Ushbu ruknimizdagi eng so‘nggi yangiliklar bilan tanishtirishda davom etamiz.
«Lester» «Real» futbolchisiga qiziqib qoldi
Angliyaning «Lester» jamoasi «Real Madrid» hujumchi Luka Yovich qishda APLga ko‘chib o‘tishi mumkin.
«The Mirror» nashrining ma’lum qilishicha, «Lester» rahbariyati futbolchini tez orada klubni tark etishidan xabardor. Shu bois, uni o‘z safiga qo‘shib olish uchun muzokaralarni boshlash arafasida.
Manbaning ma’lum qilishicha, «tulkilar» futbolchini sotib olish sharti bilan ijaraga olishni rejalashtirmoqda.
Neymar ortga qaytmoqchi emas
Parijning PSJ jamoasi hujumchisi Neymar faoliyatini Kataloniyada davom ettirish fikridan qaytdi.
Goal nashrining ma’lum qilishicha, Braziliya terma jamoasi a’zosi mavsum so‘nggida Kataloniya klubiga o‘tmoqchi edi, ammo endi o‘z fikridan qaytdi.
Manbaning ma’lum qilishicha, futbolchi ayni damda o‘z klubida baxtli va Parijda yana 2-3 mavsum to‘p surish niyatida.
Alaba «Real»da?!
Myunhenning «Bavariya» jamoasi himoyachisi David Alaba faoliyatini «Real»da davom ettirishi mumkin.
«Bild» nashrining ma’lum qilishicha, futbolchining agenti Alabani «Real Madrid»ga tavsiya qilmoqda. Shuningdek, himoyachi bilan «Inter» va «Yuventus» jamoalari ham qiziqib qolgan.
Eslatib o‘tamiz, futbolchi va «Bavariya» o‘rtasidagi shartnoma 2021 yilda o‘z yakuniga yetadi.
«Yuve» rad etdi
Turinning «Yuventus» jamoasi Merih Demirel borasida «Lester»dan kelib tushgan taklifni rasman rad etdi.
«LGDS» nashrining ma’lum qilishicha, ingliz klubi turk himoyachisi uchun 35 million yevro taklif qilgan, biroq «Yuve» bu summa evaziga o‘z futbolchisini qo‘yib yuborishni istamagan.
Eslatib o‘tamiz, avvalroq Demirel bilan «Manchester Yunayted» jamoasi ham qiziqib qolgan edi.
PSJ ishga kirishdi
Parij super klubi «Bavariya»da o‘z o‘rnini yo‘qotib qo‘ygan Lyuka Ernandesni o‘z safiga qo‘shib olmoqchi.
Parij klubi Lyuka bilan shartnoma imzolash maqsadida Myunhen klubiga 45 million yevro taklif qilmoqchi. «L'equipe» nashrining ma’lum qilishicha, Ernandesning o‘zi ham tezroq «Bavariya»dan ketish niyatida. U o‘yin amaliyotisiz qolib ketayotganidan norozi.
Manbaning ma’lum qilishicha, ushbu transfer qishda amalga oshishi mumkin. Parij klubi allaqachon Ernandesning agenti bilan muzokaralarni boshlab yuborgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
