Aslida ayni damga kelib allaqachon YECHL musobaqasi yakun topgan, Yevropa chempionati ajv pallasiga kirgan bo‘lishi lozim edi. Ushbu musobaqalar katta ehtimol bilan “oltin to‘p”ning taqdirini hal etishi lozim bo‘lgan bir vaqtda pandemiya barchasini barbod qildi. Yuzaga kelgan muammo sababli yevrokuboklar kichik turnir rejimida yakunlanadigan ko‘rinadi. Yevropa chempionatining kelasi yilga qoldirilishisababli, ushbu kichik turnir g‘olibi “oltin to‘p” uchun asosiy da’vogar bo‘lishi mumkin. Shunday ekan, Stadion.uznufuzli sovrin uchun asosiy da’vogar bo‘lib turgan futolbolchilar beshligini taqdim etadi.
LionelMessi (“Barselona”)
Leoni hech qachon yoddan chiqarmaslik lozim! U har qanday holatda ham “oltin to‘p” uchun asosiy da’vogar bo‘lib qolaveradi. Uning yer yuzida millionlab muxlislari mavjud. Aynan shu muxlislarning bosimi vaziyatni argentinalik futbolchining foydasiga hal etishi hech gap emas. O‘tgan mavsumda Leo YECHLda zafar quchmasada, Kopa Amerika musobaqasida omadsizlikka uchrasada oltinchi bor sovrinni qo‘lga kiritgani yodingizda ko‘tarilmadimi? Vaholanki, Virjil Van Deyk o‘sha yili Leoni maydonda mag‘lub etgan edi. Bu omil Messini so‘rovnomada g‘olib chiqishiga to‘sqinlik qilgani yo‘q. “Barselona”ning Ispaniya chempionligi sari qadamlari tobora sekinlashib bormoqda, biroq Yevropa chempionlar ligasidagi zafarli yurishdan umid uzilgani yo‘q. Shu sababli, agar “Barselona” Primerodagi bor alamini Yevropa yashil maydonlariga to‘ksa, katta ehtimol bilan Leo 7-bor ushbu sovringa ega chiqadi.
Krishtianu Ronaldu (“Yuventus”)
Ronalduning yoshi o‘tib bormoqda, biroq bu narsa maydonda sira sezilayotgani yo‘q. Qahramonimiz yuqori darajada professionallikni yo‘qotganicha yo‘q. Kuchni to‘g‘ri taqsim qilish orqali Ronaldo mavsumni bir tempda o‘tkazishga muvaffaq bo‘lmoqda. Boz ustiga, yuzaga kelgan pauzadan Ronaldu zarar ko‘rgani yo‘q. U sport formasini yaxshi saqlab qolgan. Tan olish lozim, Ronaldu muhim uchrashuvlarda doimo o‘zini ijobiy tomondan ko‘rsata oladi. Kichik turnir shaklida o‘tkazilgan musobaqada “Yuventus” bor kuchi bilan oldinga intilsa, KriRo “oltin to‘p”lar borasida Messi bilan tenglashib olishi hech gap emas.
Shunga qaramay, “Yuventus” avvaliga “Lion” to‘sig‘idan o‘tib olishi lozim. E’tiborli shundaki, “Lion” jamoasi milliy chempionat to‘xtatilgani bois, allaqachon sport formasini to‘liq boy berib bo‘lgan. Jamoa ichki muhiti ham havas qilarli darajada emas. Umuman olganda, “Yuventus” Lissabonga ko‘chib o‘tishi uchun “Lion” ortiqcha qarshilik ko‘rsata olmasa kerak. Agar Turin superklubi kichik musobaqa ishtirokchisiga aylansa, Ronaldu o‘zi uchun qadrdon maydonda “oltin to‘p” va YECHL oltin medali uchun chinakam kurash olib boradi. Tug‘ma jangchi bo‘lgani bois, Krish istalgan og‘ir uchrashuvni ham bir o‘zi hal etishi hech gap emas. Portugaliyalik futbolchi yangi yildan so‘ng, 18 ta o‘yinda ishtirok etdi va 18 bor raqib darvozalarini ishg‘ol qildi. Bundan ko‘rinib turibdiki, Krish o‘zining optimal formasiga kirib bo‘ldi. Messi bilan o‘rtadagi hisob-kitobni tenglashtirish uchun “Yuventus” YECHLda “Barselona”dan uzoqroq borishi ham kifoya qilishi mumkin. Barchasini vaqt ko‘rsatadi.
