Superliga 10-tur doirasidagi “Qo‘qon-1912” – “Paxtakor” uchrashuvidan keyingi matbuot anjumanining birinchi qismida "shunqorlar" ustozi Baxtiyor Ashurmatov ishtirok etdi.
- Gapning ochig‘i, hozirgi vaziyatimizdan kelib chiqadigan bo‘lsam yomon o‘yin namoyish etmadik, deb o‘ylayman. Bugungi bahsda “Paxtakor” tajriba bobida ustun ekanligini yaqqol namoyish etdi. Shunday bo‘lsa-da, shogirdlarim ko‘rsatgan o‘yindan ko‘nglim to‘ldi. Ular bugun yomon o‘ynashmadi. Yigitlarga minnatdorchilik bildiraman. Agar shunday davom etsak keyingi o‘yinlarda yaxshi natijaga erishamiz. Bugungi bahsda vaziyatlardan foydalana olmaganimiz pand berdi.Buni ustida mashg‘ulotlarda yana ishlaymiz. “Paxtakor” klass bobida kuchli edi.
Bugun birinchi bo‘lib raqib darvozasi oldida xavfli hujum tashkil etdik. Azimov va Norbekovlar yaxshi vaziyatga ega bo‘lishdi. Gol bo‘lgan vaziyatgacha raqib bizning darvozamiz oldida xavfli vaziyat yarata olmadi. Standart vaziyatdan kiritilgan gol raqiblarimiz g‘alabasida muhim rol o‘ynadi. Yana shuni aytishim joizki, biz bugun ikki hujumchi bilan maydonga tushdik. Aksariyat jamoalar "Paxatkor"ga qarshi bitta hujumchi bilan o‘ynashadi yoki chuqur himoyaga yotib olishadi. “Paxtakor” bilan himoyaviy o‘ynab bo‘lmasligini bilgan holda ilk daqiqalardan hujumkor o‘yin ko‘rsatishga qaror qilgandik va shunga harakat qildik.
Bugungi mag‘lubiyatda yetakchilarning yo‘qligini bahona qilish ham noo‘rindir. Yetakchilarimiz “Lokomotiv” bilan emas, qolgan o‘yinlarda maydonga tushishlari mumkin. Ularning sog‘liqlari bilan tavakkal qila olmadik. Bugun tarkibimizda jiddiy yo‘qotishlarga duch keldik. Shuning uchun yosh futbolchilarni qaydnomaga kiritgandik. Kam o‘ynagan futbolchilarimizga imkoniyat bo‘ldi. Lekin bu bahona bo‘la olmaydi. Jamoamizda 20 nafar futbolchi bor. Mag‘lubiyatga sabab yetakchilarning yo‘g‘ligi emas, balki “Paxtakor”ning klassi sabab bo‘ldi. Bugun bizga yordam bera olmagan futbolchilar safga qaytgach, tarkibimiz kuchayishiga ishonaman. Murod Xolmuhammedovning qanday o‘ringa ega ekanligini yaxshi bilasiz. Yetakchilarimiz qaytishgach, o‘yinimiz yanada kuchayishiga ishonaman.
Norbekovning kamchiligi vaziyatlardan foydalana olmayotganidir. Agar u bu kamchiliklarni bartaraf etsa, terma jamoadan ham taklif olishi mumkin. Norbekov o‘zining ustida ko‘proq ishlashi kerak. To‘g‘ri qaror qabul qilishni o‘rgansa maqsadga muvofiq bo‘lardi. Umid qilamanki, unga berilayotgan imkoniyatlarimiz uning o‘ziga bo‘lgan ishonchlarni oshishishiga sabab bo‘ladi. Shohnazar bunga qodir. “Paxtakor”ni bugungi haqli g‘alaba bilan tabriklayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
