Joze Mourinyoning ikkinchi mavsumlari doim kuchli kechishi haqidagi iddaolar aniq faktlarga asoslangan. “Real”da ham, “Chelsi”da ham, “Inter”da ham u 2-mavsumini muvaffaqiyatli o‘tkazib, chempionlikni qo‘lga kiritgan. Hatto “Manchester Yunayted” ham Fergidan keyingi davrdagi eng yaxshi natijasiga aynan Jozening ikkinchi mavsumida erishgandi. Hozirda APLda peshqadamlar safida borayotgan “Tottenhem” ham go‘yo buni isbotlayotgandek.
Umuman, nafaqat yangi mavsum, balki 2020 yildagi natijalarni olsak ham, “Tottenhem” Angliyada eng yaxshi ko‘rsatkichga ega. Xo‘sh, Mourinyo yana bir kuchli jamoasini taqdim etmoqdami?
U qadar deb o‘ylamayman. Birinchidan, bugungi “Tottenhem” qandaydir tayyor loyihani eslatmayapti – ochkolar alohida o‘yinlardagi to‘g‘ri rejalar yordamida qo‘lga kiritilayotgandek, ya’ni bir maqsad sari aniq yo‘nalayotgan ahil guruhga o‘xshamaydi. Bir ikki muvaffaqiyatsiz o‘yin bo‘lsa barchasi sochilib ketishi ham mumkin. Ikkinchidan, Harri Keyn va Son Xyong Minning ajoyib sport formasini ham ta’kidlash kerak. Natijalar aynan mana shu futbolchilarning individual mahorati evaziga ham qo‘lga kiritilyapti.
Bundan uchinchi sabab kelib chiqyapti. Ya’ni, “Tottenhem” shu paytgacha ancha kuchsiz, autsayder jamoalar bilan o‘yinlarda qatnashdi. Jamoaning kuchi, asosiy quroli ma’lum – Son va Keyn. Ularni zararsizlantirish “Tottenhem” o‘yiniga jiddiy ta’sir ko‘rsatadi. Buni hamma bilib turibdi, tabiiyki, o‘sha kuchsiz raqiblar ham. Shunchaki, raqiblarda mahoratning yetishmasligi natijasida, Son va Keynning mahorati hal qiluvchi bo‘lib qolmoqda. Agar ancha saviyali va yuqori malakali ijrochilarga ega raqib, to‘g‘ri va mos taktika bilan to‘p sursa, “Tottenhem” hujumda muammolarga duch kelish ehtimoli yuqori.
Demak, Mourinyo jamoasi uchun asosiy sinov endi boshlanmoqda. Bir oy ichida londonliklar “Manchester Siti”, “Arsenal”, “Chelsi”, “Liverpul”, “Kristal Pelas” va “Lester”ga qarshi maydonga tushishadi. Aynan mana shu o‘yinlar Joze shogirdlarining salohiyatini, Son va Keyn qay darajaga chiqa olishi mumkinligini ko‘rsatib beradi.
Demak, birinchi sinov – bugun, 22:30 da. “Tottenhem” – “Manchester Siti”.
Qahramon Aslanov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
