Rossiyalik ekspert Aleksandr Chumakov O‘zbekiston milliy terma jamoasi futbolchilari va delegasiyasi Niderlandiyaga qarshi o‘rtoqlik uchrashuvi oldidan qat’iy tekshiruvdan o‘tkazilgani haqida fikr bildirdi.
«Ishonchim komilki, xavfsizlik xizmatlari buni standart tartib-taomil deb ataydi va aynan nima sababdan tekshiruv o‘tkazilganini hech qachon ochiqlamaydi. Hozircha jamoatchilikka futbolchilar tekshiruvdan o‘tkazilgan ikki holat ma’lum — O‘zbekiston va Senegal terma jamoalari. Boshqa jamoalar ham tekshirilgan bo‘lishi mumkin, ammo ular haqidagi videolar internetda tarqalmagan. Ehtimol, Yevropa terma jamoalari bunday tekshiruvlarga duch kelmayotgandir.
Bu, albatta, noxush holat. Biroq xavfsizlik xizmatlari faoliyatiga aralashib bo‘lmaydi. Bu voqea o‘zbekistonlik futbolchilarga ruhiy ta’sir qilmasligi kerak. AQSHda polisiya ehtiyot chorasini kuchaytirish maqsadida shunga o‘xshash qarorlar qabul qilishi tez-tez uchraydi. Buning yomon tomoni yo‘q, aksincha, ma’lum ma’noda ijobiy holat ham hisoblanadi.
Balkim, kimdir polisiyaga qo‘ng‘iroq qilib, ehtimoliy xavf haqida xabar bergandir. Yana bir ehtimol, polisiya bo‘lajak turnirning ahamiyatini to‘liq anglamagan va «har ehtimolga qarshi» tekshiruv o‘tkazishga qaror qilgandir. Har bir shtatning o‘ziga xos protokollari va qoidalari bor. Bu qoidalar turli mamlakatlar vakillariga nisbatan ham farq qilishi mumkin.
Umuman olganda, O‘zbekiston terma jamoasi va uning muxlislari bu holatga ortiqcha e’tibor qaratmasligi kerak. AQSHda g‘alati vaziyatlar tez-tez uchrab turadi va turnir davomida bunday holatlar yana ko‘payishi mumkin. Masalan, momaqaldiroq haqida ogohlantirish berilsa, yomg‘irning bir tomchisi ham yog‘magan taqdirda o‘yin 30 daqiqaga to‘xtatilishi mumkin. Bu jahon chempionati, shubhasiz, o‘ziga xos turnir bo‘ladi», — dedi Chumakov.
Avvalroq, Niderlandiya terma jamoasiga qarshi o‘rtoqlik uchrashuvi oldidan Nyu-York shahrida O‘zbekiston terma jamoasi futbolchilari va rasmiy delegasiyasi AQSH xavfsizlik xizmatlari tomonidan kuchaytirilgan shaxsiy ko‘rikdan o‘tkazilgani xabar qilingandi. Hodisa avtobusdan tushib, «Aykan Stedium» stadioniga kirish arafasida sodir bo‘lgan va futbol jamoatchiligida keng muhokamalarga sabab bo‘lgan.
Tekshiruv jarayonida har bir futbolchi alohida ajratilib, qo‘l metallodetektorlari yordamida ko‘rikdan o‘tkazilgan. Futbolchilarning shaxsiy buyumlari va ekipirovkalari K9 xizmat itlari yordamida tekshirilgan, o‘yinchilar sumkalarini ochishga majbur bo‘lgan. Shuningdek, xavfsizlik xizmati murabbiylar shtabi foydalanadigan taktik taxtalarni ham sinchiklab ko‘zdan kechirgan. Guvohlarning ta’kidlashicha, delegasiya a’zolarining mobil qurilmalari ham vaqtincha olib qo‘yilib, tekshiruvdan o‘tkazilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
