Yevropa Chempionlar ligasi 5-tur uchrashuvlariga bugun tunda start beriladi. E’tibor markazida bo‘ladigan o‘yinlardan biri shubhasiz “Enfild”da “Liverpul” –“Ayaks” o‘rtasida bo‘lib o‘tadi.
“Liverpul” o‘tgan turda turnirdagi ilk mag‘lubiyatini qabul qilib oldi. “Atalanta”ga qarshi kechgan bahsda kuch tejashni niyat qilgan “qizillar” keyingi bosqich yo‘llanmasini naqd qilishi mumkin edi.YUrgen Klopp shogirdlarida bugun ham shunday imkoniyat mavjud, g‘alaba va 1/8 final yo‘llanmasida naqd qilinadi.
“Ayaks” Daniyaning “Mityulland”i bilan ketma-ket ikki o‘yindagi g‘alabalari evaziga guruhda ikkinchi o‘rinda boryapti.Guruhdan chiqish masalasini hal qilish niyatlari bo‘lsa, bugun faqat g‘alaba uchun maydonga tushishlari lozim. Hammasi amsderdamliklarning o‘z qo‘llarida emas,ular har qanday holatda ham “Atalanta” bilan hisoblashishga majbur.
“Liverpul”
Mavsumning yarmiga yetmasdan mersisaydliklarning deyarli barcha himoyachilari jarohatlari tufayli jamoaga yordam bera olmayapti.Tig‘iz taqvimning navbatdagi “qurboni” Kloppning ishongan tayanch yarim himoyachisi Jeyms Milner bo‘ldi. “Brayton” bilan kechgan bahsni yarim himoyada boshlagan Milner Neko Uilyamsning zaxiraga olinganidan keyin o‘ng qanot himoyasida o‘ynadi. Uchrashuv yakuniga yetmasdan o‘zi ham jarohat tufayli almashtirildi. Bu vaziyatda Kloppni yuzidagi ifodani ko‘rsangiz edi,achinarli. Yaqindagini koronavirusdan tuzalgan Muhammad Saloh ham mavsum boshidagi sport formasiga qaytganicha yo‘q. Murabbiy bunaqa tig‘iz taqvim uchun translyasiya qiluvchilarni ayblamoqda. Chempionlar ligasi va APL uchrashuvlari orasidagi dam olish vaqti juda kam bo‘lganidan norozi ekanligini yashirib o‘tirmadi.
Kloppni bunday tushkin holatdan uning yangi futbolchisi Diyego Jota olib chiqib ketishi mumkin. “Liverpul” safida debyut qilgandan beri o‘z hisobiga 9 gol yozdirib qo‘ygan portugaliyalikdan ko‘p gol urgan futbolchini “qizillar”safida uchratmaysiz. 24 sentabrda ilk uchrashuvida maydonga tushgan so‘ng Saloh 7 Mane 3 va Firmino 2 ta gol urishga erishgan. Trioni kvartetga aylanishiga sabab bo‘lgan Jota universal futbolchiligi bilan ham ajralib turadi. Germaniyalik mutaxassis uni istalgan vaqtda qanot yarim himoyasichi vazifasida qo‘llashi mumkin. Diyegoning jamoaga kelishi “Liverpul”ga 4-2-3-1 taktik sxemasida harakatlanish imkonini yaratdi.
Tahminiy tarkib: Bekker, Robertson, Fabinyo, Matip, Uilyams, Veynaldum, Henderson, Mane, Saloh, Firmino, Jota.
“Ayaks”
Erik ten Xag jamoasing bugungi uchrashuvdagi eng katta yutug‘i asosiy tarkib futbolchilarining hech birida jiddiy jarohatlar yo‘qligi,desak bo‘ladi. Birgina Muhammad Qudus ismli futbolchi “Liverpul”bilan bo‘lgan birinchi uchrashuvda jarohatlanganicha tarkibga qaytgani yo‘q. Chempionatdagi so‘nggi uchrashuvda asosiy tarkib futbolchilariga yaxshi xordiq chiqarish imkoniyatini yaratdi.
Jamoa hozirda super futbol namoyish etyapti. Oxirgi 7 uchrashuvning oltitasida g‘alaba.Har bir uchrashuvda raqib darvozasini kamida 3 bor ishg‘ol qilinishi “Ayaks”ning qanday holatda ekanligini yaqqol ko‘rsatib beradi. Dushan Tadich va yosh Lassina Traore juftligi ushbu gollarning aksariga mualliflik qilishgan. Burkina Faso va serbiyalik futbolchi joriy mavsumdan birgalikda maydonga tushishiga qaramasdan ko‘p yillik duyetlar kabi harakat qilishmoqda.Ancha zaiflashgan bugungi raqib himoyasi ularga qarshilik ko‘rsatishga qiynalishi turgan gap.
Tahminiy tarkib: Onana, Mazraui, Sxyurs, Martines, Talyafiko, Klassen, Blind, Gravenberx, Neres, Traore, Tadich.
Murabbiylarning fikrlari
Yurgen Klopp “Liverpul”: “ Men bugungi uchrashuvni stadiondan tomosha qiladigan ikki ming muxlis uchun xursandman. Bu hali boshlanishi deb umid qilaman.Jarohatlangan futbolchilarim qachon tarkibga qaytishini aniq ayta olmayman,buni vaqt ko‘rsatadi.Aleksandr-Arnoldni umumiy guruh mashg‘ulotlarida ishtirok etishiga ruxsat bermadim,u hozirda yakka holda shug‘ullangani ma’qul,deb o‘ylayman. Men har doim gapirib kelganman, bizda 11 nafar futbolchi bormi,demak,oxirigacha kurashamiz”.
Erig ten Hag “Ayaks”: "Biz maydonga raqibdan qo‘rqmasdan jasurroq bo‘lib tushishimiz kerak. Birinchi uchrashuvda biz ko‘plab vaziyatlar yaratdik,lekin bizga jasurlik yetishmadi.Ha,bir narsa aniqki “Liverpul”dan olingan ochkolar bizni guruhdagi vaziyatimizga ta’sir ko‘rsatmaydi. Bergamodagi vaziyatni kuzatishga majburmiz.Biz har qanday holatda ham o‘z o‘yinimizni ko‘rsatishimiz kerak,bizda bosim yuqori bo‘lishi tabiiy”.
Ruslan Maksimov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
