizdagi eng so‘nggi yangiliklar bilan tanishtirishda davom etamiz.
Nikolas APLda?!
Gollandiyaning “Ayaks” jamoasi qanot himoyachisi Nikolas Talyafiko yozda Angliyaga ko‘chib o‘tishi mumkin.
Buhaqida Metro nashrima’lumqilmoqda. Manba tarqatgan axborotga ko‘ra, argentinalik futbolchi bilan “Lester” jamoasi jiddiy qiziqib qolgan.
Eslatib o‘tamiz, 27 yoshli futbolchi ushbu mavsumda 35 ta o‘yinda maydonga tushdi va 5 ta gol kiritishga muvaffaq bo‘ldi.
PSJ uni ilib ketmoqchi
Parijning PSJ jamoasi “Tottenhem” klubi yarim himoyachisi Tangay Ndombele bilan shartnoma imzolashi mumkin.
Afsuski, ayni damda fransuzlar Ndombele uchun “shporlar” talab qilayotgan 60 million funt sterlingni to‘lasha qodir emas. Shu sababli, klub yarim himoyachini sotib olish sharti bilan ijaraga olishni reja qilmoqda.
Eslatib o‘tamiz, Ndombele bir nechta Italiya grandlari e’tibor markazida turibdi.
Xartdan o‘zagacha yurish
Angliyaning “Manchester Siti” jamoasi sobiq darvozaboni Jo Xart faoliyatini Shotlandiyada davom etishini istamoqda.
Ingliz nashrlarining ma’lum qilishicha, kipper Glazgoning “Seltik” jamoasi bilan shartnoma imzolashga yaqin turibdi.
Eslatib o‘tamiz, Jo bir necha kundan so‘ng, erkin agent maqomida istagan jamoasi bilan shartnoma tuzishga huquqiga ega bo‘ladi.
Tevez ortga qaytishi mumkin
Argentina nashrlarining ma’lum qilishicha, “Boka Xuniors” jamoasi hujumchisi Karlos Tevez kelasi mavsumda yana APLda ko‘rinish berishi mumkin.
Hujumchi ayni damda “Vest Hem” klubidan kelib tushgan taklif borasida bosh qotirmoqda. Ma’lumotlarga qaraganda, “bolg‘achilar” Tevezga yarim yillik shartnoma taklif etgan.
Hozir futbolchining maoshi borasida muzokaralar olib borilmoqda.
Milik trendda!
Neapol shahrining “Napoli” klubi hujumchisi Arkadiush Milik o‘z faoliyatini APLda davom ettiradigan ko‘rinadi.
“Tuttomercao”ning ma’lum qilishicha. Hujumchi “Manchester Yunayted” va “Tottenhem” jamoalari radariga tushib qolgan.
Transfermarket portali polyakni 32 million yevroga baholagan bo‘lsada, “Napoli” uni 40 milliondan kamiga qo‘yib yubormoqchi emas.
“Liverpul” kelajakni ko‘zlamoqda
Angliyaning “Liverpul” klubi “Xoffenxaym” jamoasining yosh va iqtidorli yarim himoyachisi – Melkam Frayendorfni sotib olmoqchi.
“Kicker” nashrining ma’lum qilishicha, “Liverpul” jamoasi skautlari bir necha bor 16 yoshli o‘pirinning o‘yini tomosha qilish maqsadida Germaniyaga tashrif buyurgan. Melkamning yozda nemis klubi bilan tuzgan shartnomasi o‘z yakuniga yetadi. Shu sababli, “mersisaydliklar” uni qo‘lga kiritish ilinjida harakatni boshlab yuborishgan.
Eslatib o‘tamiz, ayni damda “Liverpul” jamoasida katta transferlar uchun mablag‘ yo‘qligi bois, klub iqtidorli futbolchilarni jalb etishga urg‘u bermoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
