“Navbahor” yakunlangan mavsumda yubiley – 1400-golini urgani va ushbu golga Cuperliganing 23-turidan o‘rin olgan “Navbahor” – “Surxon” (1:0) uchrashuvida jamoaning mahoratli hujumchisi Zabihillo O‘rinboyev mualliflik qilgani haqida ma’lumot bergandik.
Shu munosabat bilan ayni paytda qishki ta’tilda bo‘lgan 25 yoshli mahoratli futbolchi bilan telefon orqali bog‘lanib, Zabihilloning bu boradagi fikri bilan qiziqdik.
Mahoratli hujumchi esa quyidagi so‘zlarni gapirdi:
"So‘zim avvalida barcha hamyurtlarimizni kirib kelayotgan yangi – 2021 yil bilan tabriklayman. Ilohim, yangi yil barchaga baxt va quvonch olib kelsin. Bu yil amalga oshmagan orzulari kelasi yili amalga oshsin.
Albatta, nafaqat mamlakatimiz, balki Osiyo qit’asi hamda sobiq ittifoq davlatlarida ham taniqli, Superligamizning “Paxtakor” bilan birgalikda ikki muntazam ishtirokchisidan biri bo‘lgan, shuningdek, yurtimizning eng sovrindor jamoalari qatoridan o‘rin olgan “Navbahor”dagi bir yillik faoliyatim davomida jamoaning yubiley goli muallifiga aylanib, “Navbahor” tarixida qolganimdan xursandman.
Hali yoshman hamda kelajakdagi faoliyatim davomida ham yana shunday yubiley gollar muallifiga aylanib, ijobiy va yoqimli statiskalarni qayd etaman, degan umiddaman.
Joriy mavsum yakunida “Navbahor” bilan tuzilgan shartnomam muddati yakunlandi hamda jamoadagi taqdirimga yangi yildan so‘ng, oydinlik kiritiladi.
Albatta, “Navbahor”da bosimi yuqori. Shu bois, jamoa o‘yiniga moslashishim uchun biroz vaqt kerak bo‘ldi.
Kelasi mavsumda ham namanganliklar sharafini himoya qiladigan bo‘lsam, chiroyli o‘yinlarim va gollarim bilan jamoa muxlislariga quvonch ulashaman degan umiddaman. Yakuniga yetayotgan yilda pandemiya sababli, “Navbahor” ijobiy natija qayd eta olmadi.
Xudo xohlasa, yangi mavsumda namanganliklar klub rahbariyati hamda jamoa muxlislari ishonchini oqlab, sovrindorlar safidan o‘rin olish uchun kurash olib borishadi degan niyatdaman.
Jamoa bilan yangi shartnoma imzolaydigan bo‘lsam, buni amalga oshirish uchun men ham munosib hissamni qo‘shaman, degan umiddaman. So‘zim yakunida yana bir marta barcha yurtdoshlarimizni yangi yil bilan muborakbod etaman", — dedi O‘rinboyev.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