Kevin De Bryuyne (“Manchester Siti”)
Yurgen Klopp “Yuventus” va “Barselona”ning YECHLdagi imkoniyatlarini “Manchester Siti” va “Bavariya”nikidan ancha past hisoblashini yashirib o‘tirmayapti. Darhaqiqat, Setyen va Sarrining jamoalarida ichki muhit havas qilib bo‘lmaydigan ahvolda. Bundan tashqari, bu murabbiylarda YECHL borasida hech qanday tajriba mavjud emas. Setyen murabbiylik faoliyati davomida bu musobaqada ishtirok ham etmagan.
Bejizga “Manchester Siti” jamoasi alohida qayd etilmayapti. “Siti” APL poygasida ikkinchi bo‘lgach, bor kuch va motivasiyani Yevropani zabt etishga qaratishi turgan gap. Gvardiola o‘z shogirdlariga o‘z uslubini mukammal bir alpozda singdirib bo‘ldi. Endi ular o‘rganganlarini amalda namoyish etishsa, bo‘lgani.
Ajoyib yarim himoyachi, hujum boshlovchi, kreativ ijodkor va so‘nggi paslar ustasi sanalmish Kevin De Bryuyne “Siti”ning bugungi kundagi chinakam yetakchisi sanaladi. Agar Gvardiola uzoq kutilgan sovrinini boshi uzra ko‘tarsa, “oltin to‘p” uchun asosiy da’vogar belgiyalik futbolchi bo‘lishi hech gap emas. Dunyoning eng kuchli pleymeykeri “oltin to‘p”ga munosib, faqat buni amalda ko‘rsatish kerak.
Robert Levandovski
Robert shunchaki fantastik mavsum o‘tkazmoqda. 43 ta uchrashuv va 51 ta gol. Yangi yildan so‘ng, 18 ta o‘yinda 21 bor raqib darvozalarini ishg‘ol qilgan polyak o‘zining eng yaxshi mavsumini o‘tkazmoqda. Ayni damda ko‘plab ekspertlar Robertni “oltin to‘p” uchun asosiy da’vogar deb e’lon qilmoqda. Shunday bo‘lsada, Robert avgust oyida qanday formada bo‘ladi? “Bavariya” klubi-chi? Gap shundaki, tez orada Myunxen klubi ta’tilga chiqib ketadi. YECHL uchrashuvlariga qadar orada bir oy bo‘shliq paydo bo‘ladi. Aynan shu vaqt Robertning o‘yiniga ta’sir ko‘rsatmasa, polshalik futbolchi juda uzoq kutgan sovrinini o‘ziniki qilib olishi hech gap emas.
Serxio Ramos (“Real Madrid”)
Bilasizmi, bu mavsumda himoyachilardan yana biri sovringa ega chiqishi mumkin. Shunday bo‘lsada, Ramos bu ro‘yxatda autsayder bo‘lib turibdi. Barchasi so‘nggi turlarga kelib tamomila o‘zgarib ketishi mumkin. Uning “Real” bilan chempion bo‘lishi vaziyatni Ramosning foydasiga hal etishi mumkin. Ramos bu mavsumda umumiy hisobda 12 ta gol kiritgan bo‘lib, chempionlik uchun kurashda katta rol ijro etmoqda. To‘g‘ri, “Real” o‘z uyida “Manchester Siti”ga o‘yinni boy berdi, biroq Zidan qiyin vaziyatlardan chiqib ketish borasida chinakam professional. Katta ehtimol bilan Kevin va Serxiolardan biri “oltin to‘p” uchun kurashdan chiqishiga to‘g‘ri keladi. Sababi, YECHLning hal qiluvchi o‘yinlarida Kevin yoki Ramoslardan biri ishtirok etishi lozim.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
