Ushbu ruknimizdagi eng so‘nggi yangiliklar bilan tanishtirishda davom etamiz.
Dost nishonda
Angliyaning «Tottenhem» klubi ustozi Joze Mourinyo markaziy hujumchi izlashda davom etmoqda.
“The Guardin” nashri bergan ma’lumotlarga qaraganda, klub nishonida “Ayntraxt” klubi forvordi Bas Dost turibdi.
Manbaning ma’lum qilishicha, «shporlar» gollandiyalik futbolchini ijaraga olishni rejalashtirmoqda.
Odoi Myunhenda?!
Myunhenning «Bavariya» klubi «Chelsi» yarim himoyachisi Xudson-Odoi bilan shartnoma imzolamoqchi.
“Daily Mail” nashrining ma’lum qilishicha, jamoa 19 yoshli futbolchi bilan o‘tgan mavsumda shartnoma imzolamoqchi edi, ammo «Chelsi» o‘z futbolchisini sotishni istamadi.
Manbaning ma’lum qilishicha, Kallum Xudson-Odoi katta ehtimol bilan yangi mavsumni ijara asosida boshqa klubda o‘tkazadi.
«Everton»da ko‘tara savdo
Angliyaning «Everton» jamoasi transfer oynasi yopilguniga qadar bir nechta futbolchilarini sotib yuborishni rejalashtirmoqda.
“The Mirror” nashrining ma’lum qilishicha, jamoani Moyze Kin, Aleks Ivobi, Teo Uolkott, Gilfi Sigurdson va Bernardlar tark etishi mumkin.
Manbaning ma’lum qilishicha, jamoa Xames Rodriges, Allan va Dyukare uchun katta pul sarf etgani uchun ham bir nechta futbolchilarni sotib yuborishga majbur.
Martines ketmoqchi
Angliyaning “Arsenal” jamoasi darvozaboni Emelio Martines jamoadan ketishga qaror qildi.
Futbolchining agenti bergan ma’lumotlarga qaraganda, argentinalik darvozabon allaqachon “Aston Villa” bilan shaxsiy shartnoma imzolagan.
Eslatib o‘tamiz, Martines “Arsenal” jamoasida o‘yin amaliyotisiz qolib ketishni istamayapti. Shu sababli, Birmingem klubi bilan shartnoma imzolamoqchi.
Emerson nishonda
Angliyaning «Chelsi» klubi himoyachisi Emerson faoliyatini boshqa klubda davom ettirishi mumkin.
“The Sun” nashri bergan ma’lumotlarga qaraganda, himoyachi bilan «Vest Hem» va «Inter» klublari jiddiy qiziqib qolgan.
Eslatib o‘tamiz, Emerson «Chelsi» bilan 2018 yilda shartnoma imzolagan va bu kelishuv 2022 yilda o‘z kuchini yo‘qotadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
