“Andijon” – “Nasaf” o‘rtasidagi uchrashuvdan keyin mehmonlar ustozi Ro‘ziqul Berdiyev jurnalistlarning savollariga javob qaytardi.
- “Andijon”dan yaxshiroq o‘ynamagan bo‘lsak ham bugun g‘alaba qozondik. Bu esa futbolda juda muhim. Agar bugun ochko yo‘qotganimizda bunga faqat o‘zimiz sababchi bo‘lardik. Yigitlarni ushbu o‘yinga ruhiy tarafdan tayyorlash og‘ir edi. Chunki futbolchilar baribir turnir jadvaliga qarashardi. Tan olish kerak, “Andijon” bizga jiddiy qarshilik ko‘rsatdi. Jamoaning himoyada va hujumda muammolari borligini bilardik.
- Bugun negadir “Nasaf”ning o‘yini qovushmadi...
- Gapimning boshida bejiz aytmadim: “Andijon”da yaxshi o‘ynamadik, lekin uch ochkoga ega bo‘ldik. Hozir yechinish xonasida futbolchilarga bu oxirgi yomon o‘yinimiz bo‘lishi kerakligini talab qildim. “Nasaf” aslo bunday yomon o‘yin ko‘rsatmagandi. Albatta, bunga raqibimiz ham imkoniyat bermadi. Qolaversa, maydonning holati ham yaxshi emasdi va ikkala jamoaga ham ta’sir ko‘rsatdi.
- Uchrashuvdan avval “Andijon”dan qanday o‘yin kutgandingiz?
- Ularning yo‘qotadigan hech narsasi yo‘q. Bilamizki, “Andijon” har bir uchrashuvda natija uchun o‘ynayapti. Ularga chiroyli yoki mazmunli o‘yin kerak emas, muhimi natija ko‘rsatishni istashyapti. Shu bois raqib jamoa mahorati yetganicha bor kuchi bilan kurashishini bilardik.
- O‘yin oxirlarida yana bir markaziy himoyachini tushirdingiz. Bundan asosiy maqsad nima edi?
- “Andijon” ko‘pchilik bo‘lib hujumga berilishni boshlagandi. Hattoki, to‘rtta hujumchi bilan ham o‘ynashdi. Shuning uchun uchinchi markaziy himoyachini tushirdik. Biz bu taktika bo‘yicha ko‘p o‘yinlarni o‘tkazamiz. Hisobni saqlab qolishimiz muhim edi.
- Dilshod Rahmatullayev raqobatda yutqazib qo‘ygani uchun zaxirada o‘tiribdimi?
- Yo‘q. Dilshod yetakchilarimizdan biri. Davralar oralig‘ida yoki tanaffus paytlarida mashg‘ulotlarda kam qatnashdi. Sport formasini tiklashi qiyin bo‘ldi. Ammo Rahmatullayevga ishonamiz, shu bois jamoamizga taklif qilganmiz.
- “Nasaf” yana oldingi mavqeiga qayta oladimi?
- 2017 yilning oxirlarida “Paxtakor”ni 4:0 hisobida yutganimizdan keyin shu jamoani saqlab qolishni va chempionlik uchun kurasha olishimizni rahbariyatga ta’kidlagandik. Afsuski, bunday bo‘lmadi. Moliyaviy tomondan muammolar bo‘lgach, boshqa yo‘ldan borishga qaror qildik. Hozir o‘sha o‘yinchilarimiz qayerda o‘ynashayotganini bilasizlar.
- Vaziyatga real qarasak, “Andijon”ning Superligada qolish imkoniyatini qanday baholaysiz?
- Juda og‘ir bo‘ladi. Eshitdik, yangi homiylar topilibdi. Yangi murabbiy keldi. Ammo murabbiy ham sehrgar emas. Unga o‘yinchi, sharoit hamda vaqt kerak. Ammo ularda vaqt kam. “Andijon”ga omad tilayman, biroq klubga qiyin bo‘lishini siz bilan biz ko‘rib turibmiz.
- Eshitishimizcha, Oybek Bozorov mavsum yakunida xorijga ketar ekan, shu rostmi?
- Bu haqida eshitmadim. Oybekni jamoamiz bilan uzoq yillik shartnomasi bor.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
