Ushbu ruknimizdagi eng so‘nggi yangiliklar bilan tanishtirishda davom etamiz.
Mourinyoga "Barsa" futbolchisi kerak
Angliyaning "Tottenhem" jamoasi bosh murabbiyi - Joze Mourinyo "Barselona" yarim himoyachisi Karlos Alenya bilan shartnoma imzolashni istamoqda.
Goal nashrining ma’lum qilishicha, ispaniyalik futbolchi bilan "Tottenhem" jiddiy qiziqib qoldi. Futbolchi Kuman qo‘l ostida o‘yin amaliyotisiz qolib ketmoqda. "Shporlar" shu omildan foydalangan holda uni o‘z safiga qo‘shib olmoqchi.
Manbaning ma’lum qilishicha, futbolchining o‘zi klubda qolib asosiy tarkib uchun kurashib ko‘rmoqchi.
"Yuve" va "Arsenal" Ramos uchun kurashga kirishmoqda
Madridning "Real" jamoasi himoyachisi Serhio Ramos faoliyatini boshqa jamoada davom ettirishi mumkin.
"Calciomercato" nashrining ma’lum qilishicha, futbolchi rahbariyat bilan yangi shartnoma borasida kelishuvga erishgani yo‘q. Ayni damda, muzokaralar boshi berk ko‘chaga kirib qolgan. Shu bois, jamoa sardori yozda yoki qishdayoq boshqa klub bilan shartnoma imzolashi mumkin.
Avvalroq futbolchi o‘z kuchini APLda sinab ko‘rmoqchi ekanligi haqida ma’lum qilgan edi. Eslatib o‘tamiz, Ramosning "Real Madrid" bilan o‘rtadagi shartnomasi 2021-yilning yoz oyida o‘z yakuniga yetadi.
"Inter" va "Torino" o‘yincha almashtirishi mumkin
Milanning "Inter" klubi "Torino" himoyachisi Armando Isso bilan shartnoma imzolashni istamoqda
Italiya nashrlari bergan ma’lumotlarga qaraganda, "Inter" Armandoni qo‘lga kiritish uchun "buqalar"ga Matias Vessinoni taklif qilmoqchi.
Ikkita futbolchining ham transfer qiymati 25 million yevroni tashkil etmoqda. Shu bois, bu transfer hech qanday muammo tug‘dirmaydi.
"Siti"dan yangi transfer
Angliyaning "Manchester Siti" jamoasi "Partizan" klubi hujumchisi Ivan Stevanovichni o‘z safiga qo‘shib olishga juda yaqin turibdi.
"Sky Sport" nashrining ma’lum qilishicha, 18 yoshli futbolchi qishda "shaharliklar" safiga kelib qo‘shiladi. Ayni damda, shaxsiy shartnoma borasida muzokaralar olib borilmoqda.
Eslatib o‘tamiz, avvalroq jamoa qishda Leo Messi bilan shartnoma imzolashi haqidagi xabarlar paydo bo‘lgan edi.
Mbappe kelsa, Benzema...
Kelasi mavsumda Madridning "Real" jamoasi Kilian Mbappeni qo‘lga kiritish uchun harakatni boshlab yuborganidan xabaringiz bor.
Goal nashrining ma’lum qilishicha, agar Kilian Madridga taklif etilsa, Benzema boshqa jamoaga o‘tadi. Karim o‘z kuchini APLda sinab ko‘rishni istamoqda. Shu bois, Mbappening transferi Karim uchun Madriddagi sarguzashtlarning yakuni bo‘lib xizmat qilishi mumkin.
Manbaning ma’lum qilishicha, Benzema "Real"ning zaxira o‘rindig‘ida o‘tirishni istamayapti. Shu bois, Kilianning transferi amalga oshsa, APLga yo‘l olmoqchi.
Ma’lumotlarga qaraganda, Benzema uchun asosiy da’vogarlar orasida "Liverpul" va "Chelsi" jamoalari mavjud.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
