Stadion.uz yakunlangan Angliya premyer ligasining eng yaxshi futbolchilaridan tashkil topgan ramziy jamoani e’tiboringizga havola etadi.
Darvozabon — Din Xenderson («Sheffild Yunayted»; Angliya)
Aslida bu mavsumda braziliyalik kiperlar o‘zlarini yaxshi namoyish etishdi. Alisson mavsumni ajoyib o‘tkazgan bo‘lsa, Ederson oltin qo‘lqopni o‘ziniki qildi. Biz esa, Din Xendesonni eng yaxshi deb topdik. Ikki mavsumdan beri “Sheffild”da ijara asosida harakat qilayotgan darvozabon yangi darajaga ko‘tarilishga muvaffaq bo‘ldi. Aynan uning mehnatlari evaziga bu mavsumda “Sheffild” “Tottenhem”, “Chelsi” va “Arsenal”dan kamroq gol o‘tkazib yubordi. So‘nggi ma’lumotlarga qaraganda, “qizil iblislar” allaqachon Henderson uchun yangi shartnoma ustida ish olib bormoqda.
HIMOYACHILAR
Trent Aleksander-Arnold («Liverpul»; Angliya)
Van Bissaka va Rikardo Pereyrao‘zini yaxshi ko‘rsatgan bo‘lsa-da, Trent ulardan har jabhada o‘zib ketdi. Mavsum davomida 87takeskin pasni ijro etgan Arnold 4 ta gol kiritdi. Bundan tashqari, uning hisobida 13ta assist ham mavjud. Himoyachi bo‘lishiga qaramay dispecherlik mahoratini namoyish etayotgan “Liverpul” futbolchisiga qoyil qolmaslikning iloji yo‘q.
Virjil van Deyk («Liverpul»; Gollandiya)
Gollandiyalik futbolchi atigi 3 mavsum ilgari tarkibga qo‘shib olinganiga qaramay, u siz bugungi “Liverpul”ni tasavvur qilish juda mushkul. Bu mavsumda birorta uchrashuvni o‘tkazib yubormagan Virjil APL oltin medallariga ega chiqdi va sayyoramizning eng kuchli markaziy himoyachi ekanligini yana bir bor isbotlab qo‘ydi.
Xarri Maguayr («Manchester Yunayted»; Angliya)
Virjilga tandem bo‘lishga loyiq futbolchilar yetarlicha topils-ada, biz Xarrini tanladik. Vaholanki, “Lester”dagi Cheglar va “Bernli”dagi Tarkovskiyham mavsumni ko‘tarinki kayfiyatda o‘tkazgan edi. Bundan tashqari, bu mavsumda “qizil iblislar” “Siti” va “Liverpul”dan kamroq gol o‘tkazib yubordi. Bu omil zamirida Maguayrning mehnati yotibdi.
Endryu Robertson («Liverpul»; Shotlandiya)
Bu qanotda APLda hech kim Robertson bilan tenglasha olmasligi aniq. 2017-yilda 9 million evaziga sotib olingan futbolchi bugun 80-100 million atrofida baholanmoqda. 12ta assist va 2ta gol. Qanot himoyachi uchun chinakam fantastik statistika. Sodaroq qilib aytganda, Roberson ayni damda APLdagi eng kuchli chap qanot himoyachisi.
YARIM HIMOYACHILAR
Jordan Xenderson («Liverpul»; Angliya)
Xenderson yakunlangan mavsumda APLning eng yaxshi futbolchisi deb e’tirof etildi. “Liverpul” sardori APL oltin medallari uchun oxirigacha kurash olib bordi. Aynan uning yetakchilik qobiliyati sababli “Liverpul” o‘z kuchiga bo‘lgan ishonchni yana qaytara oldi.
Kevin De Bryuyne («Manchester Siti»; Belgiya)
Kevin APLning bu mavsumdagi eng yaxshi futbolchisi bo‘ldi desak, adashmagan bo‘lamiz. 13ta gol va 20ta assist. Shunchaki, fantastika! Belgiyalik yarim himoyachi APL bahslarini bu mavsumda chinakamiga bezab berdi desak,adashmagan bo‘lamiz.
Brunu Fernandesh («Manchester Yunayted»; Portugaliya)
Portugaliyalik futbolchi Manchesterga qishda ko‘chib o‘tdi va atigi 14ta o‘yinda maydonga tushdi. Shunga qaramay, nimalarga qodir ekanligini namoyish etishga muvaffaq bo‘ldi. Uning 8ta gol va 7ta assisti “Manchester Yunayted”ning Chempionlar ligasi yo‘llanmasini qo‘lga kiritishida katta rol ijro etdi.
HUJUMCHILAR
Sadio Mane («Liverpul»; Senegal)
Mani bu mavsumda sermahsullik namoyish etmadi, biroq juda muhim uchrashuvlarda “Liverpul”ning joniga oro kirdi. Ayniqsa, YECHLdagi qoqilishdan so‘ng, Mane hujumdagi asosiy ishni o‘z zimmasiga olgani e’tiborga molik.
Muhammad Saloh («Liverpul»;Misr)
Avvalgi mavsumlardan farqli o‘laroq, Saloh sof vinger sifatida maydonda harakat qildi. Shunga qaramay, 19ta gol va 10ta assistni o‘z hisobiga yozdirib qo‘yishni uddaladi. “Liverpul”ning chinakam brend darajasiga olib chiqishda Salohning tutgan o‘rni beqiyos.
Jyeymi Vardi («Lester»; Angliya)
Vardi 33 yoshida APLning eng yaxshi to‘purariga aylandi. E’tiborlisi shundaki, Vardi bu gollarning barchasini tabiiy uslubda kiritdi va Aguero, Saloh, Abraham, Ximenes, Firmino, Jezus, Marsial singari nomdor raqiblaridan o‘zib ketdi.
MURABBIY
Aslida, mavsumni ko‘tarinki kayfiyatda o‘tkazgan Rodjers, Santush, Sulsher, Lempard, Uaylder, Daych va Bryusmaqtovga sazovor. Shunga qaramay, chempion “Liverpul” va uning ustozi APLning ayni damdagi eng kuchli murabbiyi!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
