Jamoamiz ushbu mavsumda turli statistik ko‘rsatkichlar borasida Superligada yaqqol yetakchi bo‘lib turibdi.
Jamoalar va futbolchilar harakatlarini tahlil qilib boruvchi "Instat" kompaniyasi ko‘rsatkichlariga ko‘ra, "Paxtakor" Superligada hisoblangan 12 jihatning 8tasi bo‘yicha peshqadam. Bu esa "Sherlar" namoyish etayotgan o‘yin sifati ham boshqalardan ajralib turganini isbotlaydi.
Umumiy ko‘rsatkichlar bo‘yicha "Paxtakor" 245, "Nasaf" 222 va "Bunyodkor" 212 ball to‘plagan. Beshlikka 210 ball bilan "Lokomotiv", 209 ochko bilan AGMK ham kirgan. O‘rtacha gol urish borasida "Paxtakor"ning ko‘rsatkichi bir o‘yinga 3,2tadan to‘g‘ri kelmoqda. Qolgan biror jamoa ko‘rsatkichi o‘rtacha 2ta golga yetmagan. "Nasaf" 1,89ta, "Bunyodkor" 1,67ta to‘p kiritgan. Beshlikda AGMK (1,48 gol) va "Qo‘qon-1912" (1,47 gol) joylashgan.
Bir o‘yinda yaqqol golli imkoniyatlarni "Sherlar" har bellashuvda o‘rtacha 9tadan sodir etishmoqda. "Nasaf" va "Bunyodkor" 6tadan golli vaziyat yaratmoqda. "Lokomotiv" 5,7ta, AGMK esa 4,9ta imkoniyatga ega bo‘lmoqda. Darvozaga aniq zarba berishda jamoamiz o‘rtacha 8tadan ko‘rsatkich qayd etgan. "Nasaf" 7ta, "Bunyodkor" 6ta, "Lokomotiv" 4,7ta va "So‘g‘diyona" 4,3tadan zarba bilan dastlabki besh o‘rinda turishibdi. Mavsum davomida "Paxtakor" raqiblari darvozasiga jami 389ta zarba bergan va ularning 176tasi darvozaga to‘g‘ri borgan. Aniq zarbalardan 71tasi golga aylangan.
Jamoamiz bir o‘yinda o‘rtacha 6tadan (jami 136ta) burchak zarbasini amalga oshirgan. Keyingi klublarda bu borada ko‘rsatkich shunday: "Nasaf" - 5,6ta, "Bunyodkor" va "So‘g‘diyona" 5,3tadan, "Metallurg"da 4,6ta.
"Paxtakor" futbolchilari bir o‘yinda 655 marta to‘pni bir-birlarga aniq yetkazib bermoqda. Aniqlik ko‘rsatkichi 88 foizga teng. "Bunyodkor"da 518 uzatma (86%), "Nasaf"da 425 (82%), AGMKda 410 (82%) va "Lokomotiv"da 405 uzatma (82%) mavjud. Eng yaqin ta’qibchi bilan o‘rtacha uzatmalar miqdoridagi farq 138tani tashkil etmoqda.
Hal qiluvchi uzatmalarni amalga oshirishda jamoamizning o‘rtacha ko‘rsatkichi 5,1tani tashkil qilgan. Ushbu jihat bo‘yicha "Bunyodkor" 3,6ta, "Lokomotiv" va "Nasaf" 3,4ta, "Metallurg" 3ta uzatma ko‘rsatkichiga ega.
Krosslarning o‘rtacha soni bo‘yicha ham jamoamiz peshqadam. Bir bahsga aniq 6ta shunday uzatma to‘g‘ri kelgan. Aniq ko‘rsatkich 31 foizdan iborat. AGMK 4,7ta, "Lokomotiv" 4,5ta, "Andijon" 4,4 va "Nasaf"da 4,2tadan krosslarni bir bellashuvda amalga oshirgan.
Raqibni aldab o‘tish va ortda qoldirish borasida bir o‘yindagi miqdor "Bunyodkor"da yaxshiroq, ammo foiz, ya’ni samaralilik borasida "Paxtakor" ustunlikka ega. "Paxtakor"da uchrashuvga o‘rtacha 18ta (67% muvaffaqiyatli), "Bunyodkor"da 20 (64%), "Nasaf" va "Navbahor"da 15 (57%) hamda "Andijon"da 15 (56%) ko‘rsatkich to‘g‘ri kelgan.
Umumiy kurashlarni yutishda "Andijon" (o‘rtacha 87tadan, 49%), himoyadagi kurashlarda ustun kelishda "Nasaf" (o‘rtacha 50tadan, 57%) va havodagi kurashlarni yutishda "So‘g‘diyona" (o‘rtacha 32tadan, 52%) eng yaxshi natijalarni qayd etishgan.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
