Bugun O‘zbekiston Superligasining 19-tur doirasida uchta bahs bo‘lib o‘tadi.
"Andijon" - "So‘g‘diyona"
Superligada qolish uchun jon saqlayotgan va so‘nggi o‘yinlarda ijobiy natijalarni qo‘lga kiritayotgan Baxtiyor Hamidullayev boshchiligidagi "Andijon" o‘z maydonida Jizzaxning "So‘g‘diyona" jamoasini qabul qiladi. Uchrashuv soat 15:30da boshlanadi va ushbu bellashuvni "Sport" telekanali orqali to‘g‘ridan-to‘g‘ri tomosha qilishingiz mumkin.
Jamoalarning o‘zaro uchrashuvlari tarixi:
40 marta o‘zaro bahs olib borishgan. Shularning 16 tasida "Andijon" g‘alaba qozongan, 8 uchrashuvda durang natijasi qayd etilgan, 16 ta uchrashuvda "So‘g‘diyona" futbolchilarining qo‘llari baland kelgan.
Jamoalarning joriy mavsumdagi so‘nggi uchta uchrashuvi:
16-tur. "Navbahor" - "Andijon" 0:0, "So‘g‘diyona" - "Qo‘qon-1912" 3:0;
17-tur. "Andijon" - "Buxoro" 2:1, "Paxtakor" - "So‘g‘diyona" (qoldirilgan);
18-tur. "Metallurg" - "Andijon" 1:1, "So‘g‘diyona" - "Lokomotiv" 2:1;
"Buxoro" - "Nasaf"
Chempionatning yaqqol autsayderi "Buxoro" o‘z maydonida sovrinli o‘rinlar uchun kurash olib borayotgan Qarshining "Nasaf" jamoasini qabul qiladi. Ushbu jamoalar o‘rtasidagi bahs O‘zbeiston milliyteleradiokompaniyasining "Dunyo bo‘ylab" telekanali orqali soat 16:00da jonli efirga uzatilishni boshlaydi.
Jamoalarning o‘zaro uchrashuvlari tarixi:
Jamoalar shu kungacha o‘zaro 44 marotaba bahs olib borgan. O‘tkazilgan o‘yinlarning 23 tasida qarshiliklar g‘alaba qozongan bo‘lsa, 9 ta uchrashuvda jamoalar murosaba ko‘chasini tanlashgan, qolgan 12 ta uchrashuvda esa buxoroliklarning qo‘llari baland kelgan.
Jamoalarning joriy mavsumdagi so‘nggi uchta uchrashuvi:
16-tur. "Buxoro" - "Lokomotiv" 1:3, "Nasaf" - "Surxon" 5:0;
17-tur. "Andijon" - "Buxoro" 2:1, "Navbahor" - "Nasaf" 0:0;
18-tur. "Buxoro" - "Navbahor" 0:0, "Nasaf" - "Mash’al" 4:1.
"Paxtakor" - "Qizilqum"
Mamlakatning amaldagi chempioni o‘z maydonida ikkinchi davrada o‘z tarkibini sezilarli darajada kuchaytirib olib, muhim ochkolarni qo‘lga kiritayotgan Navoiyning "Qizilqum" jamoasini qabul qiladi. Shota Arveladze boshchiligidagi "Paxtakor" OCHLdagi yurishini to‘xtatib, butun e’tiborini ichki chempionatga qaratgan. Ushbu bellashuv "Sport" telekanali orqali soat 17:30da to‘g‘ridan-to‘g‘ri namoyish etilishni boshlaydi.
Jamoalarning o‘zaro uchrashuvlari tarixi:
Ushbu jamoalar shu kungacha o‘zaro 40 marotaba bahs olib borishgan. O‘tkazilgan 40 ta uchrashuvning 33 tasida poytaxtliklarning qo‘llari baland kelgan bo‘lsa, 6 ta uchrashuvda durang natijasi qayd etilgan, atigi bitta bellashuvda navoiyliklarning qo‘llari baland kelgan.
Jamoalarning joriy mavsumdagi so‘nggi uchta uchrashuvi:
16-tur. "Buxoro"- "Paxtakor" 0:3, "Qizilqum" - "Mash’al" 1:0;
17-tur."Paxtakor" - "So‘g‘diyona" (qoldirilgan), AGMK - "Qizilqum" 2:1;
18-tur."Qizilqum" - "Qo‘qon-1912" 2:1, "Bunyodkor" - "Paxtakor" (qoldirilgan)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
